پدم شری ایوارڈ کو لے کر جاری تنازع پر پاکستانی نزاد گلوکار عدنان سامی کا بڑا بیان ، کہی یہ بات

Published

6 years ago

January 30, 2020

عدنان سامی نے کہا کہ تنقید کرنے والے کچھ چھوٹے موٹے سیاستداں ہیں ۔ وہ کسی سیاسی ایجنڈہ کے تحت یہ کررہے ہیں اور اس کا مجھ سے کوئی لینا دینا نہیں ہے ۔ میں سیاسی لیڈر نہیں ہوں ، میں گلوکار ہوں ۔

پاکستانی نزاد گلوکار عدنان سامی کو پدم شری ایوارڈ دئے جانے کا اعلان ہونے کے بعد سے شروع ہوئے تنازع پر ان کا کہنا ہے کہ وہ ایک فنکار ہیں اور ان کا سیاست سے کوئی لینا دینا نہیں ہے ۔ انہوں نے کہا کہ کچھ لوگ اپنے ذاتی مفاد کی وجہ سے ان کا نام تنازع میں گھسیٹ رہے ہیں ۔ انہوں نے اس تنازع کو لے کر سوال کیا کہ ان کے والد کا ان کے اس ایوارڈ سے کیا لینا دینا ہے ۔

دراصل عدنان سامی کے والد پاکستانی فضائیہ میں پائلٹ تھے اور اس لئے ان کے نام پر تنازع ہورہا ہے ۔ لیکن سامی پورے تنازع کو غیر ضروری مانتے ہیں ۔ عدنان سامی کو 2016 میں ہندوستان کی شہریت دی گئی تھی ۔ انہوں نے اس باوقار ایوارڈ کیلئے منتخب کئے جانے پر حکومت کا شکریہ بھی ادا کیا ہے ۔

انہوں نے کہا کہ میرے والد معزز جنگی پائلٹ تھے اور ایک پیشہ ور فوجی تھے ۔ انہوں نے اپنے ملک کیلئے اپنا فرض ادا کیا ، جس کیلئے میں ان کا احترام کرتا ہوں ، وہ ان کی زندگی تھی اور اس کیلئے انہیں اعزاز سے نوازا گیا ۔ میں نے اس سے فائدہ نہیں اٹھایا اور نہ ہی اس کا کریڈٹ لیا ۔ ٹھیک اسی طرح سے میں جو کرتا ہوں اس کا کریڈٹ انہیں نہیں دیا جاسکتا ۔ میرے ایوارڈ کا میرے والد سے کیا لینا دینا ؟ یہ غیر ضروری ہے ۔

انہوں نے کہا کہ اب میں ہندوستانی شہری ہوں ، اس ایوارڈ کو پانے کا پورا حقدار ہوں ، وہ میرے پاکستانی پس منظر کو سامنے لا رہے ہیں ، یہ مضحکہ خیز اور چونکانے والا ہے ۔ وہ کسی بھی چیز کو اٹھا رہے ہیں ، کیونکہ ان کے پاس کہنے کیلئے اور کچھ نہیں ہے ۔ حالانکہ انہوں نے کہا کہ الگ الگ سیاسی پارٹیوں کے لوگوں سے ان کے اچھے تعلقات ہیں ۔(نیوز 18 اردو)

دنیا

اسرائیلی وزیر دفاع کی ایران کو پتھر کے زمانے میں دھکیلنے کی دھمکی

Published

1 hour ago

April 24, 2026

Online Desk

تل ابیب، اسرائیلی وزیردفاع اسرائیل کاٹز نے کہا ہےکہ ایران پر حملوں اور اسے پتھر کے زمانے میں دھکیلنے کےلیے امریکہ کے گرین سگنل کا انتظار کررہےہیں۔

کاٹز نے کہا کہ اسرائیل جب دوبارہ حملے شروع کرے گا تو ایران کی اہم توانائی اور بجلی تنصیبات کو نشانہ بنایا جائے گا۔

دوسری جانب اقوام متحدہ میں ایران کے سفیر نے امریکی حملوں میں 5 عرب ریاستوں کی سرزمین کے استعمال پر اقوام متحدہ سے باقاعدہ احتجاج ریکارڈ کروا دیا ۔ ایرانی سفیر نے کہا کہ قطر، بحرین، متحدہ عرب امارات، سعودی عرب اور کویت اچھے ہمسائے کے اصولوں پر چلیں، اپنی زمین تیسرے ملک کے خلاف استعمال نہ ہونے دیں۔

یو این آئی۔ ع ا۔

دنیا

امریکی افواج کی بحرِ ہند میں کارروائی، ایرانی بحری جہاز قبضے میں لے لیا

Published

1 hour ago

April 24, 2026

Online Desk

واشنگٹن، امریکی افواج نے بحرِ ہند میں کارروائی کرتے ہوئے ایران کا بحری جہاز قبضے میں لے لیا۔

امریکی محکمہ جنگ نے دعویٰ کیا کہ جہاز ایم ٹی میجسٹک ایران سے تیل لے کر جا رہا تھا۔ امریکی محکمہ جنگ نے کہا کہ عالمی سطح پر میری ٹائم قوانین کے نفاذ کو جاری رکھیں گے تاکہ غیر قانونی نیٹ ورکس اور ایسے جہازوں کو روک سکیں جو ایران کی مدد کر رہے ہیں۔

یاد رہے اس سے پہلے امریکی فوج نے پیر کو ایرانی پرچم بردار بحری جہاز ایم وی توسکا پر حملہ کرکے اسے قبضے میں لے لیا تھا، سینٹ کام کی جانب سے جہاز پر قبضے کی ویڈیو بھی جاری کی جاچکی ہے۔

دوسری جانب ایران نے بھی گزشتہ روز آبنائے ہرز میں 2 بحری جہازوں پر قبضہ کرنے کی ویڈیو جاری کی ہے۔

یو این آئی۔ ع ا۔

دنیا

اسرائیل اور لبنان کے درمیان اس سال امن قائم ہونے کا قوی امکان ہے: ڈونلڈ ٹرمپ

Published

1 hour ago

April 24, 2026

Online Desk

واشنگٹن، امریکی صدر ڈونلڈ ٹرمپ نے اسرائیل اور لبنان کے درمیان جنگ بندی میں بھی توسیع کا اعلان کردیا۔

امریکی صدر نے اوول آفس میں اسرائیل اور لبنان کے سفیروں سے ملاقات کے بعد میڈیا سے گفتگو کرتے ہوئے بتایا کہ ملاقات بہت اچھی رہی ، اسرائیل کے وزیر اعظم اور لبنان کے صدر جوزف عون کی میزبانی کا بھی منتظر ہوں۔

امریکی صدر نے کہا اسرائیل اور لبنان کے درمیان جنگ بندی 3 ہفتوں کے لیے بڑھا دی جائے گی، لبنانی صدر 3 ہفتوں کے دوران نیتن یاہو سے ملاقات کر سکتے ہیں، امریکی صدر نے رواں سال اسرائیل اور لبنان کے درمیان امن قائم ہونے کا بھی قوی امکان ظاہر کردیا۔

صدر ٹرمپ بولے وہ لبنان کےساتھ کام کرنے کیلئے تیارہیں تاکہ وہ خود کو حزب اللہ سے محفوظ رکھ سکے، ایران کو حزب اللہ کی فنڈنگ روکنا ہوگی۔ جی 20 سربراہی اجلاس سے متعلق بات کرتے ہوئے صدر ٹرمپ نے کہا اگر جی20سربراہی اجلاس میں روسی صدر شرکت کرتے ہیں تو یہ بہت مددگارثابت ہوگا۔

یو این آئی۔ ع ا۔