واشنگٹن، امریکی صدر ڈونلڈ ٹرمپ نے دعویٰ کیا ہے کہ ایران ایٹمی ہتھیار نہ رکھنے پر رضامند ہوگیا ہے۔

صحافیوں سے بات چیت کرتے ہوئے امریکی صدر نے یہ بھی دعویٰ کیا کہ ایران اپنے تباہ شدہ افزودہ یورینیم کو بھی امریکہ کے حوالے کرنے پر تیار ہو گیا ہے جو دھول بن چکا ہے۔ امریکی صدر نےکہاکہ ایران سے امریکا کی بہت اچھی بات چیت چل رہی ہے، ایران کے ساتھ امریکاکی ڈیل بہت قریب ہے، مذاکرات کا نیا دوراسی ہفتے ممکن ہے، ایران پہلے جن باتوں پر تیار نہیں تھا، اب ان پر تیار ہے، ایران سے معاہدہ ہو گیا تو پاکستان جاؤں گا۔

صدر ٹرمپ نے کہاکہ آبنائے ہرمز کی ناکہ بندی بم باری سے زیادہ مؤثر ثابت ہوئی ہے۔ لبنان اور اسرائیل کی جنگ بندی پر کہا کہ انہوں نے لبنانی صدر اور اسرائیلی وزیراعظم کو وائٹ ہاوس بلایا ہے، حزب اللہ سے بات چیت لبنانی حکومت کرےگی۔

امریکی صدر نے وزیراعظم شہباز شریف اور آرمی چیف فیلڈ مارشل عاصم منیر کی ایک بار پھر تعریف کی اور کہا یہ دونوں زبردست آدمی ہیں۔

یو این آئی۔ ع ا۔

تہران، ایرانی اسپیکر باقر قالیباف کا کہنا ہے کہ لبنان میں جنگ بندی حزب اللہ، مزاحمت کاروں کی جدوجہد کا نتیجہ ہے، ایرانی اسپیکر نے ریاست پاکستان اور فیلڈ مارشل کی تعریف کی۔

غیر ملکی ذرائع ابلاغ کے مطابق ایرانی اسپیکر باقر قالیباف کا کہنا تھا کہ ثالثی پر ریاست پاکستان، فیلڈ مارشل عاصم منیر کا شکریہ ادا کرتا ہوں۔ انہوں نے کہا کہ ریاست پاکستان، فیلڈ مارشل عاصم منیرکی کوششوں سے لبنان میں جنگ کا خاتمہ ہوا۔

ایرانی اسپیکر نے کہا کہ ہم اس ceasefire سے احتیاط کے ساتھ نمٹیں گے، جنگ بندی حزب اللہ، مزاحمت کاروں کی جدوجہد کا نتیجہ ہے۔ ہم فتح کے مکمل احساس تک ساتھ رہیں گے، ہم اپنے عہد پر قائم ہیں۔

یو این آئی۔ ع ا۔

تل ابیب، اسرائیل پر قدرت کا قہر نازل ہونے لگا، مختلف علاقوں میں شہد کی مکھیوں کے بڑے بڑے جھنڈ اچانک نمودار ہونے لگے، جس کی ویڈیوز بھی وائرل ہورہی ہیں۔

غیر ملکی ذرائع ابلاغ کے مطابق شہد کی مکھیوں کے جھنڈ کی ویڈیوز دیکھ کر کچھ صارفین اسے ایک غیر معمولی قدرتی واقعہ جبکہ کئی لوگ اسے اسرائیل کے لیے ”قدرتی انتباہ“ یا ”سزا“ قرار دے رہے ہیں۔ رپورٹس کے مطابق جنوبی اسرائیل کے شہر نیتیووت میں ہزاروں کی تعداد میں شہد کی مکھیاں ایک ساتھ نمودار ہوئیں، جس کے سبب بازاروں اور تجارتی مراکز میں خوف و ہراس پھیل گیا۔

عینی شاہدین کے مطابق یہ منظر کسی فلمی یا ”قیامت خیز“ منظر سے کم نہیں تھا، جہاں ہر طرف پرواز کرتی مکھیوں نے لوگوں کو گھروں اور دکانوں کے اندر قید کردیا۔ اسرائیلی حکام کی جانب سے شہریوں اور کاروباری افراد کو ہدایت دی گئی کہ وہ دروازے اور کھڑکیاں بند رکھیں تاکہ کسی ممکنہ نقصان سے بچا جا سکے۔

بعض اطلاعات میں یہ بھی سامنے آیا کہ مکھیوں کے ایک بڑے جھنڈ نے ایک فوجی طیارے کو اڑان بھرنے سے روک دیا کیونکہ وہ اس کے انجن کے قریب جمع ہوگئی تھیں۔

ماہرین ماحولیات اس معاملے کو ایک قدرتی عمل قرار دے رہے ہیں، ان کا کہنا ہے کہ سال کے مخصوص موسم میں شہد کی مکھیاں بڑی تعداد میں ایک جگہ سے دوسری جگہ منتقل ہوتی ہیں، اس دوران مکھیوں کا ایک بڑا گروہ اپنی ملکہ کے گرد جمع ہو کر نئی جگہ کی تلاش میں نکل جاتا ہے۔

یو این آئی۔ ع ا۔