تہران، 2 ایران نے کوئٹہ میں ٹرین پر دہشت گرد حملے کی شدید مذمت کرتے ہوئے دہشت گرد گروہوں سے نمٹنے کے لیے تعاون اور ہم آہنگی کی ضرورت پر زور دیا ہے۔

ترجمان ایرانی وزارت خارجہ اسماعیل بقائی نے کہا ہے کہ ایران دہشت گردی کے خلاف جنگ کو بین الاقوامی ذمہ داری سمجھتا ہے۔ انہوٓں نے اپنے بیان میں کہاکہ کوئٹہ میں ہوئی دہشت گردی کے خلاف پاکستان کے عوام اور حکومت سے اظہار یکجہتی ، جاں بحق افراد کے اہل خانہ سے اظہارِ تعزیت کرتے ہیں۔ اس کے علاوہ پاکستان میں ایران اور روس کے سفارتخانوں نے بھی کوئٹہ ریلوے اسٹیشن کے قریب دہشت گرد حملے کی شدید مذمت کی۔

ایرانی سفیر رضا امیری مقدم نے کہا کہ گھناؤنے عمل کے منصوبہ ساز، سہولت کار اور حامی انسانیت دشمن ذہنیت رکھتے ہیں۔ روسی سفارتخانے نے کہا کہ امید ہے حملے کے منصوبہ سازوں کی شناخت کرکے انھیں انصاف کے کٹہرے میں لایا جائے گا۔

یاد رہے کہ اتوار کو کوئٹہ میں چمن پھاٹک کے قریب ریلوے ٹریک پر زوردار دھماکے کے نتیجے میں 3 ایف سی اہلکاروں سمیت 14 افراد جاں بحق اور متعدد زخمی ہوگئے۔ پولیس کے مطابق دھماکہ چمن پھاٹک کے قریب ریلوے ٹریک پر ہوا، دھماکہ اس قدر شدید تھا کہ اس کی گونج سے قریبی عمارتوں کے شیشے اور کھڑکیاں ٹوٹ گئیں، دھماکے سے ٹرین کو اور قریب کھڑی 10 گاڑیوں کو بھی نقصان پہنچا۔

یو این آئی۔ ع ا۔

واشنگٹن، امریکی صدر ڈونلڈ ٹرمپ نے کہا ہے کہ ایران کے ساتھ مذاکرات “منظم اور تعمیری” ہیں تا ہم ، محاصرے کا سلسلہ ایک حتمی معاہدے تک برقرار رہے گا۔

ٹرمپ نے اتوار کو سوشل میڈیا پلیٹ فارم ٹروتھ سوشل پر ایک پوسٹ میں کہا کہ “محاصرے کو مکمل طور پر نافذ رکھا جائے گا جب تک کہ کوئی معاہدہ حاصل، تصدیق اور دستخط نہ کیا جائے۔ دونوں فریقوں کو وقت لینا چاہیے اور درست فیصلہ کرنا چاہیے۔ غلطی کی گنجائش نہیں!” انہوں نے کہا کہ امریکہ اور ایران کے تعلقات ‘کافی زیادہ پیشہ ورانہ اور نتیجہ خیز’ بنتے جا رہے ہیں اور خبردار کیا کہ تہران کو جوہری ہتھیار تیار یا حاصل نہیں کرنے چاہئیں۔

ٹرمپ نے مزید کہا کہ وہ مشرقِ وسطیٰ کے ممالک کا ‘حمایت اور تعاون’ پر شکریہ ادا کرتے ہیں اور کہا کہ یہ عمل ابراہیمی معاہدوں میں وسیع شرکت کے ذریعے مضبوط ہوگی اور اشارہ دیا کہ ایران بھی ایک دن اس فریم ورک کا حصہ بن سکتا ہے۔

انہوں نے 2015 کے ایران جوہری معاہدے پر تنقید کی، اسے ‘اب تک کے سب سے بد ترین معاہدوں میں سے ایک’ قرار دیا اور دوبارہ سابق صدر باراک اوباما کی انتظامیہ کو الزام دیا کہ یہ ایک معیوب معاہدہ تھا جس نے جوہری ہتھیار تیار کرنے کی راہ کھولی۔ اچھا اور مناسب معاہدہ ٹرمپ نے کہا کہ ایران کے ساتھ موجودہ مذاکرات ‘بہت بہتر’ ہیں اور ایک موثر حکمتِ عملی کا حصہ ہیں، اور زور دیا کہ جاری عمل تہران کو جوہری ہتھیار حاصل کرنے سے روکے گا۔

اتوار کو ٹروتھ سوشل پر مزید ایک پوسٹ میں، ٹرمپ نے لکھا کہ ایران کے ساتھ کوئی ممکنہ معاہدہ ‘اچھا اور مناسب’ ہوگا، جو سابق صدر باراک اوباما کے تحت 2015 میں طے پانے والے جوہری معاہدے کی طرح نہیں ہے، جس کے بارے میں ان کا دعویٰ ہے کہ اس نے تہران کو ‘بے پناہ آمدنی ‘ اور ‘جوہری ہتھیار تک واضح اور کھلا راستہ’ فراہم کیا۔ انہوں نے کہا کہ موجودہ مذاکرات ‘بالکل برعکس’ ہیں، تاہم انہوں نے یہ بھی کہا کہ معاہدہ تا حال مکمل طور پر طے نہیں پایا۔ ٹرمپ نے مذاکرات کے ناقدین کو بھی مسترد کیا، کہا کہ وہ اس عمل کے بارے میں ‘کچھ نہیں جانتے’، اور مزید کہا کہ سابقہ انتظامیہ کے برعکس ، وہ ‘خراب معاہدے’ نہیں کرتے۔

دریں اثنا، ایرانی میڈیا نے اتوار کو رپورٹ کیا کہ ایران اور امریکہ کے درمیان ممکنہ سمجھوتے کی کئی شقوں پر اختلافات حل طلب ہیں۔ تسنیم نیوز ایجنسی (نیم سرکاری) نے کہا، ‘آج ہونے والی بعض بات چیت کے باوجود، سمجھوتے کی بعض شقوں، بشمول ایران کے منجمد اثاثے جاری کرنے کے مسئلے پر امریکی رکاوٹ تا حال جاری ہے۔’

یو این آئی۔ع ا۔

واشنگٹن، ایران کے ساتھ معاہدہ اپنے آخری مراحل میں ہونے کا اعلان کرنے کے بعد امریکی صدر ڈونلڈ ٹرمپ نے سابق وزیر خارجہ مائیک پومپیو کے ایک بیان کے ردِ عمل میں یہ بھی کہا کہ ان کا یہ معاہدہ اوباما جیسا نہیں ہوگا۔

اتوار کو ٹرتھ سوشل پر ایک پوسٹ میں ڈونلڈ ٹرمپ نے اوباما دور کے ایران نیوکلیئر معاہدے پر تنقید کی اور دوبارہ اس بات پر زور دیا کہ کسی بھی معاہدے میں ایران کو جوہری صلاحیت حاصل کرنے کی اجازت نہیں ہونی چاہیے۔ امریکی صدر نے لکھا کہ اگر میں ایران کے ساتھ کوئی معاہدہ کرتا ہوں تو وہ ایک اچھا اور مناسب معاہدہ ہوگا، اُس معاہدے جیسا نہیں جو اوباما نے کیا تھا، جس نے ایران کو بے تحاشا نقد رقم دی اور ایٹمی ہتھیار حاصل کرنے کا ایک واضح اور کھلا راستہ فراہم کیا۔

مائیک پومپیو نے ایران معاہدے پر کیا کہا کہ وائٹ ہاؤس سینئر اہلکار آپے سے باہر ہو گئے؟ ٹرمپ نے کہا ہمارا معاہدہ اس کے بالکل برعکس ہے، لیکن ابھی تک کسی نے اسے دیکھا نہیں اور نہ ہی کوئی جانتا ہے کہ وہ کیا ہے۔ ابھی تو اس پر مکمل مذاکرات بھی نہیں ہوئے۔ لہٰذا اُن ناکام لوگوں کی باتوں پر دھیان نہ دیں جو ایسی چیز پر تنقید کر رہے ہیں جس کے بارے میں وہ کچھ نہیں جانتے۔

انھوں نے کہا مجھ سے پہلے کے صدور کو یہ مسئلہ بہت پہلے حل کر لینا چاہیے تھا، ان کے برعکس میں خراب ڈیل نہیں کرتا۔ ڈونلڈ ٹرمپ نے اس سے قبل ایک بیان میں کہا تھا کہ ’’مذاکرات منظم اور تعمیری انداز میں آگے بڑھ رہے ہیں اور میں نے اپنے نمائندوں کو ہدایت دی ہے کہ کسی معاہدے میں جلد بازی نہ کریں کیوں کہ وقت ہمارے حق میں ہے۔‘‘

دریں اثنا، امریکی صدر ٹرمپ نے ایک اور ٹرتھ سوشل پوسٹ میں ایک جنگی طیارے کے نیچے لگے میزائل کی تصویر شئیر کی ہے، اور میزائل پر لکھا ہے ’’اس معاملے پر توجہ دینے کا شکریہ۔‘‘

یو این آئی۔ ع ا۔