واشنگٹن، امریکی عوام کی اکثریت نے صدر ٹرمپ ذہنی اورجسمانی طورپرمؤثر طریقے سے خدمات انجام دینے کے لئے نااہل اقرار دے دیا۔

امریکی میڈیا کے اشتراک سے کیے گئے ایک تازہ سروے میں شہریوں کی بڑی تعداد نے ڈونلڈ ٹرمپ کی ذہنی اور جسمانی صحت پر تحفظات کا اظہار کیا ہے۔

واشنگٹن پوسٹ، اے بی سی نیوز اور اپسوس کے مشترکہ سروے کے مطابق 59 فیصد امریکیوں کا خیال ہے کہ صدر ٹرمپ کی ذہنی صلاحیت ایسی نہیں جو ملک کی قیادت کے لیے درکار ہے۔ سروے میں شامل افراد کی اکثریت نے رائے دی کہ صدر بطور کمانڈر ان چیف مؤثر خدمات انجام دینے کے اہل نہیں، دوسری جانب 40 فیصد شرکاء نے انہیں قیادت کے لیے اہل قرار دیا، جبکہ ایک فیصد شہریوں نے اس حساس معاملے پر کسی بھی قسم کی رائے دینے سے گریز کیا۔

رپورٹ کے مطابق ٹرمپ کی صحت اور صلاحیت سے متعلق خدشات کے باوجود وہ خود متعدد بار یہ مؤقف اختیار کر چکے ہیں کہ وہ مکمل طور پر فٹ اور متحرک ہیں اور خود کو ماضی کی طرح توانائی سے بھرپور محسوس کرتے ہیں۔

یو این آئی۔ ع ا۔

واشنگٹن، امریکی وزیر دفاع پیٹ ہیگستھ نے اصرار کیا ہے کہ آبنائے ہرمز میں امریکہ اور ایران کے درمیان فائرنگ کے تبادلے کے باوجود “جنگ بندی ختم نہیں ہوئی”۔

مسٹر ہیگستھ نے کہا کہ “جنگ بندی برقرار ہے”، جبکہ ایرانی فورسز نے “پروجیکٹ فریڈم” کے اعلان کے بعد سے امریکی اہداف پر 10 سے زیادہ حملے کیے ہیں، جنہیں حکام نے مکمل جنگی کارروائیوں کو دوبارہ شروع کرنے کی حد سے نیچے بیان کیا ہے۔

چیئرمین جوائنٹ چیفس آف اسٹاف جنرل ڈین کین نے منگل کے روز کہا کہ امریکی سینٹرل کمانڈ (سینٹکام) نے ایران کے ساتھ جاری کشیدگی کے درمیان تجارتی جہازوں کی حفاظت اور بحری جہازوں کی آزادی کو یقینی بنانے کے لیے آبنائے ہرمز کے جنوبی حصے میں سیکیورٹی زون کو بڑھا دیا ہے۔ کین نے کہا، “پروجیکٹ فریڈم کا مقصد تجارتی جہازوں کی حفاظت اور آبنائے کے ذریعے تجارت کے ہموار بہاؤ کو بحال کرنا ہے،” انہوں نے مزید کہا کہ محفوظ زون کی حفاظت امریکی فوج، بحریہ اور فضائیہ کر رہی ہے۔ یہ پیش رفت ایک ایسے وقت میں ہوئی ہے جب خطے میں متواتر معمولی واقعات کے باوجود امریکہ اور ایران کے درمیان ایک نازک جنگ بندی برقرار ہے۔ مسٹر ہیگستھ نے کہا کہ آبنائے ہرمز میں بحری مشن جاری فوجی کارروائیوں سے “علیحدہ اور الگ” ہے، اور ‘پروجیکٹ فریڈم’ کو ایک دفاعی اور عارضی کوشش قرار دیا جس کا مقصد تجارتی جہازوں کو ایرانی جارحیت سے بچانا ہے۔ یہ پوچھے جانے پر کہ آیا آبنائے ہرمز میں ایران کی چھوٹی کشتیوں کے بحری بیڑے کو کوئی خاص خطرہ لاحق ہے یا محض ایک پریشانی ہے، مسٹر ہیگستھ نے کہا کہ “اس خطرے کو سنجیدگی سے لیا جانا چاہیے،” اور اس بات پر زور دیا کہ چھوٹے پیمانے پر بحری کارروائیاں بھی اس اسٹریٹجک آبی گزرگاہ کی سلامتی کو متاثر کرسکتی ہیں۔

یو این آئی۔ ع ا۔

تہران، ایرانی وزارت خارجہ نے خبردار کیا ہے کہ خطے کے ممالک امریکا سے سیکیورٹی کی بھیک مانگنا بند کر دیں۔اسماعیل بقائی کا کہنا ہے کہ اوپیک سے انتقامی انداز میں نکلنا تعمیری اقدام نہیں۔ترجمان ایرانی وزارت خارجہ نے خبردار کیا ہے کہ خطے کے ممالک امریکا سے سیکیورٹی کی بھیک مانگنا بند کر دیں۔

ترجمان اسماعیل بقائی نے کہا کہ خطے میں امریکا کی موجودگی مغربی ایشیا کے ممالک کےلئے امن کا ذریعہ نہیں، امریکا نے اپنے اڈوں کی میزبانی کرنے والے ممالک کی سیکیورٹی کو بھی خطرے میں ڈالا ہے خطے میں پائیدار امن علاقائی تعاون سے حتمی بنایا جا سکتا ہے۔

انہوں نے کہا کہ امریکی اڈوں نے میزبان ممالک کو کئی بار خطرے میں مبتلا کیا ہے ہمارا فوکس جنگ کو ختم کرنے پر ہے تاہم ایران بداعتمادی کے ماحول میں امریکا سے مذاکرات کر رہا ہے ہم امریکا کے ایران پر گزشتہ سال جون اور 28 فروری کے حملوں کو نہیں بھولے۔ اماراتی وزارت دفاع نے کہا ہے کہ ایران کی جانب سے متحدہ عرب امارات پر میزائلوں اور ڈرون سے حملے کیے گئے ہیں۔

وزارت دفاع کے مطابق ایرانی حملوں کے تناظر میں متحدہ عرب امارات کا فضائی دفاعی نظام متحرک ہو گیا ہے اور ایران سے آنے والے میزائلوں اوت ڈرون حملوں سے نمٹا جا رہا ہے۔

وزارت نے بتایا کہ مختلف علاقوں میں دھماکے فضائی دفاعی کارروائیوں کا نتیجہ ہیں، دفاعی نظام بیلسٹک، کروز میزائلوں اور ڈرونز کو روک رہا ہے۔

یو این آئی۔م ا ع