تہران،ایران کی پاسداران انقلاب کا کہنا ہے کہ لبنان سے اسرائیلی انخلاء کے بغیر ‘خطے میں امن نہیں’ ہو سکتا۔ امریکی ثالثی میں ہونے والی بات چیت میں لبنانی اور اسرائیلی حکومتوں کے درمیان طے پانے والے جنگ بندی کے منصوبے پر پاسداران انقلاب نے واضح کیا کہ لبنانی سرزمین سے اسرائیل کے انخلاء کے بغیر “خطے میں امن نہیں” ہو گا۔ ایران کی تسنیم نیوز ایجنسی کے ذریعے شیئر کیے گئے ایک بیان میں پاسداران انقلاب نے کہا کہ “علاقائی جنگ میں جنگ بندی کو قبول کرنے کے لیے ہماری ابتدائی شرط لبنان سمیت تمام محاذوں پر جنگ بندی ہے۔” بیان کے مطابق دشمن کو فوری طور پر لبنانی عوام پر اپنے حملے بند کرنے چاہئیں، اور لبنان کے مقبوضہ علاقوں کو خالی کر کے بین الاقوامی سرحدوں سے فوری پیچھے ہٹنا چاہیے، اور لبنان کی علاقائی سالمیت کو تسلیم کرنا چاہیے۔ امریکا نے بدھ کے روز اعلان کیا کہ لبنان اور اسرائیل نے ایران کی حمایت یافتہ حزب اللہ کی جانب سے جنگ بندی کے دستے پر عمل درآمد کرنے اور سرحد کے قریب جنوبی لبنان کے علاقوں سے اپنے جنگجوؤں کو نکالنے پر اتفاق کیا ہے۔ حزب اللہ کے رہنما نعیم قاسم نے کہا کہ ایسے مذاکرات پر شرم آنی چاہیے جس میں واشنگٹن کا اعلان “لبنانی عوام کے ایک حصے کو ختم کرنے اور باقیوں کو غلام بنانے کا روڈ میپ” قرار دیا جائے۔

یواین آئی ۔م اع

بیروت، حزب اللہ نے واشنگٹن میں اعلان کردہ جنگ بندی کے منصوبے کو مسترد کر دیا۔خبر رساں ایجنسی رائٹرز کے مطابق حزب اللہ نے امریکی ثالثی میں ہونے والی بات چیت میں لبنانی اور اسرائیلی حکومتوں کے درمیان طے پانے والے جنگ بندی کے منصوبے کو مسترد کر دیا کیونکہ اسرائیل نے جمعرات کو جنوبی لبنان میں حملے جاری رکھتے ہوئےکہا تھا کہ وہ جنوب سے پیچھے نہیں ہٹے گا۔

امریکہ نے بدھ کے روز اعلان کیا کہ لبنان اور اسرائیل نے ایران کی حمایت یافتہ حزب اللہ کی جانب سے جنگ بندی کے دستے پر عمل درآمد کرنے اور سرحد کے قریب جنوبی لبنان کے علاقوں سے اپنے جنگجوؤں کو نکالنے پر اتفاق کیا ہے۔

حزب اللہ کے رہنما نعیم قاسم نے کہا کہ ایسے مذاکرات پر شرم آنی چاہیے جس میں واشنگٹن کا اعلان “لبنانی عوام کے ایک حصے کو ختم کرنے اور باقیوں کو غلام بنانے کا روڈ میپ” قرار دیا جائے۔

انہوں نے ایک تحریری بیان میں کہا کہ جب تک قبضہ موجود ہے مزاحمت جاری رہے گی۔

یو این آئی۔ ع ا۔

واشنگٹن، ایران کی ضبط شدہ رقم امریکہ اور ایران کے درمیان جاری مذاکرات میں سب سے بڑی رکاوٹ بن گیا ہے۔

ایران اس بات پر اصرار کر رہا ہے کہ کسی ممکنہ معاہدے کے تحت کوئی ٹھوس قدم اٹھانے سے پہلے اربوں ڈالر کے منجمد فنڈز فوری طور پر جاری کیے جائیں، یہ مطالبہ ٹرمپ انتظامیہ قبول کرنے میں ہچکچاہٹ کا شکار ہے۔

امریکی صدر ڈونلڈ ٹرمپ اور ان کی انتظامیہ ایران کو خاص رعایتوں کے بغیر بڑے پیمانے پر فنڈز جاری کرنے کی منظوری دینے سے گریزاں ہیں، خاص طور پر ایران کے افزودہ یورینیم کے ذخیرے، جوہری سرگرمیوں اور آبنائے ہرمز کو دوبارہ کھولنے کے حوالے سے۔

یروشلم پوسٹ کی ایک رپورٹ کے مطابق، ایرانی مذاکرات کار کسی تاخیر کے بغیر، دونوں فریقوں کے درمیان ابتدائی مفاہمت کی یادداشت (ایم او یو) پر دستخط ہوتے ہی ضبط شدہ فنڈز سے فوری طور پر “نقدی” تک رسائی چاہتے ہیں۔ امریکی حکام واضح ہیں کہ پابندیوں میں ریلیف صرف اسی صورت میں دیا جائے گا جب ایران اپنے جوہری پروگرام کے حوالے سے ٹھوس یقین دہانیاں کرائے گا۔

رپورٹ کے مطابق امریکہ میں تشویش محض سطحی نہیں ہے۔ اگر فنڈز تیزی سے جاری کیے جاتے ہیں، تو یہ ایران کو ایک اقتصادی سہارا فراہم کرے گا، جبکہ امریکہ کو اس کے سب سے طاقتور سودے بازی کے آلے ’اقتصادہ باو‘ جس کو بنانے میں اس نے برسوں صرف کئے ہیں ھاتھ سے چلاجا ئے گا۔

سینئر حکام نے علاقائی ثالثوں پر واضح کر دیا ہے کہ جب تک ایران پہلے ٹھوس اور موثر اقدامات نہیں کرتا، خاص طور پر آبنائے ہرمز کے ارد گرد اپنی جوہری سرگرمیوں اور سیکیورٹی کے حوالے سے کوئی اہم فنڈ جاری نہیں کیا جائے گا۔ مسٹر ٹرمپ نے اپنے مشیروں کو واضح طور پر کہہ دیا ہے کہ وہ اوباما کے 2015 کے معاہدے سے ملتا جلتا کسی معاہدے پر دستخط نہیں کریں گے، جس میں ایران کو 1.7 بلین ڈالر کی رقم جاری کی گئی تھی۔

اطلاعات کے مطابق ایران اب تقریباً 12 بلین ڈالر کا مطالبہ کر رہا ہے اور ٹرمپ کا ایسا کرنے کا کوئی ارادہ نہیں ہے۔ رپورٹ میں کہا گیا ہے کہ مشیروں نے ایسے انتظامات پر غور کیا ہے جس میں قطر جیسا تیسرا ملک ایران کو فنڈز جاری کرے گا، اس طرح امریکہ کی جانب سے براہ راست ادائیگیوں سے گریز کیا جائے گا۔ ثالثوں نے ایک درمیانی تجویز پیش کی ہے، جس میں ملٹی بلین ڈالر کے “انسانی ہمدردی کے فنڈ” کی تشکیل بھی شامل ہے جسے صرف خوراک، ادویات اور زرعی مصنوعات کی خریداری کے لیے استعمال کیا جائے گا۔ لیکن ابھی تک، کسی بھی فریق نے اس تعطل کو توڑنے کے لیے خاطر خواہ پیش رفت نہیں کی۔

یو این آئی۔ ع ا۔