ایویان-لے-بیں، امریکی صدر ڈونالڈ ٹرمپ نے ایک بار پھر کہا ہے کہ ایران کے ساتھ طے پانے والی مفاہمتی یادداشت (ایم او یو) ابھی حتمی معاہدہ نہیں ہے اور اگر ایران “مناسب رویہ اختیار نہیں کرتا” تو اس کے خلاف فوجی کارروائیاں دوبارہ شروع کی جا سکتی ہیں۔

مسٹر ٹرمپ نے ایران کے ساتھ ڈیجیٹل ذرائع سے طے پانے والی اور جمعہ کو باضابطہ منظوری کے لیے پیش کی جانے والی مفاہمتی یادداشت کا حوالہ دیتے ہوئے کہا، “یہ حتمی نہیں ہے، یہ صرف ایک مفاہمتی یادداشت ہے۔” اور ایران کے خلاف امریکی فوجی آپشن اب بھی برقرار ہے۔ ساتھ ہی انہوں نے کہا کہ آبنائے ہرمز کو دوبارہ کھولنے پر معاہدہ ناگزیر ہے۔

یواین آئی۔الف الف

واشنگٹن وائٹ ہاؤس نے جنگ کے خاتمے کے لیے امریکہ اور ایران کے درمیان طے پانے والی مفاہمت نامے (ایم او یو) کو جاری کر دیا ہے۔ وائٹ ہاؤس کی جانب سے سوشل میڈیا پر جاری کردہ اس معاہدے کے اہم نکات درج ذیل ہیں:

1. امریکہ، ایران اور ان کے اتحادی اس مفاہمت نامے پر دستخط کے ساتھ ہی لبنان سمیت تمام محاذوں پر فوری اور مستقل جنگ بندی کا اعلان کرتے ہیں۔ دونوں فریقین ایک دوسرے کے خلاف کسی بھی قسم کی فوجی کارروائی یا طاقت کے استعمال سے گریز کریں گے اور لبنان کی علاقائی خودمختاری کا احترام کریں گے۔

2. امریکہ اور ایران ایک دوسرے کی خودمختاری اور علاقائی سالمیت کا احترام کریں گے اور ایک دوسرے کے اندرونی معاملات میں مداخلت نہیں کریں گے۔

3. دونوں ممالک زیادہ سے زیادہ 60 دنوں کے اندر حتمی معاہدے تک پہنچنے پر متفق ہوئے ہیں، جسے باہمی رضامندی سے بڑھایا جا سکتا ہے۔

4. امریکہ فوری طور پر ایران کے خلاف اپنی بحری ناکہ بندی ختم کرنا شروع کر دے گا اور 30 دنوں کے اندر اسے مکمل طور پر ہٹا لے گا۔ اس کے ساتھ ہی، امریکہ حتمی معاہدے کے 30 دنوں کے اندر اپنی فوجی دستوں کو ایران کے قریب سے ہٹا لے گا۔

5. ایران 60 دنوں کے دوران خلیج فارس سے بحیرہ عمان تک تجارتی جہازوں کی بغیر کسی فیس کے محفوظ آمدورفت کو یقینی بنائے گا۔ آبنائے ہرمز کے انتظام کے لیے ایران عمان کے ساتھ مل کر کام کرے گا۔

6. امریکہ اپنے علاقائی اتحادیوں کے ساتھ مل کر ایران کی تعمیر نو اور اقتصادی ترقی کے لیے حتمی معاہدے کے تحت کم از کم 300 ارب ڈالر کے فنڈ کی منصوبہ بندی کرے گا، جس کے لیے تمام ضروری لائسنس اور اجازت نامے فراہم کیے جائیں گے۔

7. حتمی معاہدے کے تحت امریکہ ایران پر عائد تمام یکطرفہ اور بین الاقوامی پابندیاں (اقوام متحدہ اور آئی اے ای اے سمیت) ایک مقررہ مدت میں ختم کر دے گا۔

جاری یو این آئی، ایم جے

واشنگٹن، ایران امریکہ امن ڈیل پر دسختط سے پہلے ہی جمعے کو امریکہ نے ایران کی سمندری ناکہ بندی ختم کر دی۔ایرانی خام تیل لے جانے والا تیسرا ٹینکر امریکی بحری ناکہ بندی کے دائرے سے نکل گیا۔

تیل بردار جہازوں کی نگرانی کرنے والی ویب سائٹ ٹینکرز ٹریکرز نے امریکی سمندری ناکہ بندی ختم ہونے کی تصدیق کر دی۔

ویب سائٹ کے مطابق نیشنل ایرانی ٹینکر کمپنی (NITC) کے کم از کم 2 وی ایل سی سی (بہت بڑے خام تیل بردار) سپر ٹینکرز، ڈیونا اور ہیرو 2، امریکی بحری ناکہ بندی کے دائرے سے باہر نکل گئے ہیں۔

ویب سائٹ کے مطابق ان دونوں جہازوں میں مجموعی طور پر تقریباً 38 لاکھ بیرل ایرانی خام تیل موجود ہے۔

ویب سائٹ نے بتایا ہے کہ نیشنل ایرانی ٹینکر کمپنی کا ایک تیسرا ٹینکر بھی ناکہ بندی کی لائن عبور کر چکا ہے، جس میں 10 لاکھ بیرل خام ایرانی تیل موجود ہے۔

ایران امریکہ ڈیل سے متعلق اپنی رپورٹ میں برطانوی خبر ایجنسی کا کہنا ہے کہ ایران تیل اور ایندھن کی فروخت فوری بحال کر سکے گا، پابندیوں میں رعایت بینکاری، ٹرانسپورٹ اور انشورنس خدمات پر بھی لاگو ہو گی۔

برطانوی خبر ایجنسی کے مطابق سہولت ایران کی معاہدے کی شرائط پر عمل درآمد سے مشروط ہو گی، امریکا اور ایران معاہدے میں 300 ارب ڈالرز کا نجی سرمایہ کاری فنڈ شامل ہو گا، 150 ارب ڈالرز سے زائد سرمایہ کاری کی یقین دہانی پہلے ہی ہو چکی ہے۔

واضح رہے کہ 2 ماہ سے امریکی بحریہ ایرانی بندرگاہ کی طرف آنے جانے والے جہازوں کو روک رہی تھی۔

یو این آئی۔ ع ا۔