لاہور، نیوزی لینڈ نے چوتھے ٹی -20 میچ میں پاکستان کو چار رن سے شکست دے کر پانچ میچوں کی سیریز میں 2-1 کی برتری حاصل کر لی ہے۔
179 رن کے ہدف کے تعاقب میں پاکستانی ٹیم 20 اووروں میں آٹھ وکٹوں پر صرف 174 رن بنا سکی اور میچ چار رن سے ہار گئی۔ پاکستان کی شروعات خراب رہی اور اس نے 46 رن پر تین وکٹیں گنوا دیں۔ کپتان بابر اعظم (5)، صائم ایوب (20)، اسامہ خان (16) رن بنانے کے بعد آؤٹ ہوئے۔ فخر زمان نے 45 گیندوں پر چار چوکے اور تین چھکے مار کر سب سے زیادہ (61) کی اننگز کھیلی۔ افتخار احمد (23)، شاداب خان (7) رن بنانے کے بعد آؤٹ ہوئے۔ عماد وسیم 22 رن بنانے کے بعد ناٹ آؤٹ رہے اور محمد عامر ایک رن بنانے کے بعد ناٹ آؤٹ رہے۔ پاکستانی ٹیم مقررہ 20 اوور میں آٹھ وکٹ پر صرف 174 رنز بنا سکی۔ نیوزی لینڈ کی جانب سے ولیم او رورک نے سب سے زیادہ تین وکٹیں حاصل کیں۔ بین سیئرز نے دو وکٹیں حاصل کیں۔ کپتان مائیکل بریسویل اور جیمز نیشم نے ایک ایک بلے باز کو آؤٹ کیا۔
جمعرات کو قذافی اسٹیڈیم میں پاکستان نے ٹاس جیت کر پہلے فیلڈنگ کا فیصلہ کیا۔ بیٹنگ کے لیے آنے والی نیوزی لینڈ نے اچھی شروعات کی اور پہلی وکٹ کے لیے 56 رن جوڑے۔ نیوزی لینڈ کے لیے اوپنر ٹم رابنسن نے 36 گیندوں میں سب سے زیادہ (51) رن بنائے۔ ڈین فاکس کرافٹ 26 گیندوں میں 34 رن بنانے کے بعد آؤٹ ہوئے اور ٹام بلنڈل 15 گیندوں میں 28 رن بنانے کے بعد آؤٹ ہوئے۔ مائیکل بریسویل نے 20 گیندوں پر 27 رن بنائے۔ نیوزی لینڈ کی ٹیم نے مقررہ 20 اووروں میں 7 وکٹوں پر 178 رن بنائے۔
پاکستان کی جانب سے عباس آفریدی نے سب سے زیادہ تین وکٹیں حاصل کیں۔ محمد عامر، زمان خان، اسامہ میر اور افتخار احمد نے ایک ایک بلے باز کو آؤٹ کیا۔
یو این آئی۔ م ع۔ 1534
