تازہ ترین
امت شاہ کا تین روزہ دورۂ جموں و کشمیر آج سے شروع، اہم سیکورٹی جائزہ میٹنگ کی صدارت کریں گے
جموں،مرکزی وزیر داخلہ امت شاہ جمعرات کی شام جموں و کشمیر کے تین روزہ اہم دورے پر پہنچ رہے ہیں، جہاں وہ آئندہ چوبیس گھنٹوں میں ایسی اعلیٰ سطحی میٹنگوں کی صدارت کریں گے جنہیں موجودہ حالات کے لحاظ سے بے حد اہم تصور کیا جا رہا ہے۔ خطے میں گزشتہ چند ہفتوں کے دوران سرحدی دراندازی کی کوششوں، کشتواڑ اور راجوری میں دہشت گردوں کے ساتھ جھڑپوں اور بعض حساس اضلاع میں ملی ٹنٹ سرگرمیوں کے دوبارہ بڑھنے کے پس منظر میں وزیر داخلہ کا یہ دورہ سیکورٹی ایجنسیوں کی حکمتِ عملی کا ازسرِ نو جائزہ لینے کے لیے نہایت اہم سمجھا جا رہا ہے۔
وزیر داخلہ امت شاہ اپنے دورے کے پہلے ہی روز بی ایس ایف کی بوبیا اور گورنام فارورڈ پوسٹس کا معائنہ کریں گے جہاں سرحدی صورتحال، نگرانی کے نئے اقدامات اور انٹیلی جنس کوآرڈی نیشن پر انہیں تفصیلی بریفنگ دی جائے گی۔ اس کے ساتھ وہ شہید اہلکاروں کے اہلِ خانہ سے ملاقات کرکے انہیں سرکاری تقرری نامے بھی پیش کریں گے۔
جمعہ کے روز وزارت داخلہ کی جانب سے ایک جامع سیکیورٹی میٹنگ طے کی گئی ہے جس میں فوج، جموں و کشمیر پولیس، سی آر پی ایف، بی ایس ایف، انٹیلی جنس بیورو اور دیگر مرکزی ایجنسیوں کے سربراہان شریک ہوں گے۔ اس میٹنگ میں ایک بار پھر ایل او سی سے ملحقہ علاقوں میں دراندازی کے بدلتے طریقۂ کار، گھنے جنگلات میں دہشت گردوں کی موجودگی، ڈرون سرگرمیوں، اور زمینی نگرانی کو مستحکم کرنے جیسے امور پر تفصیلی غور ہوگا۔
وزیر داخلہ اپنے اس دورے کے دوران ترقیاتی منصوبوں کے فیلڈ ورک، فنڈ کے استعمال اور عوامی بہبود سے متعلق اسکیموں پر بھی میٹنگیں کریں گے جن میں اسمارٹ سٹی پروجیکٹس، ہائی وے توسیعی کام، اسکولوں اور اسپتالوں کی اپ گریڈیشن، نئے میڈیکل کالجوں کی تعمیر اور نوجوانوں کے لیے اسکل ڈیولپمنٹ پروگرام شامل ہیں۔ انتظامی محکموں کے اعلیٰ افسران انہیں زمینی سطح پر پیش رفت سے آگاہ کریں گے اور آئندہ مرحلوں کے لائحۂ عمل سے متعلق سفارشات بھی پیش کریں گے۔
دوسری جانب، ریاستی اسمبلی میں لیڈر آف اپوزیشن سنیل شرما نے امت شاہ کے دورے کو مثبت قرار دیتے ہوئے کہا ہے کہ اس سے امن و امان کی صورتحال بہتر ہوگی اور ترقیاتی رفتار میں مزید تیزی آئے گی۔ بی جے پی کی رکن اسمبلی شگون پریہار نے بھی وزیر داخلہ کے اقدامات کی تعریف کرتے ہوئے کہا کہ امت شاہ ہمیشہ جموں و کشمیر کی عوامی توقعات پر پورا اترے ہیں اور خطے کو ترجیح دیتے رہے ہیں۔ جبکہ نیشنل کانفرنس کے ترجمان تنویر صادق نے وزیر داخلہ کے دورے کو امید کی کرن قرار دیتے ہوئے مطالبہ کیا کہ سب سے اہم مسئلہ ریاستی درجہ کی بحالی ہے، جس کا وعدہ پارلیمنٹ میں کیا گیا تھا، اور اب وقت آ گیا ہے کہ اس وعدے کو عملی جامہ پہنایا جائے۔ انہوں نے ملک کی مختلف ریاستوں میں کشمیریوں پر ہونے والے حملوں پر بھی سخت نوٹس لینے کی اپیل کی۔
دورے کے پیش نظر وادی بھر میں سخت سیکورٹی انتظامات کئے گئے ہیں۔ سری نگر شہر کے داخلی و خارجی راستوں، لال چوک، ایئرپورٹ روڈ، پانتھ چوک، نشاط، ڈل گیٹ اور بائی پاس پر اضافی چیک پوائنٹس قائم کیے گئے ہیں جہاں شناختی کارڈ کی جانچ اور گاڑیوں کی کڑی تلاشی لی جا رہی ہے۔ فضائی نگرانی بھی بڑھا دی گئی ہے اور حساس علاقوں میں ڈرون گشت شروع کیا گیا ہے۔
یو این آئی۔ ارشید بٹ
دنیا
پاکستان اور ایران کی امنگیں اور مقاصد مشترکہ ہیں: ایرانی صدر پزشکیان
تہران، ایرانی صدر مسعود پزشکیان کا کہنا ہے کہ پاکستان اور ایران کی امنگیں اور مقاصد مشترکہ ہیں۔
سوشل میڈیا پلیٹ فارم ایکس پر جاری اپنے بیان میں مسعود پزشکیان نے پاکستان کے خطے میں امن کیلیے کردار کی تعریف کی۔ انہوں نے کہا کہ خطے میں امن کیلیے اسلام آباد کی انتھک کوششیں اس کی بھرپور ثقافت کی عکاس ہیں۔
ایرانی صدر نے مزید کہا کہ پاکستان کی ثالثی کا شکریہ ادا کرنے کیلیے اسلام آباد کا اہم دورہ کیا، جہاں اپنے بھائیوں آصف علی زرداری، شہباز شریف اور جنرل عاصم منیر سے تفصیلی مشاورت ہوئی، پاکستانی قیادت کے ساتھ باہمی روابط اور تعاون کو مزید وسعت دینے پر بھی گفتگو ہوئی۔
گزشتہ روز دورہ پاکستان کے دوران وزیر اعطم شہباز شریف کے ہمراہ مشترکہ پریس کانفرنس میں ایرانی صدر مسعود پزشکیان نے کہا تھا کہ مذاکراتی عمل میں پاکستان نے بہترین کردار ادا کیا، مفاہمتی یادداشت پر دستخط پاکستان پر اعتماد کی بدولت ممکن ہوئے۔
ایرانی صدر کا کہنا تھا کہ امن، ترقی اور خوشحالی کیلیے پاکستان کے اہم کردار کے معترف ہیں، صدر مملکت آصف علی زرداری، وزیر اعظم شہباز شریف اور فیلڈ مارشل جنرل عاصم منیر سے تعمیری ملاقاتیں ہوئیں۔
ان کا مزید کہنا تھا کہ پاکستان اور ایران یک جان دو قالب ہیں، پاکستان اور ایران کے درمیان قریبی تعلقات منفرد نوعیت کے حامل ہیں، دونوں ملک مشترکہ مستقبل اور منزل کے شراکت دار ہیں۔
یو این آئی۔ ع ا۔
جموں و کشمیر
امرناتھ یاترا: جموں و کشمیر پولیس کا جموں شہر میں کرایہ داروں کی تصدیق کا عمل شروع
جموں، جولائی سے شروع ہونے والی سالانہ شری امرناتھ یاترا کے پیشِ نظر، جموں و کشمیر پولیس نے جموں شہر، بالخصوص بھگوتی نگر میں واقع ‘یاتری نواس’ کے قریبی علاقوں میں کرایہ داروں کی بڑے پیمانے پر تصدیق کا عمل شروع کر دیا ہے۔سرکاری ذرائع نے بدھ کے روز بتایا کہ 3 جولائی سے یاترا کے آغاز کے پیشِ نظر سیکورٹی فورسز نے حفاظتی اقدامات کو انتہائی سخت کر دیا ہے۔ اس سلسلے میں جموں پولیس شہر میں رہنے والے تمام کرایہ داروں کا ایک مکمل ڈیٹا بیس تیار کر رہی ہے، جس میں یاتری نواس کے گردونواح میں رہنے والے افراد پر خصوصی توجہ دی جا رہی ہے۔یاترا شروع ہونے سے پہلے، حساس علاقوں، یاتریوں کے ٹھہرنے کے مقامات، بڑی مارکیٹوں، لنگر خانوں اور شری امرناتھ یاتری نواس (جو کہ یاتریوں کا بنیادی بیس اسٹیشن ہے) کے ارد گرد کرایہ داروں کی تصدیق کے لیے ایک خصوصی مہم چلائی جا رہی ہے۔
بھگوتی نگر کے علاقے میں پولیس کی ٹیمیں گھر گھر جا کر کرایہ داروں کی معلومات اکٹھی کر رہی ہیں۔ اس مہم کے تحت کرایہ داروں کے نام، فون نمبر، شناختی دستاویزات (جیسے آدھار کارڈ کی تفصیلات) اور ان کے ممکنہ مجرمانہ ریکارڈ کی معلومات جمع کی جا رہی ہیں۔سرکاری ذرائع کے مطابق، جموں پولیس نے تمام اسٹیشن ہاؤس آفیسرز کو سخت ہدایات جاری کی ہیں کہ وہ 30 جون 2026 تک اپنے اپنے دائرہ اختیار میں 100 فیصد کرایہ داروں کی تصدیق کے عمل کو ہر حال میں یقینی بنائیں۔دراصل، امرناتھ یاترا کے آغاز سے قبل جموں پولیس کرایہ داروں کا ایک جامع ڈیٹا بیس بنانا چاہتی ہے تاکہ علاقے میں رہنے والے کسی بھی قسم کے سماج دشمن یا ملک دشمن عناصر کی بروقت شناخت کی جا سکے۔
یواین آئی ۔م ا ع
دنیا
اسلام آباد مفاہمتی یادداشت امریکہ کی شکست کا اعلان ہے: باقر قالیباف
تہران، ایرانی چیف مذاکرات کار محمد باقر قالیباف نے ایران امریکہ معاہدے کو امریکہ کی شکست کا اعلان قرار دے دیا۔
آذربائیجان میں او آئی سی پارلیمانی یونین اجلاس میں خطاب کرتے ہوئے محمد باقر قالیباف نے کہا ہے کہ اسلام آباد مفاہمتی یادداشت دباؤ اور جبر کا نتیجہ نہیں۔
انہوں نے کہا ہے کہ اسلام آباد مفاہمتی یادداشت ایرانی قوم کی مزاحمت، استقامت اور طاقت کا مظہر ہے، یہ یادداشت امریکا کی شکست کا اعلان بن گئی ہے۔
باقر قالیباف کا کہنا ہے کہ خطے کے ممالک علاقائی سلامتی کو خود یقینی بنائیں، بیرونی مداخلت مسترد کر دیں۔انہوں نے کہا کہ خطے کے ممالک کے ساتھ خود مختاری کے احترام کی بنیاد پر تعاون کے لیے تیار ہیں۔
یو این آئی۔ ع ا۔
ہندوستان7 days ago‘اسلام آباد ایم او یو’ پر جے رام رمیش کا مرکز پر حملہ، کہا- مودی حکومت کی خارجہ پالیسی کو بڑا جھٹکا
جموں و کشمیر1 week agoگاندربل ‘انکاؤنٹر’ کے مقتول کی لاش قبر سے نکال کر اہلِ خانہ کے حوالے
تازہ ترین3 days agoٹرمپ کے بیان کے بعد ایران نے مذاکرات معطل کردیے، وفد واپس روانہ
ہندوستان1 week ago’جمہوریت کو نقصان پہنچانے کے لیے شاہ چلا رہے ہیں دھوکہ دہی پرمبنی مہم ‘: رمیش
دنیا1 week agoایرانی آرمی چیف کا دفاعی طاقت مزید بڑھانے کا اعلان
دنیا1 week agoجی سیون ممالک کا امریکہ اور ایران امن معاہدے کی حمایت کا اعلان
دنیا7 days agoایران کے ساتھ معاہدہ حتمی نہیں، اگر رویہ درست نہ رہا تو حملے دوبارہ شروع ہو سکتے ہیں: ٹرمپ
دنیا1 week agoمجھے حتمی معاہدہ پسند نہ آیا تو دوبارہ بمباری کی طرف واپس جا سکتے ہیں: ٹرمپ
ہندوستان1 week ago‘ٹیلی گرام بین’ پر راہل کا مرکزی حکومت پر الزام، ”پیپر لیک مافیا پر نہیں، طالب علموں کے خلاف کارروائی کر رہی ہے حکومت“
دنیا6 days agoامریکہ اور ایران کے درمیان آج ہونے والے مذاکرات منسوخ: سوئس وزارت خارجہ
دنیا7 days agoاعلیٰ ترین قیادت کے دستخط سے معاہدے کی خلاف ورزی کی سیاسی قیمت زیادہ ہو گئی: اسماعیل بقائی
دنیا1 week agoامریکہ ایران معاہدے پر الیکٹرانک دستخط ٹرمپ وینس نے کئے






































































































