انقرہ، ترکیہ کے صدر رجب طیب اردوغان نے جمعرات کو روسی سفیر سرگئی ورشینن سے ملاقات کی اور روس اور ترکیہ کے درمیان تعاون کے موجودہ امور پر تبادلہ خیال کیا۔ یہ اطلاع ترکیہ میں روسی سفارت خانے نے جمعرات کو دی۔

سفارت خانے نے ٹیلی گرام پر کہا کہ مسٹر اردوغان نے مسٹر ورشینن کو ترکیہ میں روسی سفیر کے طور پر تقرری پر مبارکباد دی اور ان کے کام میں کامیابی کی خواہش کی۔ “بات چیت کے دوران، روس-ترکیہ تعاون کے موجودہ امور پر تبادلہ خیال کیا گیا اور روس نیز ترکیہ کے لوگوں کی خوشحالی اور بہبود کے لیے باہمی طور پر فائدہ مند تعلقات کو مضبوط بنانے کے تئیں روس اور ترکیہ کے مشترکہ عزم کی توثیق کی گئی۔”

یو این آئی۔ این یو۔

واشنگٹن، واشنگٹن کے شہر ٹیکوما میں چاقو زنی کے ایک واقعے کے نتیجے میں چار اسکولی بچوں سمیت پانچ افراد زخمی ہو گئے ہیں۔ اے بی سی براڈکاسٹر نے مقامی پولیس کے حوالے سے بتایا کہ زخمیومیں ایک سکیورٹی گارڈ اور حملہ آور بھی شامل ہے جسے حراست میں لے لیا گیا ہے۔ پولیس نے مبینہ طور پر کہا کہ حملہ آور اسی اسکول میں پڑھتا ہے۔ اس کے مقاصد ابھی معلوم نہیں ہوسکے ہیں۔

یو این آئی۔ این یو۔

تہران، ایران نے امریکی ناکہ بندی کے خلاف سخت کارروائی سے خبردار کردیا۔

ایرانی حکام نے آبنائے ہرمز کی ناکا بندی کو قزاقی قرار دیتے ہوئے کہا ہےکہ امریکی ناکہ بندی کے خلاف وہ کارروائی کریں گے جو یاد رکھی جائے گی۔ ایرانی حکام نے کہا امریکی رویہ بین الاقوامی تجارت میں مداخلت اور املاک پر غیر قانونی قبضہ ہے، ایران کو جواب دینے کا پورا حق ہے۔

ادھر ایرانی فوج کا کہنا ہےکہ ایران کی فوج اپنی تیاری کررہی ہے، اہداف کی فہرستیں اپ ڈیٹ ہورہی ہیں، امریکہ سے جنگ بندی کے باوجود جنگ کو ختم نہیں سمجھتے۔

یاد رہے کہ امریکی صدر نے ایران کی پیشکش مسترد کرتے ہوئے معاہدہ ہونے تک ناکا بندی برقرار رکھنے کا اعلان کیا ہے۔

ذرائع کے مطابق امریکی فوج نے ایران کے خلاف ’مختصر اور طاقتور‘ حملوں کا منصوبہ تیار کر لیا ہے تاکہ مذاکرات میں جاری تعطل کو ختم کیا جا سکے۔ رپورٹ کے مطابق ان ممکنہ حملوں میں ایران کے بنیادی ڈھانچے کو نشانہ بنایا جا سکتا ہے جس کے بعد امریکا ایران کو دوبارہ مذاکرات کی میز پر لانے اور زیادہ لچک دکھانے پر زور دے گا۔

یو این آئی۔ ع ا۔