نئی دہلی، کانگریس صدر ملکارجن کھرگے نے بچہ مزدوری کے انسداد کے عالمی دن کے موقع پر کہا ہے کہ حالیہ برسوں میں یہ تشویشناک صورتحال دیکھنے میں آئی ہے کہ بچوں کو دوبارہ استحصالی مزدوری کی طرف دھکیلا جا رہا ہے اور اس برائی کے خاتمے کے لیے اجتماعی کوششوں کی سخت ضرورت ہے کانگریس صدر نے کہا کہ بچوں کو استحصال سے بچانے کی ذمہ داری سب کی ہے۔ انہوں نے اس کے لیے اجتماعی اقدامات کرنے کی اپیل کی اور کہا کہ ہر بچے کے سیکھنے، بڑھنے اور بہتر مستقبل کے حق کا تحفظ یقینی بنایا جانا چاہیے۔ مسٹر کھرگے نے کہا کہ ہر بچے کو صحت، تعلیم، تحفظ اور استحصال سے پاک بچپن کا حق ہے۔ بچہ مزدوری صرف ایک معاشی مسئلہ نہیں بلکہ سماجی ناانصافی ہے جو بچوں سے ان کا مستقبل چھین لیتی ہے۔

انہوں نے کہا کہ 1986 میں بنائے گئے بچہ مزدوری سےمتعلق ایکٹ نے ملک میں چائلڈ لیبر کو کم کرنے میں اہم کردار ادا کیا تھا، لیکن حالیہ برسوں میں کچھ قانونی ترامیم، بچوں کے تحفظ کے بجٹ میں کٹوتی اور کووڈ-19 وبا کے طویل مدتی سماجی و اقتصادی اثرات کی وجہ سے بچوں کے دوبارہ استحصالی مزدوری کی طرف دھکیلے جانے کے تشویشناک واقعات میں اضافہ ہوا ہے۔ بچوں کی غذائی صورتحال پر بھی تشویش کا اظہار کرتے ہوئے انہوں نے کہا کہ نیشنل فیملی ہیلتھ سروے (این ایف ایچ ایس-6) کے مطابق 29.3 فیصد بچے اسٹنٹنگ (کم نشوونما) اور 31.8 فیصد کم وزن سے متاثر ہیں، جو ملک میں غذائیت سے متعلق چیلنجوں کو ظاہر کرتا ہے۔

انہوں نے تعلیم کے معیار پر بھی تشویش کا اظہار کیا اور کہا کہ نیتی آیوگ کی ایک حالیہ رپورٹ کے مطابق دیہی ہندوستان میں چھٹی جماعت کے 42 فیصد، ساتویں جماعت کے 36 فیصد اور آٹھویں جماعت کے 29 فیصد طلبہ دوسری جماعت کے معیار کا سبق پڑھنے کے اہل نہیں ہیں۔ اسی طرح چھٹی جماعت کے 64 فیصد، ساتویں جماعت کے 59 فیصد اور آٹھویں جماعت کے 54 فیصد طلبہ عام ضرب اور تقسیم کا سوال حل نہیں کر پاتے ہیں، جو سیکھنے کے نتائج میں سنگین کمی کو ظاہر کرتا ہے۔

مسٹر کھرگے نے کہا کہ صرف معاشی ترقی ہی کروڑوں خاندانوں کی مشکلات کو دور کرنے کے لیے کافی اور ہمہ گیر ثابت نہیں ہوئی ہے اور یہی وجہ ہے کہ بہت سے خاندانوں کے بچے اسکول جانے کے بجائے کام کرنے پر مجبور ہو رہے ہیں۔

انہوں نے ہم وطنوں سے اپیل کی کہ چائلڈ لیبر کو جڑ سے ختم کرنے اور ہر بچے کے حقوق کے تحفظ کے لیے اجتماعی عزم اور مسلسل کوششیں کی جانی چاہئیں۔

یو این آئی۔ایف اے

نئی دہلی، بین الاقوامی مارکیٹ میں سونے اور چاندی کی قیمتوں میں گراوٹ کے پیش نظر حکومت نے دونوں قیمتی دھاتوں کی درآمدی محصولات یعنی امپورٹ ڈیوٹی کی قیمت میں کمی کر دی ہے درآمدی محصولات کی قیمت وہ قیمت ہے جس کی بنیاد پر ایسی منتخب اشیاء پر درآمدی محصول عائد کیا جاتا ہے جن کی قیمت بین الاقوامی مارکیٹ میں مسلسل تبدیل ہوتی رہتی ہے سینٹرل بورڈ آف ان ڈائریکٹ ٹیکسز اینڈ کسٹمز کی جانب سے جمعرات کی رات جاری نوٹیفکیشن میں کہا گیا ہے کہ سونے کی درآمدی قیمت اب 1,343 ڈالر فی 10 گرام ہوگی۔ اس سے قبل 29 مئی کو سونے کی درآمدی قیمت 1,423 ڈالر فی 10 گرام مقرر کی گئی تھی۔ اس طرح اس میں 80 ڈالر کی کٹوتی کی گئی ہے۔ چاندی کی درآمدی قیمت 276 ڈالر گھٹا کر 2,092 ڈالر فی کلوگرام کر دی گئی ہے۔ اس سے قبل 29 مئی کو یہ 2,368 ڈالر فی کلوگرام طے کی گئی تھی۔

سونے کی درآمدی قیمت میں یہ مسلسل دوسری اور چاندی میں مسلسل تیسری کٹوتی ہے۔ اس سے قبل 29 مئی کو بھی دونوں قیمتی دھاتوں کی درآمدی قیمتیں گھٹائی گئی تھیں۔ چاندی میں 19 مئی کو بھی کٹوتی کی گئی تھی۔ اس سے قبل 15 مئی کو دونوں کی درآمدی قیمتوں میں اضافہ ہوا تھا۔

بین الاقوامی مارکیٹ میں قیمتوں میں اتار چڑھاؤ کی بنیاد پر درآمدی قیمت میں ہر پندرہ دن میں تبدیلی کی جاتی ہے، لیکن گزشتہ کچھ عرصے میں قیمتوں میں بھاری اتھل پتھل کے باعث ایک پندواڑے سے کم وقت میں ہی نظر ثانی کی ضرورت پڑ رہی ہے۔

یو این آئی۔ ایم جے

نئی دہلی، حکومت نے پٹرول اور ڈیزل کی کالا بازاری روکنے اور اسے ضابطے میں لانے کے لیے ضروری اشیاء ایکٹ، 1955 کے تحت نیا حکم نامہ جاری کیا ہے اس میں کہا گیا ہے کہ کسی بھی گاڑی یا شخص کو ایک دن میں پٹرول پمپ پر 200 لیٹر سے زیادہ ڈیزل نہیں ملے گا۔ نئے ضابطے سے طویل اور درمیانی دوری کے مال بردار ٹرکوں پر اثر پڑنے کا امکان ہے  پٹرولیم اور قدرتی گیس کی وزارت کی جانب سے جمعرات کی دیر رات جاری نوٹیفکیشن میں ریٹیل سیل سینٹرز کو ہدایت دی گئی ہے کہ وہ ڈیزل کی فروخت صرف گاڑیوں کے ٹینک یا پیسو (پٹرولیم اینڈ ایکسپلوسو سیفٹی آرگنائزیشن) سے منظور شدہ کنٹینر میں ہی کریں گے۔ ایک دن میں ایک گاہک یا گاڑی کو 200 لیٹر سے زیادہ ڈیزل فروخت نہیں کریں گے۔

ایسے گاہکوں کے لیے بھی ڈیزل کی دوبارہ فروخت کی ممانعت ہوگی۔

حکم نامے میں فی الحال پٹرول کی ریٹیل فروخت کی کوئی حد مقرر نہیں کی گئی ہے، لیکن مستقبل میں ایسا کرنے کی گنجائش رکھی گئی ہے۔ ساتھ ہی، ڈیزل کے ساتھ اس کی بھی ذخیرہ اندوزی روکنے کے لیے کارروائی کا التزام ہے۔ فوری اثر سے لاگو اس حکم نامے میں کہا گیا ہے کہ ادارہ جاتی اور براہ راست یا صنعتی اور تجارتی گاہک ریٹیل سیل سینٹر سے پٹرول یا ڈیزل نہیں خریدیں گے یا منگوائیں گے۔ وہ اپنی ضروریات پوری کرنے کے لیے صرف اپنے کنزیومر پمپ کا استعمال کریں گے۔

جاری یواین آئی۔ا یم جے