دارالسلام، تنزانیہ میں شدید بارشوں سے آنے والے سیلاب میں 155 افراد ہلاک ہو گئے ہیں ۔
وزیر اعظم قاسم مجالیوا نے پارلیمنٹ میں اپنی تقریر میں یہ معلومات شیئر کیں کہ شدید بارشوں سے آنے والے سیلاب میں 155 افراد ہلاک اور 236 زخمی ہوئے۔
انہوں نے کہا کہ بارش سے 26 علاقوں میں 200 ہزار لوگ متاثر ہوئے، مجالیوا نے کہا کہ 10 ہزار مکانات کو بھی نقصان پہنچا ہے۔
سیلاب کی وجہ سے کچھ اسکولوں، سڑکوں، پلوں اور صحت کی سہولیات کو نقصان پہنچا اور بے شمار مویشی ہلاک ہوگئے ہیں۔
تنزانیہ کی موسمیاتی ایجنسی کے مطابق شدید بارشوں کا سلسلہ آئندہ ماہ تک جاری رہنے کا امکان ہے۔۔
یو این آئی۔ ع ا۔
