مسجد میں مسلمان سڑکوں پے بےایمان

Published

6 years ago

July 21, 2020

مصنف:مفتی نظرالاسلام قاسمی الظہیری

عرصہ دراز سے قوم مسلم میں یہ بات پائی جارہی ہے کہ قرآن جیسی عظیم الشان کتاب کو پڑھنا چھوڑ دیا اور جو لوگ پڑھتے بھی ہیں وہ فقط حروف پڑھ لیتے ہیں سمجھنے کی کوشش بالکل بھی نہیں کرتے اور ایک طویل مدت سے جو حفاظ کرام تیار ہورہے ہیں وہ بھی صرف رٹے ہوئے ہیں ایک سورۃ یا آیت سمجھنے سمجھانے سے جاہل ہیں

حفاظ کرام کی اکثریت تو نہیں ۔مگر کم بھی نہیں خیر اللہ توفیق دے جو لوگ قرآنِ کریم کو سمجھ کر پڑھتے ہیں وہ اس بات سے بخوبی واقف ہیں کہ قرآنِ کریم کے تیسوں پاروں میں کہیں بھی لفظ مسلمان سے بات نہ کی گئی ہے اور نہ کہی گئی ہے اگر بات ہوئی ہے تو فقط ایمان والوں سے نصرت مدد خوشخبری کامیابی وکامرانی یہ ساری کی ساری باتیں ایمان والوں سے ہوئی ہے یا تو اے ایمان والوں یا اے وہ لوگوں جو ایمان لاچکے یا پھر ناس ۔سے پتہ یہ چلا کہ اللہ تعالیٰ نے جو نصرت کی بات کی ہے وہ ایمان والوں سے نہ کہ مسلمان سے ہم اس بات کو بہتر طریقے سے جانتے ہیں کہ یہ زمین خدا کی یہ آسمان خدا کا پوری کائنات ایک اللہ کے قبضہ قدرت میں ہے وہی ایک تنہا ذات ہے جسکی پوری دنیا میں حکومت وبادشاہت ہے سب اس کے سامنے ہیچ ہے موت وحیات اسی کے قبضہ میں ہے رزق کا مالک وہی ہے بارش کا ہونا نہ ہونا اسی کے حکم سے ہوا کا چلنا رک جانا مصیبت کا آنا پھر ختم ہوجانا امیری غریبی سب اسی کے قدرت میں ہے ان سب چیزوں کا علم رکھتے ہوئے اللہ کی عبادت کرتے ہیں اسی کے آگے جھکتے ہیں پھر کیا بات ہے کہ آج ہم سے زیادہ کوئی پریشان نہیں دنیا میں ہم ذلیل ہیں مارے جارہے ہیں کوئی وقعت وعزت نہیں پائی پائی کے ہم محتاج ہورہے ہیں افسوس کہ آج ہم صرف مسلمان ہوکر رہ گئے ہمارے پاس ایمان کی بو تک بھی نہیں مسجد میں داخل تو ہوتے ہیں لیکن ایمانی شان نہیں جذبہ نہیں من میں پاپ بھرا ہوتا ہے ذہن صاف نہیں دل دماغ صاف نہیں حسد جلن کینہ کپٹ غیبت چوری ڈکیتی کے بوجھ کو رکھ کر مسجد میں ہمارا آنا ہوتا ہے مسجد سے جب باہر ہوتے ہیں تو بے ایمان ۔

قرآن کریم کو پڑھتے ہیں لیکن کچھ فائدہ نہیں قرآن کا مطلوب تو یہ ہے کہ بندہ جب پڑھے تو آنکھوں سے آنسوں جاری ہوجائے بدن لرز جائے اگر ایسا نہیں ہے تو پھر پڑھنا بے معنی خیر کے راستے کے جتنے بھی کام ہیں چاہے وہ نماز و حج جیسی ہی عبادت کیوں نہ ہو اگر من میں پاپ ہے دل دماغ صاف نہیں تو پھر حج بھی بیکار اور یہ سب چیزیں اسی وقت ہوسکتی ہے جب ایمان تازہ ہوگا مسجد میں ٹوپی پہن کر آجانا سفید لبادہ اوڑھ کر اگلی صف میں بیٹھ جانا یہ کامیابی کی دلیل کبھی بھی نہیں ہوسکتی پہلے من کے پاپ کو ختم کرنا ہوگا میں ۔میں ۔میں ۔اسے دور کرنا ہوگا ایمان جیسی عظیم دولت کو ہمیں اپنے اندر داخل کرنا ہوگا

کبیر داس نے دوحہ میں کہا ہے ۔مالا پھرت جگ بھیا پھیرا نہ من کا پھیر ۔۔کر کا من کا ڈار دے من کا کر کا پھیر ۔۔کہ مالا پھیڑتے پھیڑتے زمانہ ہوگیا لیکن من کا پھیر نہیں پھیرا ایسے مالا گھمانے سے کوئی فائدہ نہیں جب تک من کا پاپ نہ جائے اور یہ اسی وقت ہوسکتاہے جب ایمان ہواور ایمان کسے کہتے ہیں اسے بھی دیکھ لیں مکہ کے اندر سڑک کے کے ایک کنارے پر ایک صحابی دوکان لگائے ہوئے تھے سڑک کے دوسرے کنارے پر یہودی جو چیزیں صحابی بیچا کرتے تھے وہی سب چیزیں یہودی بھائی بھی بیچتے تھے شام کے وقت ایک خریدار آیا صحابی کے پاس اور کہا کہ مجھے فلاں چیز کی ضرورت ہے دےدو صحابی نے کہا کہ میرے بھائی جس چیز کی تمہیں ضرورت ہے وہ تو میرے پاس موجود ہے اور اعلی قسم کا ہے لیکن میں صبح سے سامان بیچ رہا ہوں میرے پاس اتنے پیسے آچکے ہیں کہ میں آج کی رات اپنے بال بچوں کے ساتھ آرام سے کھا پی سکتا ہوں مگر وہ جو یہودی بھائی کی دوکان ہے صبح سے میں دیکھ رہا ہوں سامان خریدنے ایک بھی شخص نہیں پہونچا تم یہ چیز اسی سے لے لو ہوسکتا ہے اسی پیسے سے اس کا گھر چل جائے اگر تم یہاں سے لے لیا تو اس کے بال بچے بھوکے رہ سکتے ہیں وہ آدمی یہودی کے پاس گیا یہودی نے کہا تم تو وہاں سے خرید رہے تھے پھر یہاں کیا بات ہے سارا واقعہ بیان کیا یہودی نے دوکان بند کی اور دونوں صحابی کے پاس آئے صحابی نے دیکھا کہا میرے بھائی اب کیا ضرورت پڑگئی ان دونوں نے کہا سامان تو وہاں سے لے لیا ایمان یہاں لینے آیا ہوں ۔۔اللہ اکبر ۔چند علامات ایمان اجمالی طور پر نقل کیا جارہا ہے قارئین ہوش کے ناخن لیں ۔علامات ایمان ۔۔
(1) تعظیم قرآنِ کریم ایمان کا سر چشمہ ہے تعظیم قرآن مجید سے مراد اس کا خود سیکھنا دوسروں کو سیکھانا قرآن شریف کے نازل کردہ احکام کو یاد رکھنا حلال وحرام جائز ناجائز کا علم ہونا قرآنی وعدہ وعید کی آیات کو یاد رکھنا

(2) طہارت وپاکی بھی جزوایمان ہے اقراء کے بعد دوسری وحی جو آنحضرت صلی اللہ علیہ وسلم پر نازل ہوئی اس میں یہ حکم تھا ۔وثیابک فطھر۔اپنے کپڑوں کو پاک رکھ چنانچہ شارع نے ضروری قرار دیا کہ انسان کا بدن اس کے کپڑے اس کے نماز پڑھنے کی جگہ نجاستوں اور آلودگیوں سے پاک ہوں طہارت وپاکی جزوایمان ہے

(3) نماز پنجگانہ جماعت کے ساتھ ادا کرنا جزوایمان ہے اور یہ ایمان کی ایسی علامت ہے جو توحید ذات کے بعد سب سے اونچی اور بڑی علامت ہے ۔حضرت عبداللہ بن مسعود رضی اللہ عنہ کی روایت ہے رسول اللہ سے پوچھا گیا کہ الله کے نزدیک سب سے پسندیدہ اعمال کون سا ہے آپ نے فرمایا نماز اپنے وقت پر پھر پوچھا اس کے بعد کون سا عمل اپ نے فرمایا والدین سے اچھا برتاؤ میں نے پوچھا پھر آپ نے فرمایا جہاد ۔بخاری ومسلم ۔۔

(4) اسلام کی تعلیم میں نماز کے ساتھ ساتھ جو فریضہ سب سے اہم نظر آتا ہے وہ زکوٰۃ ہے ادائیگی زکوٰۃ ایمان کی مہتم بالشان علامات میں سے ایک ہے

(5) روزہ بھی ایک ایمانی شان ہے

(6) حج بیت اللہ بھی ایمان کا اہم رکن ہے

(7) عہدو وعدہ کا پورا کرنا ایمان کا لازمی حصہ اور جزوایمان ہے

(8) غیرضروری باتوں سے زبان کو محفوظ رکھنا اور ضروری باتیں بھی بقدر ضرورت کرنا جزوایمان)

(9) ناجائز کمائی سے بچنا بھی ایمان کی اہم علامت ہے

(10) مصیبت پر صبر کرنا تکالیف برداشت کرنا اور ناگفته بہ حالات سے سمجھوتہ اور یہ سب کچھ اللہ ہی کے لئے ہو تو صبر کہلاتا ہے یہ بھی ایمان کا عظیم وصف ہے اور بھی علامات ایمان ہیں جن کا ذکر کسی ایک مضمون کے حوالے سے مناسب نہیں آئیے ہم عہد کریں کہ ہم صرف مسجد میں مسلمان نہیں بلکہ سڑکوں پربھی مسلمان نظر آئینگے اور رسمی مسلمان نہیں بلکہ ایمانی طاقت وقوت سے ہمیشہ اپنے آپ کو پر رکھینگے اور جب بھی کوئی کام کریں گے تو ایمانی جذبہ کے ساتھ ۔آمین

دنیا

ایران کا امریکہ کو دوبارہ انتباہ، آبنائے ہرمز میں مداخلت پر فوری جواب کی دھمکی

Published

4 hours ago

July 2, 2026

Online Desk

تہران، ایران کی پاسدارانِ انقلاب نے امریکہ کو ایک بار پھر خبردار کرتے ہوئے کہا ہے کہ آبنائے ہرمز میں کسی بھی امریکی مداخلت کا فوری اور فیصلہ کن جواب دیا جائے گا، یہ بیان دوحہ میں امریکہ اور ایران کے درمیان حالیہ تکنیکی بات چیت کے بعد سامنے آیا ہے۔

خاتم الانبیاء ہیڈکوارٹر کے کمانڈر میجر جنرل علی عبداللہی نے جمعرات کو جاری بیان میں کہا کہ ایران اپنے دشمنوں، خصوصاً امریکہ اور اسرائیل کو خبردار کرتا ہے کہ وہ کسی بھی قسم کی غلطی نہ کریں۔

انہوں نے کہا کہ آبنائے ہرمز میں امریکی مداخلت کا فوری اور فیصلہ کن جواب دیا جائے گا، جبکہ تمام بحری جہاز تہران کی جانب سے مقرر کردہ سمندری راستے استعمال کرنے کے پابند ہیں۔

تسنیم نیوز ایجنسی کے مطابق علی عبداللہی نے مزید کہا کہ آبنائے ہرمز کی فضائی حدود میں امریکی موجودگی خطے کی سلامتی کے لیے خطرہ ہے۔

انہوں نے خبردار کیا کہ ایران کی سرزمین کو نشانہ بنانے والی کسی بھی کارروائی یا خطرے کی صورت میں ایرانی مسلح افواج بھرپور جواب دیں گی۔

ایرانی کمانڈر نے سابق رہبرِ انقلاب علی خامنہ ای کی دفاعی حکمت عملی کا حوالہ دیتے ہوئے کہا کہ ایران نے میزائل اور ڈرون صلاحیتوں میں نمایاں پیش رفت کے ساتھ اپنی قومی سلامتی کو مضبوط بنایا ہے۔

یہ انتباہ دوحہ میں قطر اور پاکستان کی ثالثی میں امریکہ اور ایران کے درمیان دو روزہ تکنیکی بات چیت کے بعد سامنے آیا ہے، جسے دونوں جانب سے مثبت قرار دیا گیا تھا۔

قطر اور پاکستان کی وزارتِ خارجہ کے مطابق دونوں ممالک کے درمیان مذاکرات کا اگلا دور جلد متوقع ہے۔

دوسری جانب امریکی صدر ڈونلڈ ٹرمپ متعدد مواقع پر کہہ چکے ہیں کہ جب تک ناگزیر نہ ہو، امریکہ ایران کے خلاف دوبارہ فوجی کارروائی نہیں کرے گا، جبکہ واشنگٹن کا مقصد ایران کو جوہری ہتھیار حاصل کرنے سے روکنا اور آبنائے ہرمز میں جہاز رانی کو بغیر کسی رکاوٹ یا فیس کے یقینی بنانا ہے۔

یواین آئی۔ م س

ہندوستان

سفارتی تعلقات کے 75 سال مکمل ہونے پر سال بھر پروگرام منعقد کریں گے ہندوستان اور جاپان

Published

4 hours ago

July 2, 2026

Online Desk

نئی دہلی، ہندوستان اور جاپان اگلے سال سفارتی تعلقات کے قیام کے 75 برس مکمل ہونے کے موقع پر ‘انڈیا-جاپان ایئر آف شیئرڈ ہورائزنز’ منائیں گے۔

وزارت خارجہ نے جمعرات کو بتایا کہ دونوں ممالک نے اسٹریٹجک، ثقافتی، اقتصادی، سائنسی اور عوامی تعلقات کو مضبوط بنانے کے مقصد سے سال بھر مختلف پروگرام منعقد کرنے کا اعلان کیا ہے۔ ان پروگراموں میں انڈیا-جاپان ویک (28 اپریل 2027 سے)، نوجوانوں پر مبنی ثقافتی تبادلہ، منگا-اینیمی-گیمنگ شراکت داری، پالیسی مذاکرات (شیئرڈ فیوچر-75)، آرٹ اینڈ کلچر پروگرام، بدھ مت یاترا پہل، کھیلوں میں تعاون، تجارت اور علاقائی شراکت داری نیز لوپیکس قمری مشن سمیت سائنس اور ٹیکنالوجی کے تعاون کو فروغ دینے والے اقدامات شامل ہیں۔

دونوں ممالک نے کہا ہے کہ یہ تقریبات دونوں ممالک میں بڑے پیمانے پر ہوں گی اور ان میں نوجوانوں کی سرگرم شرکت کو یقینی بنایا جائے گا۔

یو این آئی۔ این یو۔

ہندوستان

جاپان کی ‘موگامی’ پیشکش: اسٹریٹجک موقع یا مقامی بحری منصوبوں سے توجہ ہٹانے کی کوششَ

Published

4 hours ago

July 2, 2026

Online Desk

نئی دہلی، جاپان نے ایشیا میں اپنے اہم ترین اسٹریٹجک شراکت دار ہندوستان کو جدید ‘موگامی کلاس’ اسٹیلتھ فریگیٹ کی ٹیکنالوجی منتقل کرنے کی پیشکش کی ہے اس پیشکش کے تحت جنگی جہاز کے ڈیزائن اور پروڈکشن کے مکمل حقوق بھی ہندوستان کو دیے جائیں گے یہ تجویز، جس پر دونوں ممالک کے حکام گزشتہ کچھ عرصے سے غور و خوض کر رہے ہیں، ایسے وقت میں سامنے آئی ہے جب جاپانی وزیر اعظم تاکائیچی نے جمعرات کو وزیر اعظم نریندر مودی کے ساتھ دفاعی اور تکنیکی تعاون کو مزید فروغ دینے کے امکانات پر تبادلۂ خیال کیا۔

تاہم، ہندوستانی دفاعی منصوبہ سازوں کے لیے مسئلہ یہ ہے کہ یہ تجویز ہندوستان کے نیول ماڈرنائزیشن کے ایک نازک موڑ پر آئی ہے۔ ہندوستانی بحریہ پہلے ہی ‘پروجیکٹ 17اے’ کے ذریعے مقامی جنگی جہازوں کے ڈیزائن میں خطیر سرمایہ کاری کر چکی ہے، جس کے تحت کئی ‘نیلگیری کلاس’ اسٹینتھ فریگیٹس زیر تعمیر ہیں۔ بحری انٹیلی جنس کے سابق ڈائرکٹر کموڈور رنجیت رائے (ریٹائرڈ) نے یو این آئی کو بتایا کہ ہندوستان مستقل طور پر اپنے مقامی پروجیکٹ 17اے فریگیٹس کی صلاحیتوں کو بڑھا رہا ہے اور اسے بیرون ملک سے جنگی جہاز درآمد کرنے کی بہت کم ضرورت ہے۔

انہوں نے کہا کہ “ان کی صلاحیتیں کچھ بھی ہوں، اس مرحلے پر فریگیٹس درآمد کرنا ہمارے پروڈکشن پلانز کو متاثر کرے گا اور ملک کی مقامی جہاز سازی کی صلاحیتوں کو نقصان پہنچائے گا۔”

تاہم، سفارتی اور تزویراتی نقطۂ نظر سے جاپان کی یہ پیشکش اس بات کی عکاسی کرتی ہے کہ ٹوکیو اب اپنے جدید بحری جنگی پلیٹ فارم برآمد کرنے کے لیے تیار ہے اور ہندوستان کو طویل مدتی تزویراتی مینوفیکچرنگ شراکت دار کے طور پر دیکھ رہا ہے۔ اگر اسے قبول کر لیا جاتا ہے تو ہندوستان کے جہاز ساز ادارے جیسے کولکاتہ میں قائم ‘گارڈن ریچ شپ بلڈرز اینڈ انجینئرز’ یا ممبئی کا ‘مزاگاؤں ڈاک شپ بلڈرز لمیٹڈ’ مقامی طور پر جاپانی ڈیزائن کردہ فریگیٹس تیار کر سکتے ہیں۔ رپورٹوں کے مطابق، اس معاہدے میں بڑے پیمانے پر ٹیکنالوجی کی منتقلی، ڈیزائن کی ملکیت اور ہندوستان کے ‘برہموس’ سپرسونک کروز میزائل جیسے ہتھیاروں کا سسٹم شامل کرنا ممکن ہو سکے گا۔

انسٹی ٹیوٹ آف ڈیفنس اسٹڈیز کے سابق سینئر فیلو راجارام پانڈا کے مطابق “جاپان کی یہ پیشکش اس لیے غیرمعمولی اہمیت رکھتی ہے کہ یہ ٹوکیو کی دفاعی برآمدی پالیسی میں ایک بڑی تبدیلی کی نشاندہی کرتی ہے۔ دوسری جنگِ عظیم کے بعد کئی دہائیوں تک جاپان نے فوجی سازوسامان کی برآمد پر تقریباً مکمل پابندیاں عائد کر رکھی تھیں۔”

اسٹرے ٹیجک اعتبار سے یہ پیشکش ہند۔ بحرالکاہل خطے میں چین کے بڑھتے ہوئے بحری اثر و رسوخ کے تناظر میں نئی دہلی اور ٹوکیو کے امن و استحکام برقرار رکھنے کے مشترکہ عزم کی عکاس ہے۔ دونوں ممالک علاقائی سلامتی میں بحری تعاون کو کلیدی اہمیت دیتے ہیں، جب کہ جدید ‘اسٹیلتھ فریگیٹس’ کی مشترکہ تیاری سے نہ صرف دفاعی تعاون کو نئی جہت ملے گی بلکہ دفاعی صنعت میں باہمی انضمام بھی مضبوط ہوگا، جو مشترکہ فوجی مشقوں اور سفارتی ہم آہنگی سے کہیں آگے کی پیش رفت ہوگی۔

تاہم، دفاعی حکام کا کہنا ہے کہ اگرچہ دونوں ہی جدید اسٹینتھ فریگیٹس ہیں، لیکن موگامی اور نیلگیری کلاسیز کو مختلف آپریشنل حکمت عملیوں کے لیے تیار کیا گیا ہے۔

پروجیکٹ 17اے کے تحت تیار کردہ ہندوستانی نیلگیری کلاس اسٹینتھ فریگیٹ، جیسے کہ ‘آئی این ایس تاراگیری’ جسے دو ماہ قبل بحریہ میں شامل کیا گیا تھا، بنیادی طور پر بھاری بھرکم ہتھیاروں سے لیس ایک کثیر المقاصد جنگی جہاز ہے، جسے بحری تجزیہ کار “پاکٹ ڈسٹرائر” کہتے ہیں۔

تقریباً 6,670 ٹن وزنی یہ اسٹیلتھ جنگی جہاز 32 باراک-8 فضائی دفاعی میزائلوں اور آٹھ برہموس سپرسونک کروز میزائلوں سے لیس ہے۔ دفاعی ذرائع کا کہنا ہے کہ جدید ایم ایف-اسٹار راڈار اور اینٹی سب میرین وارفیئر نظام سے آراستہ یہ مقامی جنگی جہاز طویل المدت اور شدید بحری جنگی کارروائیوں کے لیے ڈیزائن کیا گیا ہے۔

اس کے برعکس جاپانی موگامی کلاس فریگیٹ وزن میں کم (تقریباً 5,500 ٹن) اور زیادہ آٹومیٹڈ ہے، جس کے لیے نیلگیری کلاس کے 226 عملے کے مقابلے میں صرف 90 اہلکاروں کی ضرورت ہوتی ہے۔ حکام نے بتایا کہ ” جاپان یا دیگر مغربی ممالک کے برعکس ہماری بحریہ میں تربیت یافتہ افرادی قوت کا کوئی مسئلہ نہیں ہے، اس لیے صرف آٹومیشن ہمارے لیے بہت بڑا پلس پوائنٹ نہیں ہے، حالاں کہ ہمیں اس کے لیے تیار رہنا چاہیے۔ جہاں جاپانی جہاز ہمارے مقابلے میں آگے ہیں، وہ یہ ہے کہ ان کے موگامی کلاس فریگیٹس کا راڈار سگنیچر (راڈار کی نظروں سے بچنے کی صلاحیت) ہمارے جہاز سے زیادہ بہتر ہے، لیکن اسے مستقبل کے ماڈلز میں ٹھیک کیا جا سکتا ہے۔” ہندوستان نے ہمیشہ ایسے بھاری ہتھیاروں سے لیس جہازوں کو ترجیح دی ہے، جو دشمن کے پانیوں میں آزادانہ طور پر کام کر سکیں، جبکہ “جاپان نے ایسے انتہائی خودکار اور لچکدار پلیٹ فارمز پر توجہ مرکوز کی ہے جو افرادی قوت کی ضرورت کو کم کرتے ہوئے کارکردگی کو بڑھاتے ہیں”۔

حکام کا کہنا ہے کہ جاپان کی یہ پیشکش ہندوستان کے مقامی بحری جہاز سازی پروگرام کے حوالے سے بھی اہم سوالات پیدا کرتی ہے۔ ان کے مطابق، “پروجیکٹ 17اے جدید جنگی جہازوں کے ڈیزائن اور تیاری میں ملک کی کئی دہائیوں کی مہارت کا مظہر ہے۔” انہوں نے کہا کہ ہندوستان اب غیر ملکی ڈیزائن پر انحصار کرنے کے بجائے مقامی سطح پر جدید جنگی جہاز تیار کرنے کی صلاحیت حاصل کر چکا ہے، جن میں ملکی اور بین الاقوامی ٹیکنالوجیز کا امتزاج موجود ہے۔

حکام کا کہنا ہے کہ کسی نئی غیر ملکی فریگیٹ کلاس کو شامل کرنے سے نہ صرف الگ لاجسٹک اور دیکھ بھال کا نظام قائم کرنا پڑے گا بلکہ عملے کی تربیت اور سپلائی چین کا نیا ڈھانچہ بھی تشکیل دینا ہوگا۔ اگرچہ ان جنگی جہازوں کی تیاری ہندوستان میں ہوگی، تاہم، جاپانی ساختہ پرزوں اور مخصوص ٹیکنالوجی پر طویل المدت انحصار برقرار رہے گا۔ حکام کے مطابق ہندوستانی شپ یارڈز اس وقت ڈسٹرائرز، فریگیٹس، آبدوزوں اور طیارہ بردار جہازوں سمیت کئی اہم منصوبوں پر بیک وقت کام کر رہے ہیں، اس لیے غیر ملکی ڈیزائن کے لیے پیداواری صلاحیت مختص کرنے سے مقامی بحری پروگراموں کی رفتار متاثر ہونے کا خدشہ ہے، الا یہ کہ اس عمل کی انتہائی محتاط منصوبہ بندی کی جائے۔

یو این آئی۔ م ع