وادی کشمیر میں عالمی وبا کورونا وائرس کے خلاف جاری لاک ڈاؤن کے 8ویں روز جمعرات کو بھی لوگوں کی کلہم آبادی گھروں تک ہی محدود رہی جبکہ اس دوران ضوابط وقوانین کی خلاف ورزی کرنے والے افراد کے خلاف کارروائی عمل بھی عمل میں لائی،جس دوران صرف او نتی پورہ میں 40افراد کو حراست میں لیا گیا جبکہ کئی افراد کے خلاف مقدمات بھی درج کئے گئے۔اس دوران وادی کشمیر میں جمعہ اجتماعات ے پیش نظر جمعرات کو سرینگر میں سبھی عبادت گاہیں بند رکھنے کا فیصلہ لیا ہے۔کشمیر نیوز سروس کے مطابق کورونا وائرس کو پھیلنے سے روکنے کیلئے شروع کئے لاک ڈاؤن کا سلسلہ جمعرات کو مسلسل8ویں روز بھی جاری رہا۔ادھر ملک گیر سطح پر شروع کئے گئے لاک ڈاؤن کا جمعرات کو دوسرا دن مکمل ہوا۔وادی کشمیر میں مسلسل آٹھویں روز بھی مکمل طور پر لاک ڈاؤن رہا۔ہر سو ہو کا عالم ہے جبکہ لاک ڈاؤن کو سختی سے نافذ کرنے کیلئے تعینات پولیس وفورسز اہلکاروں نے گذشتہ دنوں کے مقابلوں میں کافی سختی کیساتھ لاک ڈاؤن کو نافذ کیا۔
اس دوران خلاف ورزی کرنے والے افراد کے خلاف کارروائی بھی عمل میں لائی گئی۔او نتی پورہ میں 40افراد کو خلاف ورزی کی پاداش میں گرفتار کیا گیا۔ادھرکورونا وائرس کو مزید پھیلنے سے روکنے کے لئے ضلع انتظامیہ سری نگر نے ضلع میں مساجد و گردواروں سمیت تمام عبادت گاہوں کو بند رکھنے کا حکمنامہ جاری کردیا ہے۔اونتی پورہ اور گاندربل پولیس نے سرکاری احکامات کی خلاف ورزی کرنے والے ستارہ افراد کو گرفتارکرکے ان کے خلاف متعلقہ دفعات کے تحت کیس انداج کئے۔ اونتی پورہ پولیس نے سرکاری احکامات کی خلاف وازی کر نے والے چودہ افرادوں کے خلاف کیس ایف ائی ار نمبر 38/2020 کو متعلقہ دفعات کے تحت اندراج کر کے گرفتارکیا۔ اسی طرح سے گاندربل پولیس نے گاندربل علاقے سے تین افراد کو گرفتارکیا جنہوں نے سرکاری احکامات کی خلاف ورزی کی تھی۔ پولیس نے ان کے خلاف ایف ائی 59/2020 کو متعلقہ دفعات کے تحت انداج کیاگیا۔
اونتی پورہ اورگاندربل پولیس کی جانب سے عوام الناس سے گزارش کی جاتے ہیں کہ وہ اپنے گھروں سے باہر نہ نکلیں والڈ ہلتھ آرگنزیشن کی دئے گئے رونموائے خطوط پر عمل در آمد کریں تاکہ لوگ کورونا وائرس سے بچ جائے۔ لوگ پولیس کی تعاون کریں تاکہ اس مہلوک وائرس سے بچاجائے۔ پولیس لوگوں کے خاطر ایسے اقدامات اُٹھارہی ہے۔ضلع مجسٹریٹ سری نگر ڈاکٹر شاہد اقبال چودھری نے اس سلسلے میں اپنے ایک ٹویٹ میں کہا’انتظامیہ کمیٹیوں کے بھر پور تعاون سے سری نگر میں تمام عبادت گاہوں کو بند کیا جارہا ہے، مقدس زیارت گاہیں حضرت بل اور نقش بند صاحب نشان راہ بن گئے، گھروں میں ہی بیٹھے رہیں‘۔
سرکاری ترجمان کے مطابق تمام بڑی مساجد و گردواروں کی انتظامیہ کمیٹیاں ضلع انتظامیہ کے اس فیصلے کے ساتھ متفق ہیں اور ضروری تعاون فراہم کررہی ہیں۔انہوں نے بتایا کہ متعلقہ افسران ضلع کے گوشہ وکنار میں جاکر مساجد، گردواروں، مندروں اور گرجا گھروں کو بند کرنے کے عمل کو یقینی بنانے کے لئے سرگرم عمل ہیں۔موصوف ضلع مجسٹریٹ نے عبادت گاہوں کی انتظامیہ کمیٹیوں اور لوگوں سے ضلع انتظامیہ کے اس فیصلے کو عمل میں لانے کے لئے تعاون فراہم کرنے کی اپیل کی ہے۔ انہوں نے کہا کہ یہ فیصلہ مشکل ضرور ہے لیکن موجودہ حالات کے پیش نظر ناگزیر بھی ہے۔پائین شہر کے نوہٹہ علاقے میں واقع قدیم تاریخی جامع مسجد کا انتظام و انصرام چلانے والی انجمن اوقاف نے کورونا وائرس کے پھیلاؤ کے خطرات کے پیش نظر فی الحال جامع مسجد میں تمام اجتماعی نمازیں موقوف کرنے کا اعلان کرتے ہوئے لوگوں سے اپیل کر رکھی ہے کہ وہ اپنے گھروں میں قیام کرکے وہیں پر نمازوں کا اہتمام کریں۔انجمن اوقاف جس کی سربراہی گھر میں مسلسل نظر بند میرواعظ مولوی عمر فاروق کررہے ہیں، نے 24 مارچ کو جاری ایک بیان میں لوگوں سے درخواست کی تھی کہ وہ موجودہ غیر معمولی، بحرانی اور سنگین حالات میں احتیاطی اقدامات پر مکمل عمل کریں اور اللہ تعالیٰ کی ذات بابرکات پر بھر پور توکل اور بھروسہ کرکے پوری انسانیت کی حفاظت اور سلامتی کے لئے بارگاہ خداوندی میں گھر پر توبہ و استغفار اور دعاؤں کا اہتمام جاری رکھیں۔
انجمن اوقاف جامع مسجد سے قبل بھی بعض مذہبی جماعتوں نے مساجد، امام بارگاہوں اور دیگر عبادت گاہوں میں اجتماعات منعقد نہ کرنے کا اعلان کیا تھا۔اس دوران کشمیرکے مفتی اعظم ناصر الاسلام نے جمعرات کو کہا کہ لوگوں کو مساجد میں نماز جمعہ پڑھنے سے گریز کرنا چاہئے۔ انہوں نے کہا کہ پوری کشمیر کے ائمہ اور خطباسمیت تمام لوگوں اور مساجد کے منتظمین سے میری عاجزانہ اپیل ہے کہ وہ جمعہ کی اجتماعی نماز سے احتراز کریں۔انہوں نے کہا کہ مسجد کے معززین سمیت صرف تین افراد مسجدوں میں پانچ وقت کی نماز پڑھیں، باقی لوگوں کو گھر میں ہی نماز پڑھنی چاہئے۔کشمیر میں کورونا وائرس سے متاثر شخص کی موت کے بعد انتظامیہ نے شہر میں جمعرات سے تمام مذہبی اداروں کو بند کرنے کا فیصلہ کیا ہے۔ضلع مجسٹریٹ سرینگر شاہد چودھری نے اس ضمن میں اعلان کرتے ہوئے کہا کہ تمام مذہبی اداروں نے منتظمین سے صلاح و مشورہ کرکے ان اداروں کو احتیاطی تدابیر کے تحت بند کیا گیا ہے۔انہوں نے ٹویٹ میں کہا کہ سرینگر میں نقشبند صاحب، خانقاہ، دیگر مساجد اور گرو دواروں کو بند کرنے کا فیصلہ کیا گیا ہے۔