واشنگٹن، ایڈورڈز ایئر فورس بیس نے بتایا کہ امریکہ کا ایک ایئر فورس بی-52 بمبار طیارہ کیلیفورنیا میں ایڈورڈز ہوائی اڈے سے پرواز کرنے کے کچھ ہی دیر بعد حادثے کا شکار ہو گیا۔ اس نے اس بات کی بھی تصدیق کی کہ بی-52 اسٹریٹجک بمبار طیارے کے عملے کے آٹھ ارکان کے ہلاک ہونے کا خدشہ ہے۔

بیس نے ایک بیان میں کہا کہ ایک ایئر فورس بی-52 اسٹریٹوفورٹریس، جس میں معمول کے ٹیسٹ مشن پر آٹھ افراد سوار تھے، آج صبح 11:20 بجے پی ڈی ٹی (11:50 بجے رات آئی ایس ٹی) پر ٹیک آف کے فوراً بعد حادثے کا شکار ہو گیا۔

ابتدائی اشارے ہیں کہ حادثہ ناقابل بقا تھا۔ ہنگامی امدادی اہلکار جائے وقوعہ پر موجود ہیں اور افسران تمام اہلکاروں کی موجودگی کو یقینی بنانے کے لیے کام کر رہے ہیں۔

بیس نے بتایا کہ ہوائی اڈے کو بند کر دیا گیا ہے اور تمام آنے والے طیاروں کا رخ موڑا جا رہا ہے۔

بیان میں کہا گیا کہ تمام غیر تجارتی وزیٹر پاسز کو اگلے نوٹس تک معطل کر دیا گیا ہے تاکہ تنصیب مکمل طور پر ہنگامی ردعمل کی کارروائیوں پر توجہ مرکوز کر سکے۔

امریکی میڈیا نے حادثے کی ویڈیوز جاری کی ہیں، جن میں زمین کا ایک بڑا جھلسا ہوا حصہ دکھایا گیا ہے، جس میں طیارے کا ملبہ بمشکل نظر آ رہا ہے اور کچھ مقامات سے دھواں اٹھ رہا ہے۔

بیان کے مطابق، حادثے کی تحقیقات کی جا رہی ہے۔

یو این آئی۔ این یو۔

تہران، ایران کے صدر مسعود پیزشکیان نے کہا کہ ایران-امریکہ معاہدہ جنگ ختم کرنے کی سمت میں ایک اہم قدم ہے لیکن ایران کسی بھی صورتحال کے لیے تیار ہے۔

مسٹر پیزشکیان نے ایکس پر کہا کہ “جس بات پر اتفاق رائے ہوا ہے وہ جنگ روکنے اور بات چیت شروع کرنے کی سمت میں ایک اہم قدم ہے لیکن ابھی حتمی معاہدہ ہونا باقی ہے۔ اسلامی جمہوریہ ایران تمام متبادل کے لیے تیار ہے۔” انہوں نے کہا کہ ایران کی حکومت امریکہ کے ساتھ حتمی معاہدے کے بغیر بھی یا اس کے ساتھ عوام کی خدمت کرے گی۔ مسٹر پیزشکیان نے بتایا کہ امریکہ کے ساتھ مفاہمت نامہ تیار کرنے میں ایران کے سپریم لیڈر مجتبیٰ خامنہ ای نے اہم کردار ادا کیا۔

ایرانی صدر نے کہا کہ “ایران کے قومی مفادات کا تحفظ کرنے والی دفعات کو شامل کرنے میں معزز سپریم لیڈر کی رہنمائی کا سب سے بڑا رول رہا ہے اور ہم اس کے لیے ان کے شکر گزار ہیں۔” 15 جون کو، ایران اور امریکہ نے اس مفاہمت نامے کے مکمل ہونے کی تصدیق کی، جس پر 19 جون کو سوئٹزرلینڈ میں دستخط ہونے ہیں۔ ایرانی فریق نے بتایا کہ اس مفاہمت میں لبنان سمیت تمام محاذوں پر فوجی کارروائی ختم کرنے کی بات کہی گئی ہے۔ امریکی صدر ڈونالڈ ٹرمپ نے پیر کو تصدیق کی کہ ایران کے ساتھ یادداشت پر دراصل دستخط ہو چکے ہیں۔

ایران نے کہا کہ مفاہمت نامے کے بعد، دونوں فریق ایک حتمی معاہدے پر بات چیت شروع کریں گے، جس سے ایران کے جوہری معاملے اور تہران پر امریکی پابندیوں کا حل نکل سکے گا۔

یو این آئی۔ این یو۔

واشنگٹن، امریکی نائب صدر جےڈی وینس نے دعویٰ کیا ہے کہ اب ہم براہ راست ایرانی حکام سے بات کر رہے ہیں ایران میں ہمارے کچھ اچھے تعلقات ہیں اس لیے کامیاب مذاکرات ہونےجا رہے ہیں۔

امریکی ٹی وی کو دیے گئے انٹرویو میں جےڈی وینس نے کہا کہ ایرانی حکام سے بات چیت ہونے میں اندازہ ہو جاتا ہے کہ کیا حقیقت ہے اور کیا نہیں، بات چیت سے اندازہ ہو جاتا ہے ایرانی حکام کس چیز کے بارے میں سنجیدہ ہیں، مذاکرات میں ہمیں ہر طرح سےبرتری حاصل ہے۔

انہوں نے کہا کہ ایران کے معاملے پر ابھی بہت سی تفصیلات طے ہونا باقی ہیں، معاہدے پر عملدرآمد کی تصدیق کا عمل 2 مراحل پر مشتمل ہو گا۔

ان کا کہنا تھا کہ توقع ہے آبنائےہرمز طویل مدت تک بغیر فیس کھلی رہےگی اور توقع ہے کہ آبنائےہرمز طویل عرصے تک ٹول فری رہے۔

یو این آئی۔ ع ا۔