ویانا، آبنائے ہرمز میں ایک مال بردار جہاز پر حملے کے بعد اقوام متحدہ کے بحری ادارے نے پھنسے ہوئے جہازوں کے انخلا کا منصوبہ عارضی طور پر روک دیا ہے جس کے باعث عالمی منڈی میں خام تیل کی قیمتیں دوبارہ بڑھ گئی ہیں۔

برینٹ خام تیل کی قیمت میں 4 فیصد تک اضافہ ہوا ہے اور فی بیرل قیمت 74.89 ڈالر تک پہنچ گئی ہے جو جنگ سے پہلے کی سطح سے تقریباً 3 فیصد زیادہ ہے۔

واقعے کے بعد ایشیائی حصص بازار بھی شدید دباؤ کا شکار ہیں، جاپان اور جنوبی کوریا کی بڑی منڈیوں میں 3 فیصد سے زائد جبکہ ہانگ کانگ اور تائیوان کی منڈیوں میں بھی نمایاں کمی ریکارڈ کی گئی۔

واضح رہے کہ آبنائے ہرمز سے دنیا کی تقریباً 20 فیصد تیل اور مائع قدرتی گیس کی ترسیل ہوتی ہے اس لیے تازہ حملے نے خطے میں بحری نقل و حمل اور توانائی کی فراہمی سے متعلق خدشات ایک بار پھر بڑھا دیے ہیں۔

یو این آئی۔ ع ا۔

تہران، ایران نے اربوں ڈالر کمانے کا منصوبہ بنا لیا اور آبنائے ہرمز پر فیس عائد کر کے سالانہ 40 ارب ڈالر آمدنی کا ہدف مقرر کر دیا غیر ملکی خبر رساں ادارے نے اپنی رپورٹ میں انکشاف کیا ہے کہ ایران نے آبنائے ہرمز سے گزرنے والے بحری راستے کے لیے سیکورٹی، حفاظت اور ماحولیاتی خدمات کے عوض فیس وصول کر کے اربوں ڈالر کی آمدنی حاصل کرنے کا منصوبہ بنا لیا ہے ایران کے اس منصوبے کا مقصد آبنائے ہرمز میں بحری نقل و حمل کے تحفظ اور دیگر خدمات کے بدلے مالی وسائل حاصل کرنا ہے۔

رپورٹ میں مزید بتایا گیا ہے کہ اس منصوبے کے تحت ایران اور اس میں شامل ریاستوں کو سالانہ تقریباً 40 ارب ڈالرز کی آمدنی حاصل ہو سکتی ہے۔ تاہم منصوبے پر عمل درآمد اور اس کی بین الاقوامی قانونی حیثیت کے حوالے سے ابھی مزید تفصیلات سامنے نہیں آئی ہیں۔

یو این آئی۔ ع ا۔

نیویارک، نیویارک کے الخوئی سینٹر کوئنز میں یومِ عاشور کی مجلس کا انعقاد کیا گیا، جس میں نیویارک سٹی کے میئر زہران ممدانی نے شرکت کی میئر زہران ممدانی آدھے گھنٹے سے زائد وقت تک مجلس میں موجود رہے اور عقیدت و احترام کا اظہار کیا  اس موقع پر انہوں نے کہا کہ 10 محرم ہمیں امام حسینؓ کے عزم کی یاد دلاتا ہے، جب کہ انصاف ایسی چیز ہے جس کے لیے لڑنا چاہیے میئر زہران ممدانی نے عاشورہ کی مجلسِ عزا میں اپنی شرکت کی تصویر بھی شیئر کی۔

یو این آئی۔ ع ا۔