اٹلی میں کاروبار جزوی طور پر بحال

Published

6 years ago

May 5, 2020

اٹلی یورپ کا وہ ملک ہے جو کرونا وائرس سے سب سے زیادہ متاثر ہوا ہے۔مگر دو ماہ طویل لاک ڈاؤن کے بعد اب اس قابل ہے کہ ملک میں کاروبار جزوی طور پر کھولے جا سکیں۔

پیر چار مئی کو اٹلی کے 40 لاکھ باشندے کام پر واپس آئے۔ ان میں تعمیراتی اور مینوفیکچرنگ کے شعبے کے کارکن شامل ہیں۔ اس کے علاوہ روم اور اس کے گرد و نواح میں ٹریفک کی آمدورفت بھی جاری ہو گئی ہے اور سڑک کنارے وینڈرز بھی نظر آنے لگے ہیں۔

ایسوسی ایٹڈ پریس کے مطابق لوگوں میں اطمینان کی ایک لہر دوڑ گئی ہے اور وینڈرز اور دیگر چھوٹے کاروباری لوگ بہت زیادہ پر امید نہیں، مگر پھر بھی خوش ہیں کہ دکان تو کھلی، گاہک بھی آ ہی جائیں گے۔

آفتاب احمد گوندل میلان سے تین سو کلومیٹر دور فریولی وینیزیا جولیا میں ریستوران کے مالک ہیں۔ وہ کہتے ہیں کہ ابھی ریستوران تو نہیں کھلے، بس آرڈر تیار کر کے گاہکوں کے حوالے کر دئے جاتے ہیں۔

وہ کہتے ہیں کہ اتنی اجازت ہے کہ ایک ایک کر کے گاہک اندر آئیں، آرڈر دیں اور پھر اپنے نمبر پر اپنا کھانا لے کر چلے جائیں۔ انہوں نے بتایا کہ انہیں امید ہے کہ ریستوران بھی 18 مئی تک کھل جائیں گے اور لوگوں کو اندر بیٹھ کر کھانے کی اجازت ہو گی مگر سوشل ڈسٹینسنگ کے ساتھ۔

اٹلی میں کرونا وائرس سے اب تک تقریباً 29 ہزار اموات ہوئی ہیں اور آج اٹلی کی حکومت نے لوگوں کو مرنے والوں کی آخری رسومات ادا کرنے کی بھی اجازت دی ہے۔

آفتاب احمد کہتے ہیں میلان میں کچھ پاکستانیوں کی موت کی بھی اطلاع ملی تھی، مگر پروازیں بند ہونے کی وجہ سے ان کی میتیں پاکستان نہیں جا سکیں تھیں اور خود ان کے علاقے میں بھی کچھ پاکستانی نوجوان کرونا وائرس سے متاثر ہوئے مگر وہ اب صحت یاب ہو چکے ہیں۔

اسی دوران وہ طلبا اور کارکن جو اس وبا کی وجہ سے ملک کے سب سے زیادہ متاثر ہونے والے شمالی حصے میں پھنس کر رہ گئے تھے اب جنوب میں اپنے گھروں کو روانہ ہو رہے ہیں۔ تاہم جنوبی علاقوں میں کچھ گورنر خبردار کر رہے ہیں کہ شمال سے آنے والوں کو دو ہفتے تک گھر میں قرنطینہ میں رہنا پڑے گا۔

آفتاب احمد کہتے ہیں کہ سڑکوں پر گاڑیوں کی آمد و رفت شروع ہو گئی ہے اور شہر کی رونق کسی حد تک لوٹ آئی ہے۔ انہوں نے بتایا کہ اس سے پہلے گھر سے باہر سفر کرتے ہوئے ایک اجازت نامہ دکھانا پڑتا تھا اور ایسا نہ کرنے پر جرمانہ اور سزا ہوتی تھی مگر اب ایسا نہیں ہے۔

وہ کہتے ہیں کرونا وائرس سے بچاؤ کیلئے جو ضابطے نافذ کئے گئے ہیں، لوگ ان پر کسی احتجاج کے بغیر پوری طرح عمل کر رہے ہیں۔

شہریوں کے نام ایک پیغام میں اٹلی کے وزیرِ اعظم جوسیپے کونٹی نے کہا ہے کہ یہ ایک نیا صفحہ ہے جو ہم لکھ رہے ہیں۔ ہمیں ساتھ مل کر بھروسے اور ذمہ داری کے ساتھ لکھنا ہو گا۔

دنیا

ایران آبنائے ہرمز میں شپنگ کنٹرول سسٹم کا اعلان کرے گا: رکن پارلیمنٹ

Published

2 days ago

May 16, 2026

Online Desk

تہران، ایران نے اعلان کیا ہے کہ وہ جلد ہی آبنائے ہرمز (اسٹریٹ آف ہرمز) میں سمندری ٹریفک کو کنٹرول کرنے کے لیے ایک نئے نظام کا آغاز کرے گا۔

علاقائی کشیدگی اور سمندری سلامتی سے متعلق جاری تنازعات کے درمیان، سینئر ایرانی رکن پارلیمنٹ ابراہیم عزیزی نے اپنے سوشل میڈیا اکاؤنٹ پر یہ معلومات مشترک کی ہیں۔ پارلیمنٹ کے قومی سلامتی اور خارجہ پالیسی کمیشن کے سربراہ ابراہیم عزیزی نے ‘ایکس’ پر لکھا، “ایران نے اپنی قومی خودمختاری اور بین الاقوامی تجارتی سلامتی کی ضمانت کے تحت آبنائے ہرمز میں ایک طے شدہ راستے سے ٹریفک مینجمنٹ کے لیے ایک پیشہ ورانہ نظام تیار کر لیا ہے، جس کا جلد ہی اعلان کیا جائے گا۔”

انہوں نے مزید کہا کہ اس نئے نظام کے تحت صرف انہی تجارتی جہازوں اور فریقین کو آبنائے ہرمز پار کرنے کی اجازت ہوگی جو ایران کے ساتھ تعاون کر رہے ہیں۔ ایران اس اسکیم کے تحت فراہم کی جانے والی خصوصی خدمات کے لیے فیس (ٹیکس) بھی نافذ کرے گا۔

یواین آئی۔م س

جموں و کشمیر

پہلگام سڑک حادثے میں گجرات کے دو سیاح ہلاک، تین زخمی

Published

2 days ago

May 16, 2026

Online Desk

سری نگر، جنوبی کشمیر کے ضلع اننت ناگ کے پہلگام علاقے میں آرو ویلی روڈ پر ہفتہ کے روز ایک سیاحتی ٹیکسی حادثے کا شکار ہو گئی، جس کے نتیجے میں دو سیاح ہلاک جبکہ ڈرائیور سمیت تین افراد زخمی ہو گئے۔

حکام کے مطابق سیاحتی ٹیکسی بے قابو ہو کر سڑک سے پھسل کر ایک گہری کھائی میں جا گری۔

ہلاک ہونے والوں کی شناخت باوِن بھاوسر اور نینا کے طور پر ہوئی ہے، جو دونوں گجرات کے رہائشی تھے۔

زخمیوں میں اوِن بھاوسر، اشوک نینا، دونوں ساکنان گجرات اور ڈرائیور رئیس احمد بٹ، ساکن رنگورڈ پہلگام شامل ہیں۔ تمام زخمیوں کو علاج کے لیے گورنمنٹ میڈیکل کالج اننت ناگ منتقل کر دیا گیا ہے۔

پولیس نے واقعے کا نوٹس لیتے ہوئے پولیس اسٹیشن پہلگام میں ایف آئی آر نمبر 41/2026 درج کر لی ہے اور مزید تحقیقات جاری ہیں۔

یواین آئی۔ ظ ا

جموں و کشمیر

عمر عبداللہ حکومت نے بارہمولہ اور راجوری کے لیے 72 کروڑ روپے کے گندے پانی کے منصوبوں کی منظوری دے دی

Published

2 days ago

May 16, 2026

Online Desk

سری نگر، جموں و کشمیر حکومت نے بارہمولہ اور راجوری کے لیے استعمال شدہ پانی کے انتظام کے منصوبوں کو منظوری دے دی ہے، جن کی تخمینی لاگت بالترتیب 37.96 کروڑ روپے اور 34.43 کروڑ روپے ہے۔ ان منصوبوں کا مقصد دونوں شہری علاقوں میں صفائی ستھرائی کے بنیادی ڈھانچے کو مضبوط بنانا اور گندے پانی کے انتظام کے مسائل سے نمٹنا ہے۔ یہ بات ایک سرکاری ترجمان نے ہفتہ کو بتائی۔

عمر عبداللہ کی قیادت والی حکومت کی جانب سے منظور کیے گئے ان منصوبوں سے سیوریج کے سائنسی طریقے سے ٹھیک کرنے کو یقینی بنایا جائے گا، آبی ذخائر کو آلودگی سے بچایا جائے گا اور بارہمولہ و راجوری کے رہائشیوں کی صحت، صفائی اور مجموعی معیارِ زندگی میں نمایاں بہتری آئے گی۔

ہاؤسنگ و اربن ڈیولپمنٹ محکمہ نے سوچھ بھارت مشن (اربن) 2.0 کے کیپیکس جزو کے تحت میونسپل کونسل بارہمولہ اور میونسپل کونسل راجوری کے لیے استعمال شدہ پانی کے انتظام کے منصوبوں کی تفصیلی پروجیکٹ رپورٹس (ڈی پی آر) تیار کی ہیں۔

ان ڈی پی آرز کا تکنیکی جائزہ نیشنل انسٹی ٹیوٹ آف ٹیکنالوجی سری نگر نے لیا ہے۔ ان منصوبوں پر سیکوینشل بیچ ری ایکٹر (ایس بی آر) ٹیکنالوجی کے ذریعے عمل درآمد کیا جائے گا، جو ایک ہی مرحلے میں حیاتیاتی طریقے سے گندے پانی کے مؤثر علاج کی سہولت فراہم کرتی ہے۔

یہ منصوبے بارہمولہ اور راجوری میں صفائی کی سہولیات کو بہتر بنانے اور پائیدار گندے پانی کے علاج کے نظام قائم کرنے کے مقصد سے تیار کیے گئے ہیں۔ دونوں منصوبوں کو 18 ماہ کی مدت میں مکمل کرنے کا ہدف مقرر کیا گیا ہے۔

یواین آئی۔ ظ ا