دنیا کا کوئی خطہ کرونا سے بچا ہوا نہیں: اقوام متحدہ

Published

6 years ago

May 3, 2020

اقوام متحدہ کے ادارہ برائے مہاجرین (یو این ایچ سی آر) کا کہنا ہے کہ ہنگامی بنیادوں پر ان بے گھر لوگوں کے لیے نقد امداد کا انتظام ضروری ہے۔ پوری دنیا میں کرونا وائرس کی وجہ سے انسانی ضروریات بحران کی شکل اختیار کر گئی ہیں جنھیں پورا کرنے کے لیے ہنگامی طور پر کام کرنے کی ضرورت ہے۔
یو این ایچ سی آر کا کہنا ہے کہ دنیا بھر میں لڑائی، کشیدگی اور تنازعات کی وجہ سے سات کروڑ سے زیادہ افراد کو اپنا گھر بار چھوڑنا پڑا، عالمگیر وبائی مرض کرونا کی وجہ سے اب ان کے حالات مزید مشکلات کا شکار ہو گئے ہیں۔

جینوا سے وائس آف امریکہ کی رپورٹ کے مطابق، اس وقت دنیا کا کوئی خطہ کرونا سے بچا ہوا نہیں ہے۔ دوسری طرف، لاکھوں بے گھر افراد نے انتہائی غریب ملکوں میں پناہ لے رکھی ہے۔

ادارے نے مشرق وسطیٰ میں پناہ لینے والے لاکھوں مہاجرین کی مالی امداد کے لیے اپیل کی ہے، کیوں کہ اب یہ لوگ لاک ڈاون کی وجہ سے کام بھی نہیں کر سکتے۔

یو این ایچ سی آر کا کہنا ہے کہ 56 لاکھ شامی باشندوں نے پڑوسی ملکوں میں پناہ لے رکھی ہے، جبکہ شام کے اندر ساٹھ لاکھ سے زیادہ لوگ بے گھر ہیں۔ انہیں اپنی ضروریات اور ہیلتھ کیئر کے لیے شدید مالی مشکلات درپیش ہیں۔

ادارے کے ترجمان، اندریج ماہے سیس کا کہنا ہے کہ لبنان، مصر، عراق اور اردن میں آباد لاکھوں مہاجرین کا روزگار ختم ہو گیا ہے۔ وبائی مرض کرونا کی وجہ سے وہ اپنی روزی نہیں کما سکتے اور فاقہ کشی کا شکار ہیں۔

ترجمان نے کہا ہے کہ ان کے حالات میں بہتری ہنگامی امداد کے ذریعے ہی لائی جا سکتی ہے، جس کے لیے متاثرین کو نقد پیسے دینا ہوں گے۔ مہاجرین کو پناہ دینے والے ملکوں میں ایران اور پاکستان بھی شامل ہیں، جنھوں نے افغانستان سے آنے والے مہاجرین کو پناہ دے رکھی ہے۔ ان کے علاوہ وینزویلا جیسے ملکوں میں بے روزگار محتاج افراد کی کمی نہیں۔

کرونا وائرس کی وجہ سے ان سبھی علاقوں میں لاک ڈاون ہے اور اقتصادی سرگرمیاں بند ہیں۔ یہ لوگ یا تو بھیک مانگ کر یا چوری چکاری کر کے گزارا کر رہے ہیں۔ ان علاقوں میں جرائم کی شرح بڑھ چکی ہے۔
اقوام متحدہ کی ایجنسی برائے مہاجرین کا کہنا ہے کہ ہنگامی بنیادوں پر ان بے گھر لوگوں کی نقد امداد کا انتظام ضروری ہے۔

دنیا

ایران آبنائے ہرمز میں شپنگ کنٹرول سسٹم کا اعلان کرے گا: رکن پارلیمنٹ

Published

2 days ago

May 16, 2026

Online Desk

تہران، ایران نے اعلان کیا ہے کہ وہ جلد ہی آبنائے ہرمز (اسٹریٹ آف ہرمز) میں سمندری ٹریفک کو کنٹرول کرنے کے لیے ایک نئے نظام کا آغاز کرے گا۔

علاقائی کشیدگی اور سمندری سلامتی سے متعلق جاری تنازعات کے درمیان، سینئر ایرانی رکن پارلیمنٹ ابراہیم عزیزی نے اپنے سوشل میڈیا اکاؤنٹ پر یہ معلومات مشترک کی ہیں۔ پارلیمنٹ کے قومی سلامتی اور خارجہ پالیسی کمیشن کے سربراہ ابراہیم عزیزی نے ‘ایکس’ پر لکھا، “ایران نے اپنی قومی خودمختاری اور بین الاقوامی تجارتی سلامتی کی ضمانت کے تحت آبنائے ہرمز میں ایک طے شدہ راستے سے ٹریفک مینجمنٹ کے لیے ایک پیشہ ورانہ نظام تیار کر لیا ہے، جس کا جلد ہی اعلان کیا جائے گا۔”

انہوں نے مزید کہا کہ اس نئے نظام کے تحت صرف انہی تجارتی جہازوں اور فریقین کو آبنائے ہرمز پار کرنے کی اجازت ہوگی جو ایران کے ساتھ تعاون کر رہے ہیں۔ ایران اس اسکیم کے تحت فراہم کی جانے والی خصوصی خدمات کے لیے فیس (ٹیکس) بھی نافذ کرے گا۔

یواین آئی۔م س

جموں و کشمیر

پہلگام سڑک حادثے میں گجرات کے دو سیاح ہلاک، تین زخمی

Published

2 days ago

May 16, 2026

Online Desk

سری نگر، جنوبی کشمیر کے ضلع اننت ناگ کے پہلگام علاقے میں آرو ویلی روڈ پر ہفتہ کے روز ایک سیاحتی ٹیکسی حادثے کا شکار ہو گئی، جس کے نتیجے میں دو سیاح ہلاک جبکہ ڈرائیور سمیت تین افراد زخمی ہو گئے۔

حکام کے مطابق سیاحتی ٹیکسی بے قابو ہو کر سڑک سے پھسل کر ایک گہری کھائی میں جا گری۔

ہلاک ہونے والوں کی شناخت باوِن بھاوسر اور نینا کے طور پر ہوئی ہے، جو دونوں گجرات کے رہائشی تھے۔

زخمیوں میں اوِن بھاوسر، اشوک نینا، دونوں ساکنان گجرات اور ڈرائیور رئیس احمد بٹ، ساکن رنگورڈ پہلگام شامل ہیں۔ تمام زخمیوں کو علاج کے لیے گورنمنٹ میڈیکل کالج اننت ناگ منتقل کر دیا گیا ہے۔

پولیس نے واقعے کا نوٹس لیتے ہوئے پولیس اسٹیشن پہلگام میں ایف آئی آر نمبر 41/2026 درج کر لی ہے اور مزید تحقیقات جاری ہیں۔

یواین آئی۔ ظ ا

جموں و کشمیر

عمر عبداللہ حکومت نے بارہمولہ اور راجوری کے لیے 72 کروڑ روپے کے گندے پانی کے منصوبوں کی منظوری دے دی

Published

2 days ago

May 16, 2026

Online Desk

سری نگر، جموں و کشمیر حکومت نے بارہمولہ اور راجوری کے لیے استعمال شدہ پانی کے انتظام کے منصوبوں کو منظوری دے دی ہے، جن کی تخمینی لاگت بالترتیب 37.96 کروڑ روپے اور 34.43 کروڑ روپے ہے۔ ان منصوبوں کا مقصد دونوں شہری علاقوں میں صفائی ستھرائی کے بنیادی ڈھانچے کو مضبوط بنانا اور گندے پانی کے انتظام کے مسائل سے نمٹنا ہے۔ یہ بات ایک سرکاری ترجمان نے ہفتہ کو بتائی۔

عمر عبداللہ کی قیادت والی حکومت کی جانب سے منظور کیے گئے ان منصوبوں سے سیوریج کے سائنسی طریقے سے ٹھیک کرنے کو یقینی بنایا جائے گا، آبی ذخائر کو آلودگی سے بچایا جائے گا اور بارہمولہ و راجوری کے رہائشیوں کی صحت، صفائی اور مجموعی معیارِ زندگی میں نمایاں بہتری آئے گی۔

ہاؤسنگ و اربن ڈیولپمنٹ محکمہ نے سوچھ بھارت مشن (اربن) 2.0 کے کیپیکس جزو کے تحت میونسپل کونسل بارہمولہ اور میونسپل کونسل راجوری کے لیے استعمال شدہ پانی کے انتظام کے منصوبوں کی تفصیلی پروجیکٹ رپورٹس (ڈی پی آر) تیار کی ہیں۔

ان ڈی پی آرز کا تکنیکی جائزہ نیشنل انسٹی ٹیوٹ آف ٹیکنالوجی سری نگر نے لیا ہے۔ ان منصوبوں پر سیکوینشل بیچ ری ایکٹر (ایس بی آر) ٹیکنالوجی کے ذریعے عمل درآمد کیا جائے گا، جو ایک ہی مرحلے میں حیاتیاتی طریقے سے گندے پانی کے مؤثر علاج کی سہولت فراہم کرتی ہے۔

یہ منصوبے بارہمولہ اور راجوری میں صفائی کی سہولیات کو بہتر بنانے اور پائیدار گندے پانی کے علاج کے نظام قائم کرنے کے مقصد سے تیار کیے گئے ہیں۔ دونوں منصوبوں کو 18 ماہ کی مدت میں مکمل کرنے کا ہدف مقرر کیا گیا ہے۔

یواین آئی۔ ظ ا