سنگاپور یونیورسیٹی آف ٹیکنالوجی اینڈ ڈیزائن کے تحقیق کاروں نے دعویٰ کیا ہے کہ دنیا سے کورونا وائرس 9 دسمبر تک ختم ہو جائے گا۔مذکورہ تحقیقی ادارے کی جانب سے کی گئی تحقیق کے مطابق ہندوستان سے26جولائی تک اور پاکستان سے8جون تک کورونا وائرس ختم ہوگا۔کشمیر نیوز سروس مانیٹر نگ ڈیسک کے مطابق دنیا بھر کے ملکوں میں کورونا وائرس تیزی سے پھیل رہا ہے۔ حالات یہ ہیں کہ اب تک 2 لاکھ سے زیادہ لوگوں کی موت ہو چکی ہے جبکہ 30 لاکھ سے زیادہ لوگ کورونا انفیکشن کی زد میں ہیں۔کورونا انفیکشن کو پھیلنے سے روکنے کے لئے دنیا بھر کے ملکوں نے لاک ڈاون لگا رکھا ہے۔

ان سب کے بیچ سنگاپور یونیورسیٹی آف ٹیکنالوجی اینڈ ڈیزائن کے تحقیق کاروں نے دعویٰ کیا ہے کہ دنیا سے کورونا وائرس 9دسمبر تک ختم ہو جائے گا۔ انہوں نے ہندوستان کے بارے میں بھی ایک اندازہ لگاتے ہوئے کہا ہے کہ ہندوستان سے 26 جولائی تک کورونا کے پوری طرح سے ختم ہونے کا امکان ہے۔کورونا وائرس نے دنیا کو گھروں میں قید کر دیا ہے۔

ہر کسی کے ذہن میں بس ایک ہی سوال ہے کہ آخر کورونا وائرس کب ختم ہو گا؟۔ لوگ یہ بھی سوچ رہے ہیں کہ لاک ڈاون کھلنے کے بعد کیا کورونا وائرس کا انفیکشن اور تیزی سے حملہ کرے گا۔لوگوں کے انہی سوالوں کا جواب دیتے ہوئے سنگاپور یونیورسیٹی آف ٹیکنالوجی اینڈ ڈیزائن کے تحقیق کاروں نے آرٹیفیشیل انٹلی جنس ڈروین ڈیٹا انالیسس کے ذریعہ دنیا کو امید کی ایک کرن دکھائی ہے۔تحقیق کے مطابق، دنیا کے سبھی ملکوں سے دسمبر کے آغاز تک کورونا پوری طرح سے ختم ہو جائے گا۔ادھر ہندوستان کے ہمسایہ ملک پاکستان میں نئے نوول کورونا وائرس پر قابو پانے کے لیے ملک بھر میں لاک ڈاؤن جاری ہے جس میں وقتاً فوقتاً اضافہ بھی کیا جارہا ہے اور بظاہر کیسز کی شرح میں اضافے کو دیکھتے ہوئے اس کے جلد خاتمے کا امکان نظر نہیں آتا۔یعنی یہ کہنا مشکل ہے کہ کب تک ملک میں اس بیماری کے پھیلاؤ کو قابو میں کرلیا جائے گا مگر سنگاپور یونیورسٹی آف ٹیکنالوجی اینڈ ڈیزائن (ایس یو ٹی ڈی) کی پیشگوئی کو دیکھا جائے تو پاکستان میں اس وائرس پر کنٹرول کے لیے ابھی مزید لگ بھگ ڈیڑھ ماہ کا عرصہ درکار ہے۔اس یونیورسٹی نے آرٹی فیشل انٹیلی جنس ڈیٹا کے تجزیے سے دنیا بھر کے ممالک میں کووڈ 19 کی وبا کے خاتمے کے وقت کی پیشگوئی کی ہے۔اس مقصد کے لیے محققین نے مشتبہ۔ مصدقہ۔

ریکور یا ایس آئی آر وبائی ماڈل کو استعمال کیا جس کے لیے مختلف ممالک کے مشتبہ اور مصدقہ کیسز کے ساتھ صحتیاب افراد کے ڈیٹا کو استعمال کرکے دنیا بھر میں کورونا وائرس کی وبا پر قابو پانے کے دورانیے کی پیشگوئی کی گئی۔سنگاپور یونیورسٹی نے پیشگوئی یا یوں کہہ لیں کہ تخمینہ لگایا ہے کہ پاکستان میں اس وبا پر 8 جون تک 97 فیصد قابو پالیا جائے گا۔ڈیٹا کے مطابق پاکستان میں درحقیقت ابھی یہ وبا عروج پر نہیں پہنچی اور 27اپریل سے یہ عروج پر پہنچنا شروع ہوگی، جس کے بعد کیسز کی شرح میں بتدریج کمی آئے گی اور 9جون تک اس پر 97فیصد،23 جون تک 99 فیصد اور یکم ستمبر تک سو فیصد قابو پایا جاسکتا ہے۔یونیورسٹی نے واضح کیا کہ ہے کہ پیششگوئی کا تخمینے کو روزانہ نئے ڈیٹا کی بنیاد پر اپ ڈیٹ کیا جارہا ہے جبکہ یہ تجزیہ اور تخمینہ صرف تعلیمی اور تحقیقی مقاصد کے لیے ہے جس میں غلطی کا امکان موجود ہے۔

یونیورسٹی کے مطابق عالمی سطح پر اس وبا پر29 مئی تک 97 فیصد قابو پایا جاسکتا ہے، یہ شرح17 جون تک99 فیصد اور9 دسمبر میں سو فیصد تک پہنچے گی۔اس وبا سے سب سے زیادہ متاثر ملک امریکا میں 11 مئی تک 97 فیصد قابو پایا جاسکتا ہے جبکہ سوفیصد کنٹرول 27 اگست تک ممکن ہوگا۔اٹلی میں 7 مئی، سعودی عرب میں 21 مئی، متحدہ عرب امارات میں 11 مئی، ترکی میں 16 مئی، برطانیہ میں 15 مئی، اٹلی میں 7مئی، اسپین میں 3مئی، جرمنی میں 2مئی، فرانس میں 5مئی، جاپان میں 18 مئی، ایران میں 19 مئی، انڈونیشیا میں 6جون، ملائیشیا میں 6 مئی، سنگاپور میں 4 جون اور بھارت میں 26جولائی تک اس وبا پر97 فیصد تک کنٹرول کیا جاسکتا ہے۔

اب یہ اے آئی تجزیہ اور تخمینہ کس حد تک درست ثابت ہوتا ہے اس کا فیصلہ آئندہ چند دن میں ہوجائے گا۔