کھیل کھیل میں بچوں سے کروائیں ورزش اور خود بھی صحتمند رہیں

Published

6 years ago

August 27, 2020

آج کل بچے موبائل فون، ویڈیو گیم، انٹرنیٹ وغیرہ میں اس قدر الجھتے رہتے ہیں کہ آؤٹ ڈور ایکٹیویٹیز اور ایکسرسائز سے دور ہوتے جا رہے ہیں۔ ایسے میں اگر والدین بچوں کو کھیل کھیل میں ایکسرسائز سکھائیں اور کروائیںتو نہ صرف بچے دماغی اور جسمانی طور پر مضبوط ہوں گے بلکہ آپ میں بھی چستی آئے گی

اِن دنوں بچے موبائل فون، ویڈیو گیم، انٹرنیٹ وغیرہ میں اس قدر الجھتے رہتے ہیں کہ آؤٹ ڈور ایکٹیویٹیز اور ایکسرسائز سے دور ہوتے جا رہے ہیں۔ ایسے میں اگر والدین بچوں کو کھیل کھیل میں ایکسرسائز سکھائیں اور کروائیں، اس سے دگنا فائدہ ہوگا۔ جہاں بچے دماغ اور جسمانی طور سے مضبوط ہوں گے وہیں والدین بھی چست رہیں گے۔

کھیل بھی، صحت بھی

ز جب بچہ ۲؍ سال کا ہوتا ہے تبھی سے اسے ہلکی پھلکی ورزش کھیل کھیل میں کروا سکتی ہیں۔
ز بچے کے ساتھ بال سے کیچ کیچ کھیلیں۔ اس سے آنکھوں کی ایکسرسائز ہوگی۔
ز اس عمر میں سب سے زیادہ توجہ ’مومنٹ اسکیل‘ اور ’باڈی کنٹرول‘ پر ہونا چاہئے۔
ز بچے کو فری رننگ، گیند پکڑنا، دوڑنا، ایروبک جیسے کھیل سکھائیں۔ اس طرح کے کھیل سے بچوں کی ہڈّی مضبوط ہوتی ہے۔
ز بچے کے ساتھ ہر روز ٹہلیں، پیدل چلیں اور گھومیں۔ اس سے دوران ِ خون بہتر رہتا ہے۔
ز اگر بچے کی عمر ۱۲؍ سال سے زیادہ ہے، تو اسے سائیکلنگ، ٹینس، سوئمنگ، اسکیٹنگ جیسے کھیل کھیلنے کے لئے ترغیب دیں۔
ز کلائمبنگ (اونچائی پر چڑھنا) والے کھیل سے بچے کی پیٹھ، ہاتھ مضبوط ہوتے ہیں، ساتھ ہی ان کا قد بڑھنے میں بھی مدد ملتی ہے۔
ز ’سی سا‘ زیادہ تر بچوں کا پسندیدہ کھیل ہے۔ اس میں دو بچے آمنے سامنے جھولے پر بیٹھ کر اٹھک بیٹھک کرتے ہیں، جس سے جہاں ان کے ہاتھ پیر کی ایکسرسائز ہوتی ہے، وہیں ان کے ساتھ بڑوں کی بھی اچھی خاصی کسرت ہوجاتی ہے۔
ز بچے کی یادداشت بڑھانے کے لئے ان کے ساتھ ’’میمری گیمز‘‘ کھیلیں۔
ز بچوں کیساتھ کھیلیں کودیں۔ ایسا کرنے سے باڈی اسٹریچ ہوتی ہے اور فیلکسی بیلیٹی بڑھتی ہے۔
ز رسّی کودنا… دس منٹ رسّی کودنا، آٹھ منٹ کے دوڑنے کے برابر ہوتا ہے۔
ز ایک منٹ رسّی کودنے سے ۱۰؍ سے ۱۵؍ کیلوریز برن (پگھلتی) ہوتی ہے۔
ز رسّی کودنے سے جسم کا بیلسنگ پاور بڑھتا ہے اور پیروں میں مومنٹ سے پھرتی اور کنٹرول کرنے کی طاقت بڑھتی ہے، اس لئے بچوں کے ساتھ رسّی کودنے والا گیم ضرور کھیلیں۔
کھیل کے ساتھ پڑھائی بھی
ز اگر بچہ بہت چھوٹا ہے، تو آپ اسے کھیل کھیل میں کچن میں ہی ریاض سکھا سکتی ہیں۔
ز بچوں کو کچن میں کچھ برتن اکٹھا کرنے کے لئے کہیں اور پھر گنتی کروائیں۔
ز اس طرح آپ ایک سے ۱۰؍ اور ایک سے ۲۰؍ آسانی سے گنتی سکھا سکتی ہیں۔
ز کچن میں ایک جیسی دیکھنے والی چیزوں کو الگ کروائیں، جیسے سبھی کٹوریاں، گلاس، پلیٹ وغیرہ۔
ز بچوں کو ان کے سائز کے بارے میں بتائیں، اس سے وہ الگ الگ ساخت کے بارے میں جان سکیں گے۔
ز دھیان رہے، کھیل کھیل کے ذریعے بچہ جو کچھ سیکھتا ہے وہ اسے ہمیشہ یاد رکھتا ہے۔
کچھ ایکسرسائز ایسی بھی
ز کرالنگ لائیک اے بے بی یعنی بچوں کی طرح رینگنا۔ یہ بھی ایک مزیدار ایکسرسائز ہے، جو قریب ۱۷۰۰؍ سال پرانا ہے۔ اس سے بچوں جیسا چنچل پن اور مضبوطی آتی ہے۔ یہ ایک فن ایکسرسائز ہے۔ اس سے باڈی کی فلیکسی بلیٹی بڑھتی ہے، مسلز مضبوط ہوتے ہیں اور جوڑ مضبوط ہوتے ہیں۔ اسے آپ بچوں کے ساتھ کرسکتے ہیں۔
دلچسپ طریقہ
ز آ پ جب بھی بازار جائیں تو بچے کو ساتھ لے کر جائیں۔ اس سے بچہ یہ سمجھ سکے گا جو بھی ہم خریدتے ہیں اس کے بدلے میں ہمیں پیسے دینے پڑتے ہیں۔
ز اس طرح آپ بچوں کو دلچسپ طریقے سے پیسے کی اہمیت بھی سمجھا سکتے ہیں۔
ز بچے سے پہیلی پوچھ سکتے ہیں، کراس ورڈ، لفظوں کا تلاش کرنا، باکس، سوڈوکو جیسے کھیل دماغ کے لئے بہترین ورزش ہیں۔
اس باتوں کا رکھیں خیال
ز اگر بچے کا دل نہیں ہے تو اسے زبردستی کھیلنے کے لئے آمادہ نہ کریں۔
ز ہر روز بچے کو کم سے کم ایک گھنٹہ کھیلنے کے لئے تحریک دیں۔
ز آپ اپنے بچوں کے ساتھ کھیلنے سے ہچکچائیں نہیں، بلکہ ان کا بھرپور ساتھ دیں۔
ز اس سے بچوں کے درمیان آپسی سمجھ اور بانڈنگ بڑھے گی۔
ز بیڈ منٹن، فٹ بال، کرکٹ جیسے آؤٹ ڈور گیمز میں بچے کا ساتھی بن کر کھیلنے سے آپ بچے کے اچھے دوست بن سکتے ہیں۔
ز ایکسرسائز کرنے سے بچے تناؤ سے دور رہتے ہیں۔ اچھی نیند آتی ہے، وزن کنٹرول ہوتا ہے اور ہڈیاں مضبوط ہوتی ہیں(انقلاب)

ہندوستان

انتخابات کے بعد مہنگائی بڑھاکر غریبوں کوچوٹ پہنچاتےہیں مودی :کھرگے

Published

2 hours ago

May 18, 2026

Online Desk

نئی دہلی ،کانگریس صدر ملکارجن کھرگے نے وزیراعظم نریندر مودی پر سیدھا الزام لگاتے ہوئے کہا ہے کہ وہ الیکشن تک مہنگائی اور قیمتوں سے جڑی حقیقی صورتحال چھپاتے ہیں اور الیکشن ختم ہوتے ہی غریبوں کو نقصان پہنچانے والے فیصلے کرتے ہیں۔ انہوں نے کہا کہ بھارتیہ جنتا پارٹی (بی جے پی) حکومت کی پالیسیوں کی وجہ سے مسلسل مہنگائی بڑھ رہی ہے اور اس کا سب سے زیادہ خمیازہ ملک کے غریب اور عام لوگوں کو بھگتنا پڑ رہا ہے۔

مسٹر کھرگے نے سوشل میڈیا ایکس پر پیر کو لکھا کہ اگر وزیراعظم مودی الیکشن سے پہلے پٹرول و ڈیزل سمیت دیگر ضروری اشیاء کی قیمتیں بڑھاتے تو بی جے پی کو اس کا بڑا سیاسی نقصان اٹھانا پڑتا۔ اسی وجہ سے حکومت نے الیکشن تک تمام باتوں کو ملک سے چھپا کر رکھا لیکن الیکشن ختم ہوتے ہی قیمتوں میں اضافہ کر دیا۔ کانگریس صدر نے کہا کہ بی جے پی حکومت اور مسٹر مودی میں دوراندیشی کی کمی ہے اور ان کی حکومت کی پالیسیوں کی وجہ سے مسلسل مہنگائی بڑھ رہی ہے، جس سے غریبوں کو وہ ضروری چیزیں بھی نہیں مل پا رہی ہیں، جن کے وہ حقدار ہیں۔ انہوں نے کہا کہ کانگریس اس مسئلے کو نمایاں طور پر اٹھائے گی۔

یواین آئی۔ایف اے

دنیا

یو اے ای سمیت خطے کے کسی ملک سے دشمنی نہیں، پاکستان کی ثالثی میں بات چیت جاری ہے، ایرانی وزارتِ خارجہ

Published

2 hours ago

May 18, 2026

Online Desk

تہران، ترجمان ایرانی وزارتِ خارجہ اسماعیل بقائی نے واضح کیا ہے کہ متحدہ عرب امارات سمیت خطے کے کسی بھی ملک کے ساتھ ایران کی کوئی دشمنی نہیں ہے۔

تہران میں پریس کانفرنس سے خطاب کرتے ہوئے اسماعیل بقائی نے بتایا کہ پاکستانی ثالثی کے ذریعے بات چیت کا عمل آگے بڑھ رہا ہے، اور حالیہ ایرانی تجویز پر ایران اور امریکہ دونوں کی جانب سے اپنے اپنے کمنٹس دیے جا چکے ہیں۔ انہوں نے تفصیلات بتاتے ہوئے کہا کہ واشنگٹن کے ساتھ ہونے والے ان مذاکرات میں ایران کے بنیادی مطالبات میں بیرونی ممالک میں منجمد کیے گئے ایرانی فنڈز کی فوری واگزاری اور ملک پر عائد اقتصادی پابندیاں اٹھانا شامل ہیں۔

ترجمان وزارتِ خارجہ نے سخت لہجہ اختیار کرتے ہوئے کہا کہ ایران اپنے دشمن کو جواب دینا بخوبی جانتا ہے، اور اب امریکہ بھی یہ حقیقت تسلیم کر چکا ہے کہ وہ کھلی دھمکیوں اور اقتصادی دباؤ کے ذریعے ایران کو اپنے جائز حقوق کے حصول سے باز نہیں رکھ سکتا۔ انہوں نے اصرار کیا کہ موجودہ مرحلے پر ایران کی تمام تر توجہ جنگ کے مکمل خاتمے پر مرکوز ہے۔

اسماعیل بقائی نے مزید انکشاف کیا کہ ایرانی اور عمانی تکنیکی ٹیموں نے گزشتہ ہفتے ہی عمان میں ایک اہم ملاقات کی ہے، جس کے دوران دونوں ٹیموں نے آبنائے ہرمز میں محفوظ بحری آمد و رفت کے طریقہ کار پر تفصیلی تبادلہ خیال کیا۔ ان کا کہنا تھا کہ آبنائے ہرمز میکنزم کو فعال بنانے کے لیے تہران اس وقت عمان سمیت تمام متعلقہ فریقین کے ساتھ مسلسل رابطے میں ہے۔

یواین آئی۔ م س

دنیا

یو اے ای اسرائیلی سازشوں سے دور رہے، بحری ناکہ بندی ختم نہ ہوئی تو بحیرۂ عمان امریکی فوج کا قبرستان بن سکتا ہے: محسن رضائی

Published

2 hours ago

May 18, 2026

Online Desk

تہران، ایرانی سپریم لیڈر کے ملٹری سیکریٹری محسن رضائی نے متحدہ عرب امارات اور اسرائیل کے باہمی تعلقات پر انتہائی سخت ردعمل ظاہر کرتے ہوئے خبردار کیا ہے کہ تہران خطے میں ہونی والی تمام اسرائیلی سرگرمیوں کی باریک بینی سے مانیٹرنگ کر رہا ہے۔ اپنے ایک خصوصی بیان میں محسن رضائی نے کہا کہ تہران، متحدہ عرب امارات اور اسرائیل کے مابین قائم ہونے والے تعلقات اور ہر قسم کے روابط سے پوری طرح باخبر ہے۔

انہوں نے ابوظبی انتظامیہ کو متنبہ کرتے ہوئے کہا کہ امارات کو اسرائیل کی ریشہ دوانیوں اور سازشوں میں الجھنے سے باز رہنا چاہیے، اور یہ حقیقت بھی ذہن نشین رکھنی چاہیے کہ ایران کے صبر کی ایک حد ہے۔ تاہم، ایرانی عہدیدار نے یہ بھی واضح کیا کہ تمام تر شدید تحفظات کے باوجود تہران نے ابوظبی کے ساتھ برادرانہ تعلقات اور دوستی کے دروازے مستقل طور پر بند نہیں کیے۔

دوسری جانب، محسن رضائی نے امریکہ کو کڑے لہجے میں متبادل پیغام دیتے ہوئے کہا ہے کہ وہ ایرانی بندرگاہوں کا محاصرہ فوری طور پر ختم کرے، ورنہ بحیرۂ عمان امریکی فوج کا قبرستان بن سکتا ہے۔ ایرانی سرکاری ٹیلی ویژن سے گفتگو کرتے ہوئے انہوں نے امریکی بحری ناکہ بندی کو براہِ راست ایک جنگی اقدام قرار دیا اور کہا کہ اس جارحیت کا مقابلہ کرنا تہران کا قانونی اور دفاعی حق ہے۔ انہوں نے عالمی برادری کو مطلع کیا کہ ایران کی یہ بحری ناکہ بندی جتنی زیادہ طول پکڑے گی، اس کا خمیازہ اور نقصان دنیا کے دیگر ممالک کو بھی اتنا ہی زیادہ اٹھانا پڑے گا۔

ان کا مزید کہنا تھا کہ امریکہ کو اب زبانی جمع خرچ کے بجائے عملی طور پر یہ ثابت کرنا ہوگا کہ اس پر بھروسہ کیا جا سکتا ہے۔ محسن رضائی نے واضح کیا کہ اس وقت ایک طرف جہاں ہماری مسلح افواج کی انگلی ٹریگر پر ہے، تو دوسری طرف اسی کے ساتھ سفارت کاری کا عمل بھی متوازی طور پر جاری ہے۔

یواین آئی۔ م س