ویڈیو:نیوزی لینڈ دہشتگردانہ حملے میں بال بال بچے بنگلہ دیشی کرکٹر

Published

7 years ago

March 15, 2019

خبراردو:

نیوزی لینڈ کے کرائسٹ چرچ واقع مسجد میں جمعہ کی دوپہر جب شدت پسندوں نے مسلمانوں پر اندھا دھند فائرنگ کی، ٹھیک اسی وقت بنگلہ دیشی کرکٹ ٹیم بھی مسجد النور میں تھی۔ میڈیا ذرائع سے موصول ہونے والی خبروں کے مطابق ہیگلی پارک کے نزدیک اس مسجد میں بنگلہ دیش کرکٹ ٹیم کے سبھی اراکین داخل ہو رہے تھے جب اچانک گولی باری شروع ہو گئی۔ لیکن خوش قسمتی یہ رہی کہ وہ وہاں سے بحفاظت واپس ہوٹل تک پہنچا دیے گئے۔ حملے کی خبر ملتے ہی بنگلہ دیش میں ایک افرا تفری کا ماحول پیدا ہو گیا، لیکن بنگلہ دیش کرکٹ بورڈ اور کرکٹر تمیم اقبال نے ٹوئٹ کر کے یہ خبر دی کہ سبھی کھلاڑی محفوظ ہیں۔

میڈیا ذرائع کے مطابق جب مسجد میں گولی چلی تو بنگلہ دیش کرکٹ ٹیم کے سبھی اراکین حیران و ششدر رہ گئے اور انھیں کچھ سمجھ نہیں آیا۔ لیکن وہ سمجھداری کا مظاہرہ کرتے ہوئے الٹے پیر اپنے ہوٹل کی طرف واپس چلے آئے۔ بعد ازاں تمیم اقبال نے ٹوئٹ کر کے یہ جانکاری دی کہ ’’سرگرم شوٹرس سے پوری بنگلہ دیش ٹیم محفوظ ہے۔‘‘ ساتھ ہی انھوں نے یہ بھی لکھا کہ ’’یہ انتہائی خطرناک تجربہ رہا۔ برائے کرم آپ اپنی دعاؤں میں ہمیں یاد رکھیے۔‘‘

حملہ کے بعد بنگلہ دیش کرکٹ ٹیم نے بھی ٹوئٹ کے ذریعہ سبھی ٹیم اراکین کے محفوظ ہونے کی خبر دی۔ بورڈ کے آفیشیل ٹوئٹر ہینڈل سے لکھا گیا ہے کہ ’’کرائسٹ چرچ شہر میں شوٹنگ کے واقعات کے درمیان بنگلہ دیش کرکٹ ٹیم کے وہ سبھی اراکین جو کرائسٹ چرچ میں ہیں، حفاظت کے ساتھ ہوٹل میں واپس لوٹ گئے ہیں۔ بنگلہ دیش کرکٹ بورڈ سبھی کھلاڑیوں اور ٹیم مینجمنٹ کے ساتھ لگاتار رابطہ قائم کیے ہوئے ہے۔‘‘

اس درمیان بنگلہ دیش کرکٹ بورڈ کے ترجمان جلال یونس نے میڈیا سے بات چیت کرتے ہوئے کہا کہ ’’ٹیم کے زیادہ تر لوگ مسجد گئے تھے اور جب یہ واقعہ سرزد ہوا تو وہ اندر داخل ہونے ہی والے تھے۔‘‘ انھوں نے اے ایف پی کو بتایا کہ ٹیم کے رکن محفوظ ہیں لیکن ذہنی طور پر بہت پریشان ہیں۔ حالات کی سنگینی کو دیکھتے ہوئے بنگلہ دیش اور نیوزی لینڈ کے درمیان ہونے والے ہیگلی اوول ٹیسٹ کو کینسل کرنے کا بھی اعلان کر دیا گیا ہے۔

اس سلسلے میں نیوزی لینڈ کرکٹ بورڈ نے اپنے آفیشیل ٹوئٹر پر لکھا ہے کہ ’’دل کی گہرائیوں سے ان دوستوں اور خاندانوں کو خراج عقیدت جو کرائسٹ چرچ میں دردناک حالات میں متاثر ہوئے ہیں۔ اس واقعہ کے پیش نظر نیوزی لینڈ کرکٹ اور بنگلہ دیش کرکٹ بورڈ نے مشترکہ طور پر فیصلہ لیا ہے کہ ہیگلی اوول ٹیسٹ کو منسوخ کیا جائے۔‘‘

دنیا

ایران آبنائے ہرمز میں شپنگ کنٹرول سسٹم کا اعلان کرے گا: رکن پارلیمنٹ

Published

1 day ago

May 16, 2026

Online Desk

تہران، ایران نے اعلان کیا ہے کہ وہ جلد ہی آبنائے ہرمز (اسٹریٹ آف ہرمز) میں سمندری ٹریفک کو کنٹرول کرنے کے لیے ایک نئے نظام کا آغاز کرے گا۔

علاقائی کشیدگی اور سمندری سلامتی سے متعلق جاری تنازعات کے درمیان، سینئر ایرانی رکن پارلیمنٹ ابراہیم عزیزی نے اپنے سوشل میڈیا اکاؤنٹ پر یہ معلومات مشترک کی ہیں۔ پارلیمنٹ کے قومی سلامتی اور خارجہ پالیسی کمیشن کے سربراہ ابراہیم عزیزی نے ‘ایکس’ پر لکھا، “ایران نے اپنی قومی خودمختاری اور بین الاقوامی تجارتی سلامتی کی ضمانت کے تحت آبنائے ہرمز میں ایک طے شدہ راستے سے ٹریفک مینجمنٹ کے لیے ایک پیشہ ورانہ نظام تیار کر لیا ہے، جس کا جلد ہی اعلان کیا جائے گا۔”

انہوں نے مزید کہا کہ اس نئے نظام کے تحت صرف انہی تجارتی جہازوں اور فریقین کو آبنائے ہرمز پار کرنے کی اجازت ہوگی جو ایران کے ساتھ تعاون کر رہے ہیں۔ ایران اس اسکیم کے تحت فراہم کی جانے والی خصوصی خدمات کے لیے فیس (ٹیکس) بھی نافذ کرے گا۔

یواین آئی۔م س

جموں و کشمیر

پہلگام سڑک حادثے میں گجرات کے دو سیاح ہلاک، تین زخمی

Published

1 day ago

May 16, 2026

Online Desk

سری نگر، جنوبی کشمیر کے ضلع اننت ناگ کے پہلگام علاقے میں آرو ویلی روڈ پر ہفتہ کے روز ایک سیاحتی ٹیکسی حادثے کا شکار ہو گئی، جس کے نتیجے میں دو سیاح ہلاک جبکہ ڈرائیور سمیت تین افراد زخمی ہو گئے۔

حکام کے مطابق سیاحتی ٹیکسی بے قابو ہو کر سڑک سے پھسل کر ایک گہری کھائی میں جا گری۔

ہلاک ہونے والوں کی شناخت باوِن بھاوسر اور نینا کے طور پر ہوئی ہے، جو دونوں گجرات کے رہائشی تھے۔

زخمیوں میں اوِن بھاوسر، اشوک نینا، دونوں ساکنان گجرات اور ڈرائیور رئیس احمد بٹ، ساکن رنگورڈ پہلگام شامل ہیں۔ تمام زخمیوں کو علاج کے لیے گورنمنٹ میڈیکل کالج اننت ناگ منتقل کر دیا گیا ہے۔

پولیس نے واقعے کا نوٹس لیتے ہوئے پولیس اسٹیشن پہلگام میں ایف آئی آر نمبر 41/2026 درج کر لی ہے اور مزید تحقیقات جاری ہیں۔

یواین آئی۔ ظ ا

جموں و کشمیر

عمر عبداللہ حکومت نے بارہمولہ اور راجوری کے لیے 72 کروڑ روپے کے گندے پانی کے منصوبوں کی منظوری دے دی

Published

1 day ago

May 16, 2026

Online Desk

سری نگر، جموں و کشمیر حکومت نے بارہمولہ اور راجوری کے لیے استعمال شدہ پانی کے انتظام کے منصوبوں کو منظوری دے دی ہے، جن کی تخمینی لاگت بالترتیب 37.96 کروڑ روپے اور 34.43 کروڑ روپے ہے۔ ان منصوبوں کا مقصد دونوں شہری علاقوں میں صفائی ستھرائی کے بنیادی ڈھانچے کو مضبوط بنانا اور گندے پانی کے انتظام کے مسائل سے نمٹنا ہے۔ یہ بات ایک سرکاری ترجمان نے ہفتہ کو بتائی۔

عمر عبداللہ کی قیادت والی حکومت کی جانب سے منظور کیے گئے ان منصوبوں سے سیوریج کے سائنسی طریقے سے ٹھیک کرنے کو یقینی بنایا جائے گا، آبی ذخائر کو آلودگی سے بچایا جائے گا اور بارہمولہ و راجوری کے رہائشیوں کی صحت، صفائی اور مجموعی معیارِ زندگی میں نمایاں بہتری آئے گی۔

ہاؤسنگ و اربن ڈیولپمنٹ محکمہ نے سوچھ بھارت مشن (اربن) 2.0 کے کیپیکس جزو کے تحت میونسپل کونسل بارہمولہ اور میونسپل کونسل راجوری کے لیے استعمال شدہ پانی کے انتظام کے منصوبوں کی تفصیلی پروجیکٹ رپورٹس (ڈی پی آر) تیار کی ہیں۔

ان ڈی پی آرز کا تکنیکی جائزہ نیشنل انسٹی ٹیوٹ آف ٹیکنالوجی سری نگر نے لیا ہے۔ ان منصوبوں پر سیکوینشل بیچ ری ایکٹر (ایس بی آر) ٹیکنالوجی کے ذریعے عمل درآمد کیا جائے گا، جو ایک ہی مرحلے میں حیاتیاتی طریقے سے گندے پانی کے مؤثر علاج کی سہولت فراہم کرتی ہے۔

یہ منصوبے بارہمولہ اور راجوری میں صفائی کی سہولیات کو بہتر بنانے اور پائیدار گندے پانی کے علاج کے نظام قائم کرنے کے مقصد سے تیار کیے گئے ہیں۔ دونوں منصوبوں کو 18 ماہ کی مدت میں مکمل کرنے کا ہدف مقرر کیا گیا ہے۔

یواین آئی۔ ظ ا