2017 میں جب متحدہ عرب امارات کے ولیعہدشہزادہ محمد بن زائد آل نہیان نئی دلی میں اپنے جہازسے اترے تو وزیراعظم نریندر مودی نے پروٹوکول کو توڑتے ہوئے گرم جوشی کے ساتھ آگے بڑھ کر ان سے گلے ملے ۔دوسال بعد انہوں نے اسی طرح سعودی عرب کے ولیعہد شہزادہ محمد بن سلمان کا بھی خیر مقدم کیا ۔ یہ کوئی منفرد واقعات نہیں تھے بلکہ ان سے بھارت اور خلیجی ملکوں کے درمیان دنیا کی تبدیلی کا اظہار ہے ،جس کا خاکہ دوستی ، باہمی احترام اور اعتماد کی اعلیٰ سطح کا اظہار کرتا ہے ۔

تاریخی طورپر خلیجی ملکوں اور بھارت کے درمیان صدیوں پرانی بات چیت کا اظہار مشترکہ وراثت اور تہذیب سے ہوتا ہے جو عوام کی روز مرہ کی زندگی میں نمایاں طورپر پیوست ہے۔ اس حقیقت کے برعکس کہ مکہ اور مدینہ ، جو ہمارے بہت سے شہریوں کے لئے انتہائی مقدس مقامات ہیں، اس خطے میں واقع ہیں ، ہمارے اساطیری عقائد ، زبانیں ،مذاہب ، خوراک اورطرز تعمیر ایک دوسرے میں اس طرح پیوست ہیں کہ انہیں اب تک پوری طرح نہیں سمجھا گیا ہے یا ان کی تحقیق نہیں کی گئی ہے۔

البتہ آج کے تعلقا ت محض تاریخی سند سے بہت آگےبڑھ چکے ہیں۔حقیقت یہ ہے کہ یہ پچھلے پانچ برسوں میں جتنے آگے بڑھے ہیں ، اتنے اس سے پہلے کبھی نہیں بڑھے۔وزیر اعظم نریندر مودی کے ویژن کے تحت قیادت نے خلیج کے خطے کے ملکوں کے ساتھ اپنی ’’ مغرب نوا ز‘‘ پالیسی کے ذریعہ مستقل مزاجی کے ساتھ تعلقات کو مستحکم کیا گیا ہے۔ان ملکوں میں سے کچھ ملکوں کے ساتھ ہمارے تعلقات اسٹریٹجک ساجھیداری کی سطح تک پہنچ گئے ہیں جو باہمی تعلقات کے تئیں عہد بستگی سے اعلیٰ تر ہے او ر جس میں مختلف شعبوں میں باضابطہ اتحاد نہیں ہوتا اور اسٹریٹجک مذاکرات شامل ہوتے ہیں۔

نئی دلی اور ریاض نے ہمارے وزیراعظم اور سعودی ولیعہد کی سطح پر کلیدی ساجھیداری کونسل قائم کی ہے ۔ متحدہ عرب امارات نے بھی اعلیٰ سطح وزارتی گروپوں کی قیادت میں اعلیٰ سطح پر کلیدی تعلقا ت کوفروغ دیا ہے ۔جامع تجارتی تعلقات کے ساتھ ساتھ یعنی اشیا اور عوام ،دونوں سطح پر متعلقہ اعلیٰ لیڈروں کی ذاتی کوشش نے ان تعلقات کو موجودہ سطح تک پہنچادیا ہے۔
متحدہ عرب امارات اور سعودی عرب بالترتیب تیسرے اور چوتھے سب سے بڑے تجارتی ساجھیدار ہیں۔ہمارے باہمی اقتصادی تعلقات میں سرمایہ کاری میں اہم اضافہ ہوا ہے جس کے اعلانات میں توانائی ، تیل صاف کرنے ، پیٹروکیمکل ، بنیادی ڈھانچہ ، زراعت ، معدنیات اور کانکنی کے شعبوں میں ریاض کے ذریعہ 100 ارب ڈالر کی سرمایہ کاری شامل ہے۔ اس دوران متحدہ عرب امارات بھارت میں ایف ڈی آئی کی آمد کا دسواں سب سے بڑا وسیلہ ہے۔
خلیج کے خطے میں بڑی تعداد میں بھارت نژاد افراد کی موجودگی ، جو ایک تخمینے کے مطابق85 لاکھ بھارتیوں سے زیادہ ہے، ہمارے باہمی تعلقات کے لئے ایک اہم رابطہ کے طورپر کام کرتے ہیں۔

ایک طرف وہاں رہنے والے بھارتیوں کے ذریعہ بھیجی گئی رقم سے ،جو 2018 کے ایک اندازے کے مطابق 50 ارب ڈالر کے قریب ہے ، بھارت کو فائدہ ہوتا ہے ، تودوسری جانب خلیج کے ممالک تربیت یافتہ افرادی قوت سے فیض حاصل کررہے ہیں۔اس کے نتیجے میں جی سی سی ملکوں کے طریقہ کار میں بھارت نژادافراد کے ثقافتی اور سماجی طریقہ کار کودیکھتے ہوئے اہم تبدیلی ہوئی ہے۔مثال کے طور پر متحدہ عرب امارات میں ایک ہندومندرکی تعمیر کی اجازت اسی رجحان کی طرف اشارہ کرتی ہے۔

البتہ بھارت اور خلیجی ملکوں کے درمیان تجارت اور سرمایہ کاری کی بنیاد ہائیڈرو کاربن سیکٹر 20-2019 میں خطے کے ساتھ بھارت کی ہائیڈرو کاربن تجارت 62 ارب ڈالر تھی جو ہائیڈرو کاربن کی کل تجارت کا 36 فیصد ہے ۔

سعودی عرب اور یو اے ای بھارت میں اسٹریٹجک پٹرولیم ریزرو ( ایس پی آر ) پروگرام کے اگلے مرحلے میں ہمارے ساجھیدار ہوسکتے ہیں۔ اس کے علاوہ وزیر اعظم نریندر مودی کے متحدہ عرب امارات کے دورے کے دوران ایک تاریخی سمجھوتے میں بھارت کی تیل کمپنیوں کے ایک کنسورشئیم کو ابوذہبی کے سمندر میں بنے نشیبی زکوم میں 10فیصد کی ساجھیداری فراہم کی ہے.

اگست 2015 میں وزیر اعظم نریندر مودی متحدہ عرب امارات کا دورہ کرنے والے پہلے بھارتی وزیر اعظم تھے ،جس کے بعد انہوں نے 2018 اور 2019 میں بھی دورہ کیا ۔ اپنے آخری دورے کے دوران انہیں دونوں ملکوں کے درمیان تعلقات کو بہتر بنانے کے صلے میں متحدہ عرب امارات کے اعلیٰ ترین سول ایوارڈ ’’ آرڈر آف زائد ‘‘ سے نوازا گیا۔ تین سال پہلے انہیں سعودی عرب کے شاہ عبدالعزیز ساش ایوارڈ سے نوازا گیا اور 2019 میں بحرین کے تیسرے سب سے بڑ ے سول اعزاز ’’کنگ حماد آر ڈر آف رینیساں ‘‘ سے نوازا گیا۔وزیر اعظم نریندر مودی نے خلیج کے خطے کی قوتوں کے ساتھ اعلیٰ تعلقات کو ترجیح دیتے ہوئے سعودی عرب ، قطر ،عمان ،ایران اور بحرین کے دورے کئے جس کے بعد خلیج کی اہم شخصیات نے بھی نئی دلی کے دورے کئے ۔

جب خلیج کے خطے کے عظیم لیڈروں میں سے ایک ، کویت کے امیر شیخ صباح الاحمد الجابر الصباح کاستمبر میں انتقال ہوا تو بھارتی حکومت نے پورے ملک میں ایک دن کے سرکاری سوگ کا اعلان کیا ۔اس جذبے کی کویت میں زبردست ستائش کی گئی۔
اعلیٰ قیادت کے درمیان یہ ذاتی تعلقات بحران کے دوران ، جبکہ کووڈ-19 عالمی وبا نے پوری دنیا کو اپنی لپیٹ میں لے لیا ، بہت مفید ثابت ہوئے ہیں۔

بھارت نے کسی رکاوٹ کے بغیر ادویات ، خوراک اور دیگر ضروری اشیا کی خلیجی خطے میں سپلائی کو یقینی بنایا اور ان کےشہریوں کی حفظان صحت کی ضرورتوں کو پورا کرنے کی خاطر لاک ڈاؤن کےدوران کئی خلیجی ملکوںمیں تقریباََ 6 ہزار بھارتی صحت کے ماہرین کو تعینات کیا۔اپریل 2020 میں بھارت نے کویت میں عالمی وبا سے نمٹنے کے لئے صلاحیت سازی اور اپنے تجربے سے فیض پہنچانے کی خاطر 15رکنی ریپڈ ریسپانس ٹیم بھیجی تھی ۔ بھارت ایک عالمی فارمیسی کے طورپر ابھرا ہے جس نے خلیجی خطے کی ضروریات کو بھی پورا کیا ہے۔ اس کے بدلے میں متحدہ عرب امارات نے عالمی وبا کےدوران وزیر اعظم کے ذریعہ خط افلاس سے نیچے کے کنبوںکو مفت گیس کے سلنڈر بھروانے کی وزیر اعظم کی نئی اسکیم کے لئے ایل پی جی کی فوری ضرور ت کو پورا کرنے میں مدد دی ۔پچھلے چند مہینوں میں تمام خلیجی ملکوں نے اپنے ملک میں بھارتیوں کی زبردست دیکھ بھال کی اور ان لوگوں کو جو وبا کے پیش نظر اپنے وطن واپس آنا چاہتے تھے، ان کی واپسی کو یقینی بنایا۔

خلیج کا خطہ بھارت کے لئے توانائی کی کفالت کے لئے ایک بھروسے مند ساجھیدار ہے، جبکہ بھارت خطے میں خوراک کی فراہمی میں اضافہ کررہا ہے ۔ البتہ ہمارے تعلقات محض اقدار میں تبدیلی کے اظہار سے کافی آگے جاچکے ہیں۔ وزیر اعظم مودی اور خلیج کی قیادت ان تہذیبی رابطوں کو پھر سے مرتب کررہے ہیں ، جو گزرتے ہوئے وقت کے ساتھ زنگ آلودہوگئے تھے۔