سری نگر، جموں و کشمیر میں 3 جولائی سے شروع ہونے والی سالانہ شری امرناتھ یاترا کے پیشِ نظر سیکیورٹی کو یقینی بنانے اور ٹریفک کے نظام کو چست درست رکھنے کے لیے سری نگر اور مشہور سیاحتی مقام گلمرگ کے درمیان شام 5:00 بجے کے بعد سیاحتی گاڑیوں کی نقل و حرکت پر سخت پابندیاں عائد کر دی گئی ہیں۔

پولیس نے گلمرگ جانے کا ارادہ رکھنے والے تمام ملکی و غیر ملکی سیاحوں اور مسافروں کو ہدایت کی ہے کہ وہ ٹریفک ہیڈ کوارٹرز اور ریجنل پولیس ہیڈ کوارٹرز کشمیر کی جانب سے جاری کردہ ٹریفک ایڈوائزری پر سختی سے عمل کریں جموں و کشمیر پولیس کی ایڈوائزری کے مطابق، شام 5:00 بجے کے بعد کسی بھی سیاحتی گاڑی کو گلمرگ سے سری نگر جانے کی اجازت نہیں ہوگی۔ اسی طرح، شام 5:00 بجے کے بعد کسی بھی سیاحتی گاڑی کو سری نگر سے گلمرگ کی طرف بڑھنے کی اجازت نہیں دی جائے گی۔

پولیس حکام کا کہنا ہے کہ یہ سفری پابندیاں امرناتھ یاترا کے پورے سیزن (مقررہ مدت) کے دوران نافذ العمل رہیں گی۔ تمام سیاحوں کو مشورہ دیا گیا ہے کہ وہ اپنے سفر کی منصوبہ بندی وقت سے پہلے کریں اور مقررہ وقت کے اندر اپنی آمد اور واپسی کا سفر مکمل کریں۔بارہمولہ پولیس کے مطابق، ان اقدامات کا مقصد یاترا کے قافلوں کی بلا رکاوٹ آمد و رفت کو یقینی بنانا، ٹریفک کو کنٹرول کرنا اور عوامی تحفظ کو برقرار رکھنا ہے۔

پولیس نے اپنے بیان میں کہا”ان ضروری پابندیوں کی وجہ سے مقامی لوگوں اور سیاحوں کو ہونے والی کسی بھی قسم کی زحمت کے لیے ہمیں دلی افسوس ہے، لیکن شاہراہ کا استعمال کرنے والے تمام افراد کی حفاظت اور سلامتی کے وسیع تر مفاد میں ہم سب کے تعاون کی امید کرتے ہیں۔

یواین آئی ۔م ا ع

واشنگٹن، امریکی وزیر خارجہ مارکو روبیو اور صدر ٹرمپ کے خصوصی ایلچی اسٹیو وٹکوف نے ایران سے ہونے والی مفاہمتی یادداشت پر امریکی ایوانِ نمائندگان کے ارکان کو بریفنگ دی۔

امریکی میڈیا کے مطابق ارکانِ کانگریس نے ایران کے جوہری ذخیرے اور ایرانی تیل پر عائد پابندیاں اٹھانے سے متعلق سوالات کیے۔ روبیو اور وٹکوف نے کہا کہ امریکہ کا مقصد ایک ایسا حتمی معاہدہ کرنا ہے جس کے تحت ایران کو اعلیٰ افزودہ یورینیئم رکھنے کی اجازت نہیں ہو گی، جبکہ مفاہمتی یادداشت اسی مقصد کے لیے مذاکرات کا آغاز ہے۔

انہوں نے بتایا کہ جوہری مذاکرات میں شامل تکنیکی ٹیمیں آئندہ بات چیت کے لیے قطر جائیں گی۔ امریکی حکام نے قانون سازوں کو یقین دہانی کروائی کہ آبنائے ہرمز کی صورتِ حال بہتر ہو رہی ہے اور مفاہمتی یادداشت کے تحت ایران کو اب تک کسی قسم کی مالی ادائیگی، خصوصاً امریکی ذرائع سے نہیں کی گئی۔

رپورٹ کے مطابق ایرانی تیل پر پابندیاں اٹھانے کے معاملے پر ایک ڈیموکریٹ رکن اور امریکی حکام کے درمیان تلخ جملوں کا تبادلہ ہوا، جس کے بعد بریفنگ کا اختتام کر دیا گیا۔

یو این آئی۔ ع ا۔

تہران، ایرانی وزیرِ خارجہ عباس عراقچی اور فرانسیسی وزیرِ خارجہ جین نول بیروٹ کے درمیان ٹیلیفونک رابطہ ہوا ہے۔

عباس عراقچی اور جین نول بیروٹ نے گفتگو کے دوران امریکہ اور ایران کے درمیان مفاہمتی یادداشت سے متعلق تازہ ترین علاقائی اور بین الاقوامی پیش رفت کا جائزہ لیا۔

قطر اور ایران کے وزرائے دفاع کا رابطہ، خطے کی سیکیورٹی صورتحال پر مشاورت ایرانی میڈیا کے مطابق دونوں وزرائے خارجہ نے مفاہمتی یادداشت کے مختلف پہلوؤں پر تبادلۂ خیال کیا اور اس حوالے سے موجودہ صورتِ حال پر گفتگو کی۔

یو این آئی۔ ع ا۔