اقوام متحدہ، اقوام متحدہ کےسکریٹری جنرل انتونیو گوٹرس نے کہا ہے کہ ہم امریکہ کی طرف سے، ایران کے ساتھ جنگ بندی میں توسیع کے، اعلان کا خیرمقدم کرتے ہیں۔

اقوام متحدہ سکریٹری جنرل دفتر کے ترجمان اسٹیفن دوجارک کے کل بروز منگل جاری کردہ بیان کے مطابق گوٹیرس نے کہا ہے کہ”یہ قدم، کشیدگی میں کمی اور ایران۔امریکہ باہمی سفارتکاری و بحالی اعتماد کے لئے سہولت کی فراہمی کی جانب ایک اہم قدم ہے”۔ دوجارک نے کہا ہے کہ اقوام متحدہ تمام فریقین کو جنگ بندی کو کمزور کرنے والی کاروائیوں سے گریز کی اور ‘کسی پائیدار حل تک پہنچنے کے لئے’ تعمیری انداز میں مذاکرات میں حصہ لینے کی ترغیب دیتا ہے۔

انہوں نے کہا ہےکہ گوٹیرس، پاکستان کی ان کوششوں کی مکمل حمایت کرتے ہیں جو جاری گفت و شنید میں سہولت پیدا کرنے کی خاطر کی جا رہی ہیں۔ امید ہے کہ یہ سفارتی کوششیں تنازعے کے “جامع اور دیرپا حل” کے لیے درکار شرائط کی تشکیل میں مدد کریں گی۔ یہ بیان ، امریکہ کے صدر ڈونلڈ ٹرمپ کے جاری کردہ اور جنگ بندی دورانیے میں توسیع پر مبنی، بیان کے بعد سامنے آیا ہے۔

ٹرمپ نے ٹروتھ سوشل سے جاری کردہ بیان میں کہا تھا کہ ” ایران حکومت کے سنگین داخلی انتشار کی بنیاد پر کہ جو کوئی غیر متوقع بات نہیں ہے اور پاکستان کے فیلڈ مارشل عاصم منیر اور وزیر اعظم شہباز شریف کی وساطت سے ہم سے ایران پر حملے کو فی الحال روکے رکھنے کی درخواست کی گئی ہے۔ اس التوا کا مقصد ایران کے سربراہان اور نمائندوں کو ایک متفقہ تجویز تک پہنچنے کے لئے مہلت دینا ہے”۔ ٹرپ نے یہ اعلان ، نائب صدر جے ڈی وینس کی زیرِ قیادت امریکی وفد کی بروز منگل اسلام آباد روانگی سے قبل کیا اور اس کے بعد دورہ مؤخر ہوگیا تھا۔

یہ مذاکرات رواں مہینے کے آغاز میں پاکستان میں منعقدہ اور غیر کسی پیش رفت کے ختم ہونے والے اعلیٰ سطحی مذاکراتی دور کا دوسرا مرحلہ تھے ۔ اس ماہ کے شروع میں اعلان کی گئی جنگ بندی کی مہلت بھی بدھ کو ختم ہونے والی تھی۔

یو این آئی۔ ع ا۔

واشنگٹن، امریکی وزیر خزانہ نے خبردار کیا ہے کہ ایسے تمام افراد یا جہاز جو ایران کے مالی یا تیل کی تجارت کے نیٹ ورکس کو سہولت فراہم کرنے میں ملوث ہوں انہیں امریکی پابندیوں کا سامنا کرنا پڑ سکتا ہے ۔

وزیر خزانہ اسکاٹ بیسنٹ نے بدھ کے روز کہا کہ امریکہ ایران کی بندرگاہوں کی بحری ناکہ بندی جاری اور ملک کی تیل پر مبنی معیشت کو مفلوج کرنے کے لیے مالی دباؤ میں اضافہ کرے گا۔ انہوں نے ایکس پر کہا کہ چند ہی دنوں میں خارگ جزیرے کی ذخیرہ گاہ بھر جائے گی، اور ایران کے تیل کے کنویں بند ہو جائیں گے۔ ایران کی سمندری تجارت کو محدود کرنا براہِ راست حکومت کی بنیادی آمدنی کے ذرائع کو نشانہ بناتا ہے،” ۔

انہوں نے لکھا کہ کوئی بھی شخص یا جہاز جو خفیہ تجارت اور مالیاتی ذرائع کے ذریعے اسے سہولت دیتا ہے وہ امریکی پابندیوں کے خطرے سے دوچار ہوگا۔ ہم ایران کے عوام کی جانب سے بدعنوان قیادت کی طرف سے چرائے گئے فنڈز کو منجمد کرتے رہیں گے ۔ منگل کے روز تیل کی قیمتوں میں شدید اتار چڑھاؤ دیکھا گیا جب صدر ڈونلڈ ٹرمپ نے اعلان کیا کہ ایران کے ساتھ دو ہفتوں کی جنگ بندی میں توسیع کی جائے گی جبکہ واشنگٹن اپنی بحری ناکہ بندی برقرار رکھے گا۔ پاکستان نے 11-12 اپریل کو امریکہ اور ایران کے درمیان مذاکرات کی میزبانی کی، جب اس نے 8 اپریل کو دو ہفتوں کی جنگ بندی کرانے میں کردار ادا کیا تھا۔ مذاکرات کے ایک اور دور کے لیے کوششیں جاری ہیں، تاہم غیر یقینی صورتحال برقرار ہے۔

یو این آئی۔ ع ا۔

نئی دہلی، پہلگام دہشت گردانہ حملے کی پہلی برسی پر وزیر اعظم نریندر مودی نے اس المناک واقعہ میں جان گنوانے والوں کو یاد کیا اور سوگوار خاندانوں سے تعزیت کا اظہار کیا ہے مسٹر مودی نے سوشل میڈیا ایکس پر لکھا، “گزشتہ سال آج ہی کے دن پہلگام میں خوفناک دہشت گردانہ حملے میں جان گنوانے والے معصوم لوگوں کو ہم یاد کرتے ہیں۔ انہیں کبھی فراموش نہیں کیا جائے گا۔ میری تعزیت ان سوگوار خاندانوں کے ساتھ ہے جو اس بے پناہ نقصان کا سامنا کررہے ہیں۔”

انہوں نے کہا، “بطور قوم، ہم اس غم اور عزم کی گھڑی میں متحد ہیں۔ ہندوستان کسی بھی شکل میں دہشت گردی کے سامنے کبھی نہیں جھکے گا۔ دہشت گردوں کے مذموم عزائم کبھی کامیاب نہیں ہوں گے۔”

قابل ذکر ہے کہ 22 اپریل 2025 کو ہی دہشت گردوں نے جموں و کشمیر کے پہلگام میں وادی بیسرن میں گھومنے آئے سیاحوں پر اچانک اندھا دھند فائرنگ کردی تھی۔ اس حملے میں 26 بے گناہ لوگوں کی جانیں گئیں۔ اس دوران دہشت گردوں نے لوگوں سے ان کا نام اور مذہب پوچھ کر، خواتین اور بچوں کے سامنے ہی انہیں گولی مار دی۔ اس کے بعد ہندستانی فوج نے آپریشن سندور کے تحت پاکستان میں دہشت گردوں کے 9 ٹھکانے تباہ کر دیئے تھے۔

یواین آئی۔الف الف