خبر اردو :
مشترکہ مزاحمتی قیادت نے آرٹیکل 35Aکے حوالے سے احتجاجی پروگرام کو جاری رکھنے کا اعلان کرتے ہوئے بتایا کہ ریاست جموں کشمیر کے مستقل اور پشتینی باشندگی سے متعلق قانون کی شنوائی سپریم کورٹ نے27اگست تک موخر کردی ہے جب شری امرناتھ یاترا مکمل ہوجاتی ہے لہٰذا اس قانون میں کسی چھیڑ چھاڑ کے خلاف احتجاجی پروگرام جاری رہے گا اور مشترکہ قیادت اس پر صلاح مشورہ کریگی۔

سید علی گیلانی، میرواعظ عمر فاروق اور محمد یاسین ملک پر مشتمل مشترکہ مزاحمتی قیادت نے کہا ہے چونکہ ریاست جموں کشمیر کے مستقل اور پشتینی باشندگی سے متعلق قانون کی شنوائی ہندوستان کی سپریم کورٹ نے اگست کے آخری ہفتے تک صرف موخر کردی ہے جب شری امرناتھ یاترا مکمل ہوجاتی ہے لہذا اس قانون میں کسی چھیڑ چھاڑ کے خلاف احتجاجی پروگرام جاری رہیگا جیسا کہ مشترکہ قیادت اس پر صلاح مشورہ کریگی۔ مشترکہ قیادت نے کہا ہے کہ مذکورہ کیس کی شنوائی صرف چند ہفتوں کیلئے موخر کرنے سے عدالت کے اداروں کا عندیہ ملتا ہے جس میں آر ایس ایس کی پشت پناہی والی ان درخواستوں کو سماعت کیلئے منظور کیا ہے اور یہ آر ایس ایس کا کشمیر سے متعلق جانا پہچانا ایجنڈا ہے۔
انہوں نے کہا ہے کہ وہ اس پورے معاملے پر گہری نظر رکھے ہوئے ہیں اور سماج کے تمام طبقوں بشمول تاجر برادری ، وکلا، ممبران سیول سوسائٹی، ٹرانسپوٹرس وغیرہ کیساتھ مشاورت کے بعد ایک متحدہ حکمت عملی واضح کرکے اس پر عمل کیا جائیگا۔ مشترکہ قیادت نے جموں کشمیر کے مختلف خطوں اور مذاہب سے تعلق رکھنے والے جملہ عوام کے اس قانون کے بچاؤ کے خاطر مکمل اتحاد ، یکجہتی اور بلند حوصلے کے اظہار کی سراہنا کی ہے کیونکہ یہ قانون ہم سب کے بحیثیت قوم کے بقاء کیلئے بنیادی اہمیت کا حامل ہے۔

مشترکہ قیادت نے کہا ہے کہ یہ قانون ریاست جموں کشمیر کی متنازعہ حیثیت کیساتھ برائے راست وابستہ ہے کیونکہ ریاست کے عوام استعمالِ حق خود ارادیت ابھی باقی ہے اور اقوام متحدہ نے ریاست کے عوام کو بحثیت قوم کے اپنا مستقبل طے کرنے کیلئے اس حق کی گارنٹی دی ہے۔مستقل باشندگی کے قانون کو ختم کرنے کی شرارت آمیز کوشش کے پیچھے ریاست جموں کشمیر میں غیر ریاستی باشندوں کو بسا کرکے یہاں کے آبدی کے تناسب بگاڑنے کا مقصد کار فرما ہے تاکہ اس تنازعہ کی ہیت و حیثیت کو تبدیل کیا جاسکے۔ مشترکہ قیادت نے کہا ہے کہ جموں کشمیر کے عوام نے ایک زبان ہو کر نئی دہلی کو یہ واضح پیغام بھیجا ہے کہ وہ ان کیخلاف رچائی جارہی ان سازشوں کو کبھی کامیاب نہیں ہونے دینگے۔ یہاں پائی جانے والی موجودہ صورتحال جس میں ریاست کے عوام کا وجود ہی خطر ہ سے دوچار ہے پر اظہار خیال کرتے ہوئے مشترکہ قیادت نے کہا ہے کہ گذشتہ70 برسوں خاص کر گذشتہ 30 برسوں سے جموں کشمیر کے عوام ان پر اُس وقت کی ہند نواز کشمیری قیادت کی طرف سے ٹھونسے گئے ہندوستان کیساتھ مشروط الحاق کا خمیازہ بھگت رہے ہیں اور اس کے بعد مختلف مواقعہ پر کشمیر کی تمام ہند نواز جماعتوں نے مشروط الحاق کو نئی دہلی کی منشاء کے مطابق بنانے میں بحثیت اعلیٰ کار ان کا ساتھ دیا اور محض اقتدار کیلئے الحاق کی شرتوں کو کوکھلا کرنے کے جرم میں شامل رہیں۔

اب صورتحال یہ ہے کہ ہمارا وجود ہی خطرے میں پڑح گیا ہے اور ہم سب کو اس کے بچاؤ کے لئے سڑکوں پر آکر کسی بھی قربانی کیلئے تیار رہنا ہوگا۔ مشترکہ قیادت نے کہا ہے کہ قیادت اور عوام یہ جاننا چاہتے ہے کہ کیا ہندونواز جماعتوں کا یہی Vision تھا کہ کشمیری عوام آج اس صورتحال کا سامنا کررہے ہیں ؟ ان تمام جماعتوں نے جو سودا بازی کی اس کی عوام کو بھاری قیمت چکانا پڑی اور پڑھ رہی ہے۔ ان کی اقتدار کی لالچ اور ان کی نا اہلیت کی وجہ سے ہم آج ایک ایسی صورتحال کے روبہ رو ہے جس میں مجبوراً ریاست کے باشندوں کو سڑکوں پر نکل جان کی بازی لگا کر اپنے وجود کا تحفظ کرنا پڑرہا ہے ۔مشترکہ قیادت نے کہا ہے کہ گذشتہ 70 برس سے جاری جارحیت کے خلاف غیور کشمیری عوام نے جس طرح مزاحمت کی اس بار بھی موجودہ جارحیت کی بھرپور مذاحمت کرینگے۔ انہوں نے کہا کہ جموں کشمیر کے عوام اور قیادت اپنے شناخت اورکسی حتمی حل تک اس ریاست کی متنازعہ حیثیت کو تبدیل کرنے کی کوششوں کی بھر پور مزاحمت کرینگے اور اس کیلئے اپنی جان دینے اور عوامی سطح پر ایک بھر پور سیاسی تحریک چلانے کیلئے تیار ہے۔
انہوں نے کہ عوام اور خاص کر نوجوانوں کی طرف سے تحریک کیلئے دی گئی قربانیاں اتنی بیش بہا ہے کہ کوئی ان کو نظر انداز نہیں کرسکتا۔KNS