خبر اردو :
کئی گھنٹوں تک جاری رہنے والی بارشوں نے حکومت کے بلند بانگ دعوؤں کی پول کھول کر رکھ دی۔ ادھر شہر سرینگر میں ناکارہ ڈرینج سسٹم کے نتیجے میں بارشوں کا پانی جمع ہونے کے نتیجے میں عام زندگی مفلوج ہوکر رہ گئی ۔ذرائع سے معلوم ہوا ہے کہ ضلع سرینگر میں صرف 37فیصدی حصے میں ڈرینیج سسٹم کارگر ہیں ۔ ذرائع نے بتایا کہ شہر سرینگر میں 500ڈرینیج کی تعمیر کا کام ہاتھ میں لیا گیا تھا تاہم رقومات کی کمی کے باعث ان اسکیموں پر مکمل نہ کیا جاسکا، کئی گھنٹوں تک جاری رہنے والی بارشوں نے حکومت اور انتظامیہ کے بلند بانگ دعوؤں کی قلعی کھول کر رکھ دی ہے جس دوران شہر سرینگر کے بیشتر علاقے ناکارہ ڈرینج سسٹم کے نتیجے میں زیر آب آگئے ہیں جس کے نتیجے میں لوگوں کو عبورومرور میں کافی مشکلات کا سامنا کرنا پڑا۔

کے این ایس سٹی رپورٹر کے مطابق منگلوار کی صبح سے جاری بارشوں کے نتیجے میں شہر سرینگر کے متعددعلاقے زیر آب آگئے ہیں جس کے نتیجے میں شہر کے گلی، کوچے اور اندرون رابطہ سڑکیں سمندر کا منظر بیان کررہی ہیں۔ نمائندے نے بتایا کہ کئی گھنٹوں تک جاری رہنے والی بارشوں نے انتظامیہ کے بلند بانگ دعوؤں کی پول کھول دی جس دوران شہر کے قلب لعل چوک، ایم اے روڑ، ریذیڈنسی روڑ، گھونی کھن میں عام راہ گیروں کو چلنے پھرنے کے دوران سخت مشکلات کا سامنا کرنا پڑا۔ انہوں نے بتایا کہ اس دوران ناکارہ ڈرینج سسٹم کی وجہ سے ان علاقوں میں سڑکیں سمندری منظر بیان کررہے تھے جس دوران یہاں منگلوار کو گھنٹوں تک ٹریفک جام کے مناظر دیکھے گئے۔ نمائندے نے بتایا کہ شہر میں پانی کی ناقص نکاسی کے ہوتے ہوئے منگلوار کو سڑکوں پر چھوٹی گاڑیاں کم ہی دیکھی گئی تاہم متعدد علاقوں میں سڑک کو پار کرنے کی غرض سے راہ گیروں نے آٹو رکشھاؤں کی خدمات حاصل کیں۔ شہر کے مختلف علاقوں سے لوگوں نے کشمیر نیوز سروس کو بتایا کہ بارشوں کے بعد سیلابی صورتحال کی اصل وجہ یہاں کی ناقص ڈرینیج سسٹم ہے جسے غیر تجربہ کار افراد کے ذریعے عملایا گیا ہے۔ نمائندے کے مطابق منگلوار دن بھر شہر کے ہری سنگھ ہائی اسٹریٹ، نور باغ، ایم اے روڑ، ریذیڈنسی روڑ، مگرمل باغ، گھنٹہ گھر، سمندر باغ علاقوں میں سڑکیں ندی نالوں کا منظر بیان کررہی تھی جس دوران یہاں راہ گیروں کو سخت ذہنی کوفت اُٹھانی پڑی۔

سرینگر میونسپل کارپوریشن کے اعلیٰ اہلکار نے کشمیرنیوز سروس کو نام مخفی رکھنے کی شرط پر بتایا کہ تھوڑی سی بارشوں کے بعد سیلابی صورتحال پیدا ہونے کی بنیادی وجہ شہر میں ناقص ڈرینج سسٹم کا ہونا ہے۔انہوں نے بتایا کہ شہر کے متعدد علاقوں میں تھوڑی سے جہاں سیلابی صورتحال درپیش رہتی ہے کی بنیادی وجہ ناقص ڈرینیج سسٹم اور غیر منصوبہ بند طریقے سے تعمیرات کا ہونا ہے۔ایس ایم سی اہلکار نے بتایا کہ ضلع سرینگر میں صرف 37فیصد حصے میں ڈرنیج سسٹم کارگر ہیں جہاں کبھی بھی اس قسم کا خطرہ لاحق نہیں رہتا تاہم انہوں نے بتایا کہ محکمہ سے وابستہ اہلکار کام پر لگے ہوئے ہیں جو جمع ہوئے پانی کو علاقوں سے منتقل کرنے میں لگی ہوئی ہے۔انہوں نے واضح کیا کہ ریاستی حکومت نے گزشتہ برسوں سے مختلف ڈرینیج اسکیموں کو دردست لیا تاہم ان میں سے بیشتر رقومات کی کمی اور محکمہ جات کے آپسی تال میل کی بنیاد پر مکمل نہ کیا جاسکا۔ انہوں نے بتایا کہ آر اینڈ بی محکمہ مختلف علاقوں میں تعمیرات کا کام کررہی ہے تاہم محکمہ تعمیرات کے دوران ڈرینیج سسٹم کی یقینی کو بالکل نظر انداز کردیتی ہے جس کا خمیازہ بعد میں عام لوگوں کو اُٹھانا پڑتا ہے۔یاد رہے 2014کے تباہ کن سیلاب نے شہر سرینگر کا ڈرینیج سسٹم مکمل طور پر ناکارہ بنادیا تھا تاہم مکانات و شہری ترقی کا محکمہ شہر کے ڈرینیج سسٹم کو بحال کرنے میں ناکام ہو ا۔ ادھر عالمی بنک نے 2014کے سیلاب سے متاثر ڈرینیج سسٹم کو بحال کرنے میں اپنامالی تعاون پیش کرنے کی حامی بھر لی تھی۔ ادھر محکمہ مکانات و شہری ترقی کے ایک سینئر اہلکار نے بتایا کہ شہر سرینگر میں عالمی بنک نے 42پانی کے نکاسی کے اسٹیشن کی تعمیر پر تخمینہ رقم کو واگزار کرنے میں حامی بھری تھی۔
انہوں نے بتا یا گزشتہ برسوں کے دوران شہر سرینگر میں 500ڈرینیج کی تعمیر کا کام ہاتھ میں لیا گیا تھا تاہم رقومات کی کمی کے باعث ان اسکیموں پر مکمل نہ کیا جاسکا۔ KNS