عراق: داعش کے حملے میں 10 اہل کار ہلاک

Published

6 years ago

May 3, 2020

عراق میں ہفتے کے روز نامہ نگار وائن لی کے مطابق اسلامک اسٹیٹ یا داعیش کے جنگجوؤں نے ایک مربوط حملے میں ایک عراقی نیم فوجی تنظیم کے دس اہل کاروں کو وسطی شہر سامرہ کے قریب ہلاک کر دیا۔

یہ آئی ایس کے خوابیدہ سیل کی جانب سے مہینوں کے دوران ہونے والا مہلک ترین حملہ تھا۔ جس کا سلسلہ انہوں نے ملک کے شمالی اور مغربی حصوں میں عراقی سیکیورٹی فورسز پر ‘حملہ کرو اور بھاگ جاؤ’ کی حکمت عملی کے تحت شروع کر رکھا ہے۔

خیال رہے کہ سامرہ شیعہ مسلک کے لحاظ سے ایک انتہائی متبرک شہر ہے اور یہ ماضی میں بھی جب عراق میں آئی ایس کا زور تھا اکثر ان کے حملوں کے اندیشوں کے سبب بند رکھا گیا۔

گزشتہ ہفتے اسلامک اسٹیٹ یعنی آئی ایس نے کرکوک کے ایک انٹیلی جینس آفس کے باہر خود کش حملے کی ذمہ داری کا دعوی کیا تھا جس میں چار افراد زخمی ہوئے تھے۔ قبل ازیں شام اور افغانستان وغیرہ میں بھی آئی ایس کی جانب سے حملے ہوتے رہے ہیں۔ اور آئی ایس کی ان سرگرمیوں سے اب یہ تشویش بڑھ رہی ہے کہ کیا یہ جہادی گروپ دوبارہ سرگرم ہو رہا ہے۔ اور ایک بار پھر خطرہ بن رہا ہے۔

خیال رہے کہ ایک زمانے میں اسلامک اسٹیٹ کا عراق کے ایک تہائی حصے پر اور پڑوسی ملک شام کے بھی اچھے خاصے حصے پر کنٹرول تھا۔ اور تین سال کی فوجی کارروائیوں کے بعد عراق نے 2017 میں آئی ایس پر اپنی مکمل فتح کا اعلان کیا تھا۔

دہشت گردی کے امور کے ایک ماہر میری ٹائم اسٹڈی فورم کے سلمان جاوید نے اس حوالے سے وائس آف امریکہ سے بات کرتے ہوئے کہا کہ افغانستان میں خاص طور سے اس کا اثر اس لئے بڑھ رہا ہے کہ ٹی ٹی پی یا جماعت آل احرار جیسے گروپ جن کو پاکستان سے نکالا گیا وہ ایک نئی شناخت یا نیا بریںڈ نیم حاصل کرنے کے لئے اس کی صفوں میں جا رہے ہیں۔ اور جس طرح سے انہیں وہاں استعمال کیا جا رہا اس سے صاف پتہ چلتا ہے کہ ان کی پشت پر کوئی تیسرا فریق ہے جس کا مقصد طالبان اور امریکہ کے درمیان ہونے ہونے والے معاہدے کو برباد کرنا اور ایسی صورت حال پیدا کرنا ہے کہ وہاں امن قائم نہ ہونے پائے۔

سلمان جاوید کا کہنا تھا کہ اس حوالے سے مغربی ممالک کے بعض تجزیہ کاروں کو بھی تشویش ہے اور انہوں نے اس سلسلے میں دو مغربی جریدوں کے مضامین کا حوالہ بھی دیا جس میں بقول ان کے ایک ملک کی انٹیلی جینس ایجنسی کا نام بھی لیا گیا ہے۔

انہوں نے کہا کہ عراق میں اس وقت آئی ایس کو کوئی بڑی کامیابی ہوتی نظر نہیں آتی اور پاکستان میں بھی اس کے تمام سیل بڑی کامیابی سے ختم کر دیے گئے ہیں۔ البتہ شام میں جو صورت حال ہے، اس کے پیش نظر اس بات سے انکار نہیں کیا جا سکتا کہ وہاں یہ ابھر سکتی ہے۔

سلمان جاوید کا کہنا تھا کہ کہ سوشل میڈیا ان کے لئے ایک ریکروٹنگ پلیٹ فارم ہے اور اس کی جانب دنیا کو توجہ دینی چاہئیے۔

انہوں نے کہا کہ اس گروپ کو افغانستان میں طالبان کو روکنے کے لئے استعمال کیا جا رہا ہے جو امریکہ کے ساتھ ہونے والے معاہدے سے دستبردار نہیں ہوئے ہیں۔ نہ امریکہ اسے ترک کرنا چاہتا ہے اور ان حالات میں اس فریق کی اور اس کی پشت پناہی کرنے والوں کی نشاندہی ضروری ہے جن کے مفادات کو اس معاہدے پر عمل در آمد سے نقصان پہنچے گا۔

ہندوستان

بہرائچ میں سڑک حادثہ، چار افراد ہلاک

Published

24 minutes ago

May 18, 2026

Online Desk

بہرائچ، اتر پردیش کے بہرائچ ضلع کے مٹیرا علاقے میں کمبائن مشین کی ٹکر سے کار سوار چار افراد ہلاک جبکہ دو دیگر شدید زخمی ہوگئے۔

پولیس ذرائع نے پیر کو بتایا کہ نانپارا-بہرائچ روڈ پر اتوار دیر رات یہ حادثہ ڈیہوا پیٹرول پمپ کے سامنے پیش آیا۔ نانپارا سے بہرائچ کی جانب جا رہی ٹاٹا پنچ کار میں چھ افراد سوار تھے۔ اسی دوران مٹیرا کی طرف سے بہرائچ جا رہی ایک نامعلوم کمبائن مشین نے کار کو زور دار ٹکر مار دی۔

ٹکر اتنی شدید تھی کہ کار کے پرخچے اڑ گئے اور اس میں سوار افراد شدید زخمی ہوگئے۔ اطلاع ملتے ہی تھانہ مٹیرا اور تھانہ نانپارا کی پولیس موقع پر پہنچی اور مقامی لوگوں کی مدد سے زخمیوں کو باہر نکال کر ضلع اسپتال بہرائچ پہنچایا، جہاں ڈاکٹروں نے جانچ کے بعد چار افراد کو مردہ قرار دے دیا جبکہ دو کی حالت نازک بنی ہوئی ہے۔

مہلوکین کی شناخت انل کمار (40) ولد سریش ساکن مکیریا تھانہ رام گاؤں بہرائچ، الطاف احمد (38) ولد عبدالقادر ساکن حمزاپورا تھانہ درگاہ شریف بہرائچ، انل کمار (42) ولد شیام نارائن ساکن میٹوکہا تھانہ رام گاؤں بہرائچ، اور مہندر پال (45) ولد رادھے شیام ساکن فتح پوروا محمدپور تھانہ رام گاؤں بہرائچ کے طور پر ہوئی ہے۔ جبکہ زخمیوں میں شیوم سریواستو (30) ولد وید پرکاش ساکن چترشالہ روڈ تھانہ کوتوالی نگر بہرائچ اور اشونی کمار (30) ولد رام کمل ساکن برہمنی پورہ تھانہ کوتوالی نگر بہرائچ شامل ہیں۔ دونوں کا ضلع اسپتال میں علاج جاری ہے۔

حادثے کی اطلاع ملتے ہی پولیس سپرنٹنڈنٹ بہرائچ وشوجیت سریواستو موقع پر پہنچے اور جائے حادثہ کا معائنہ کیا۔ انہوں نے بتایا کہ نانپارا کی طرف سے ایک ٹاٹا پنچ گاڑی آ رہی تھی، جس میں چھ لوگ سوار تھے۔ نانپارا کے قریب مٹیرا کی طرف سے بہرائچ جا رہی ایک نامعلوم کمبائن مشین نے کار کو زور دار ٹکر مار دی، جس کے نتیجے میں چار افراد کی موت ہوگئی۔

یواین آئی۔الف الف

دنیا

ایران آبنائے ہرمز میں شپنگ کنٹرول سسٹم کا اعلان کرے گا: رکن پارلیمنٹ

Published

2 days ago

May 16, 2026

Online Desk

تہران، ایران نے اعلان کیا ہے کہ وہ جلد ہی آبنائے ہرمز (اسٹریٹ آف ہرمز) میں سمندری ٹریفک کو کنٹرول کرنے کے لیے ایک نئے نظام کا آغاز کرے گا۔

علاقائی کشیدگی اور سمندری سلامتی سے متعلق جاری تنازعات کے درمیان، سینئر ایرانی رکن پارلیمنٹ ابراہیم عزیزی نے اپنے سوشل میڈیا اکاؤنٹ پر یہ معلومات مشترک کی ہیں۔ پارلیمنٹ کے قومی سلامتی اور خارجہ پالیسی کمیشن کے سربراہ ابراہیم عزیزی نے ‘ایکس’ پر لکھا، “ایران نے اپنی قومی خودمختاری اور بین الاقوامی تجارتی سلامتی کی ضمانت کے تحت آبنائے ہرمز میں ایک طے شدہ راستے سے ٹریفک مینجمنٹ کے لیے ایک پیشہ ورانہ نظام تیار کر لیا ہے، جس کا جلد ہی اعلان کیا جائے گا۔”

انہوں نے مزید کہا کہ اس نئے نظام کے تحت صرف انہی تجارتی جہازوں اور فریقین کو آبنائے ہرمز پار کرنے کی اجازت ہوگی جو ایران کے ساتھ تعاون کر رہے ہیں۔ ایران اس اسکیم کے تحت فراہم کی جانے والی خصوصی خدمات کے لیے فیس (ٹیکس) بھی نافذ کرے گا۔

یواین آئی۔م س

جموں و کشمیر

پہلگام سڑک حادثے میں گجرات کے دو سیاح ہلاک، تین زخمی

Published

2 days ago

May 16, 2026

Online Desk

سری نگر، جنوبی کشمیر کے ضلع اننت ناگ کے پہلگام علاقے میں آرو ویلی روڈ پر ہفتہ کے روز ایک سیاحتی ٹیکسی حادثے کا شکار ہو گئی، جس کے نتیجے میں دو سیاح ہلاک جبکہ ڈرائیور سمیت تین افراد زخمی ہو گئے۔

حکام کے مطابق سیاحتی ٹیکسی بے قابو ہو کر سڑک سے پھسل کر ایک گہری کھائی میں جا گری۔

ہلاک ہونے والوں کی شناخت باوِن بھاوسر اور نینا کے طور پر ہوئی ہے، جو دونوں گجرات کے رہائشی تھے۔

زخمیوں میں اوِن بھاوسر، اشوک نینا، دونوں ساکنان گجرات اور ڈرائیور رئیس احمد بٹ، ساکن رنگورڈ پہلگام شامل ہیں۔ تمام زخمیوں کو علاج کے لیے گورنمنٹ میڈیکل کالج اننت ناگ منتقل کر دیا گیا ہے۔

پولیس نے واقعے کا نوٹس لیتے ہوئے پولیس اسٹیشن پہلگام میں ایف آئی آر نمبر 41/2026 درج کر لی ہے اور مزید تحقیقات جاری ہیں۔

یواین آئی۔ ظ ا