نئی دہلی، کانگریس کے سابق صدر اور لوک سبھا میں اپوزیشن لیڈر راہل گاندھی نے امریکہ کے ساتھ تجارتی معاہدے کے معاملے پر ایک بار پھر وزیرِ اعظم نریندر مودی پر الزام عائد کیا ہے کہ یہ معاہدہ اپنے دوست صنعت کار گوتم آڈانی کے مفاد میں کیا ہے۔ راہل گاندھی نے جمعہ کو سوشل میڈیا پلیٹ فارم ایکس پر کہا کہ “یہ تجارتی معاہدہ نہیں بلکہ اڈانی کی رہائی کا سودا کیا ہے”، اور وزیرِ اعظم کو “کمپرومائزڈ پی ایم” قرار دیتے ہوئے ان پر سمجھوتہ کرنے کا الزام لگایا۔

کانگریس کے محکمہ مواصلات کے انچارج جے رام رمیش نے کہا ، “اب یہ واضح ہے کہ وزیر اعظم نے ہندوستان اور امریکہ کے درمیان انتہائی مایوس کن اور یک طرفہ تجارتی معاہدے کو کیوں قبول کیا ، جو دراصل امریکہ کے حق میں یک طرفہ معاہدہ تھا ۔ یہ بھی واضح ہے کہ انہوں نے اچانک 10 مئی 2025 کو صدر ٹرمپ کی دھمکیوں کے سامنے جھک کر ، قومی مفاد کے بجائے ان کے دباؤ میں آپریشن سندور کو کیوں روک دیا ،۔ “

اطلاعات کے مطابق ٹرمپ انتظامیہ اب تاجر اڈانی کے خلاف بدعنوانی سے متعلق تمام الزامات واپس لینے کی تیاری کر رہی ہے ۔ وزیر اعظم اور کتنا سمجھوتہ کریں گے “

یو این آئی۔ ایم جے

واشنگٹن، امریکی صدرڈونالڈ ٹرمپ نے کہا ہے کہ چین نہیں چاہتا کہ ایران ایٹمی ہتھیار حاصل کرے۔

فوکس نیوز کو دیے گئے ایک انٹرویو میں ڈونلڈ ٹرمپ نے کہا، “میرا نہیں خیال کہ چین بھی یہ چاہتا ہے کہ ایران کے پاس ایٹمی ہتھیار ہوں۔”

انہوں نے یہ بھی کہا کہ چین، ایران پر اثر و رسوخ استعمال کرتے ہوئے اسے امریکہ کے ساتھ کسی معاہدے پر آمادہ کر سکتا ہے۔

ٹرمپ اس وقت 13 سے 15 مئی تک چین کے سرکاری دورے پر ہیں، جو گزشتہ نو برس میں کسی امریکی صدر کا چین کا پہلا دورہ ہے۔ اس دوران جمعرات کو دونوں ممالک کے رہنماؤں کے درمیان بات چیت ہوئی، جبکہ جمعہ کو ورکنگ لنچ طے ہے۔

اسپوتنک/یو این آئی۔ ایم جے

واشنگٹن، امریکی صدر ڈونالڈ ٹرمپ نے اس بات پر اعتماد ظاہر کیا ہے کہ امریکہ ایران سے افزودہ یورینیم حاصل کر لے گا۔

فوکس نیوز کو دیے گئے ایک انٹرویو میں انہوں نے کہا کہ امریکی بمباری کے نتیجے میں متعلقہ مقام مکمل طور پر تباہ ہو گیا ہے اور پہاڑ اس پر گر پڑا ہے۔ ان کے مطابق ابتدائی طور پر ماہرین کا خیال تھا کہ وہاں تک پہنچنا ناممکن ہوگا، لیکن وہ اب بھی اس مواد کو حاصل کرنا چاہتے ہیں اور پُرامید ہیں کہ امریکہ اسے حاصل کر لے گا۔

ٹرمپ نے مزید کہا کہ اگر ضرورت پڑی تو امریکہ ایرانی جوہری تنصیبات پر دوبارہ بمباری بھی کر سکتا ہے تاکہ وہاں موجود یورینیم تک کسی کی رسائی ممکن نہ ہو۔

انہوں نے یہ بھی دعویٰ کیا کہ امریکہ ایرانی جوہری مراکز کی مسلسل نگرانی کر رہا ہے، جنہیں حالیہ امریکی حملوں کا نشانہ بنایا گیا تھا۔

یو این آئی۔ ایم جے